ನಿಕ್ ಜೊನಾಸ್-ಪ್ರಿಯಾಂಕಾ ಮದುವೆ ನಡೆಯುವುದು 'ಈ' ದಿನ.?

ಪ್ರಿಯಾಂಕಾ-ನಿಕ್ ಮದುವೆ ಯಾವಾಗ.?

ವರದಿಗಳ ಪ್ರಕಾರ, ಪ್ರಿಯಾಂಕಾ ಛೋಪ್ರಾ-ನಿಕ್ ಜೊನಾಸ್ ವಿವಾಹ ಮಹೋತ್ಸವ ಸೆಪ್ಟೆಂಬರ್ 16, 2018 ರಂದು ನಡೆಯಲಿದೆ. ಮದುವೆಗಾಗಿ ಈಗಾಗಲೇ ಒಡವೆ-ವಸ್ತ್ರವನ್ನ ಕೊಂಡುಕೊಂಡಿದ್ದಾರಂತೆ ನಟಿ ಪ್ರಿಯಾಂಕಾ ಛೋಪ್ರಾ.

ದಿನದ ವಿಶೇಷ ಏನು.?

ಸೆಪ್ಟೆಂಬರ್ 16 ರಂದೇ ಯಾಕೆ ಅಂದ್ರೆ, ಅವತ್ತು ನಿಕ್ ಜೊನಾಸ್ ಜನ್ಮದಿನ. ನಿಕ್ ಹುಟ್ಟುಹಬ್ಬದ ದಿನವೇ ಮದುವೆ ಆಗಲು ಇಬ್ಬರೂ ತೀರ್ಮಾನಿಸಿದ್ದಾರಂತೆ. ಮದುವೆಗಾಗಿ ಸಕಲ ತಯಾರಿಯಲ್ಲಿ ಜೋಡಿ ತೊಡಗಿದ್ದಾರೆ ಎನ್ನಲಾಗಿದೆ.

ಪ್ರಿಯಾಂಕಾ ಜನ್ಮದಿನದಂದು ಎಂಗೇಜ್ಮೆಂಟ್ ಆಗ್ಹೋಗಿದೆ.!

ಈ ವರ್ಷದ ಪ್ರಿಯಾಂಕಾ ಛೋಪ್ರಾ ಜನ್ಮದಿನದಂದೇ (ಜುಲೈ 18) ಆಕೆಯ ಕೈಗೆ ಉಂಗುರ ತೊಡಿಸಿ ನಿಕ್ ಜೊನಾಸ್ ಎಂಗೇಜ್ ಆದರು ಎಂದು ಸುದ್ದಿತಾಣವೊಂದು ವರದಿ ಮಾಡಿದೆ. ಪ್ರಿಯಾಂಕಾ ಛೋಪ್ರಾ ಬರ್ತಡೇ ದಿನ ನಿಶ್ಚಿತಾರ್ಥ ಆಗಿರುವ ಕಾರಣ, ನಿಕ್ ಜೊನಾಸ್ ಹುಟ್ಟುಹಬ್ಬದಂದು ಮದುವೆ ನಡೆಯಲಿದೆ ಎನ್ನುವುದು ಹಲವರ ಊಹೆ.

ತುಟಿಕ್ ಪಿಟಿಕ್ ಎನ್ನದ ಪ್ರಿಯಾಂಕಾ

ನಿಶ್ಚಿತಾರ್ಥ-ಮದುವೆ ಬಗ್ಗೆ ಇಷ್ಟೆಲ್ಲಾ ಸುದ್ದಿ ಕೇಳಿಬರುತ್ತಿದ್ದರೂ, ನಿಕ್ ಜೊನಾಸ್ ಆಗಲಿ ಪ್ರಿಯಾಂಕಾ ಛೋಪ್ರಾ ಆಗಲಿ ತುಟಿಕ್ ಪಿಟಿಕ್ ಎಂದಿಲ್ಲ. ಮದುವೆ ಬಗ್ಗೆ ಪ್ರಿಯಾಂಕಾ ಕುಟುಂಬದವರೂ ಕೂಡ ಮಾಹಿತಿ ಬಿಟ್ಟು ಕೊಟ್ಟಿಲ್ಲ.

ಯಾರೀ ನಿಕ್ ಜೊನಾಸ್.?

25 ವರ್ಷದ ನಿಕ್ ಜೊನಾಸ್ ಅಮೇರಿಕಾದ ಗಾಯಕ ಹಾಗೂ ನಟ. 'ಕ್ಯಾಂಪ್ ರಾಕ್', 'ಮಿಸ್ಟರ್ ಸನ್ ಶೈನ್', 'ಸ್ಮ್ಯಾಶ್' ಮುಂತಾದ ಟೆಲಿವಿಷನ್ ಫಿಲ್ಮ್ ಗಳಲ್ಲಿ ನಿಕ್ ಜೋನಾಸ್ ಕಾಣಿಸಿಕೊಂಡಿದ್ದಾರೆ. ಗಾಯಕನಾಗಿ ಹಲವಾರು ಆಲ್ಬಂಗಳನ್ನು ನಿಕ್ ಜೋನಾಸ್ ಹೊರತಂದಿದ್ದಾರೆ. ನಟಿ ಪ್ರಿಯಾಂಕಾ ಛೋಪ್ರಾಗಿಂತ ನಿಕ್ ಜೊನಾಸ್ ಹತ್ತು ವರ್ಷ ಕಿರಿಯ.