Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
25 ವರ್ಷಗಳ ಬಳಿಕ ಮರುಬಿಡುಗಡೆ ಆಗುತ್ತಿದೆ ಜಗಮೆಚ್ಚಿದ ಪ್ರೇಮಕತೆ!
ಅದ್ಭುತ ಕತೆಗಳು ಎಂದಿಗೂ ಸಾಯುವುದಿಲ್ಲ. ಅದರಲ್ಲೂ ಪ್ರೇಮಕತೆಗಳಿಗಂತೂ ಸಾವೇ ಇಲ್ಲ. ಪ್ರೇಮಿಗಳು ಸಾಯಬಹುದು ಕತೆಗಳು ಸಾಯುವುದಿಲ್ಲ ಎಂಬ ಮಾತೇ ಇದೆ. ಅಂಥಹುದೇ ಒಂದು ಅದ್ಭುತ ಪ್ರೇಮಕತಾ ಸಿನಿಮಾ 25 ವರ್ಷಗಳ ಬಳಿಕ ಮರು ಬಿಡುಗಡೆ ಆಗುತ್ತಿದೆ.
25 ವರ್ಷಗಳ ಹಿಂದೆ ಬಿಡುಗಡೆ ಆಗಿ ಜಗತ್ತಿನ ಸಿನಿಮಾ ರಂಗದಲ್ಲಿ ಇತಿಹಾಸವನ್ನೇ ಸೃಷ್ಟಿಮಾಡಿದ್ದ ಅದ್ಭುತ ಪ್ರೇಮಕತಾ ಸಿನಿಮಾ 'ಟೈಟ್ಯಾನಿಕ್' ಈಗ ಮತ್ತೆ ಬಿಡುಗಡೆಗೆ ರೆಡಿಯಾಗಿದೆ.
ಪ್ರೇಮಿಗಳ ದಿನಕ್ಕೆ ನಾಲ್ಕು ದಿನ ಮುಂಚಿತವಾಗಿ ಅಂದರೆ ಫೆಬ್ರವರಿ 10 ರಂದು ವಿಶ್ವದಾದ್ಯಂತ 'ಟೈಟ್ಯಾನಿಕ್' ಸಿನಿಮಾ ಮರು ಬಿಡುಗಡೆ ಆಗುತ್ತಿದೆ. 3ಡಿ ಹಾಗೂ 4ಕೆ ತಂತ್ರಜ್ಞಾನವನ್ನು ಸಿನಿಮಾಕ್ಕೆ ಸೇರಿಸಲಾಗಿದ್ದು ಮೊದಲಿಗಿಂತಲೂ ಭವ್ಯವಾಗಿ ಟೈಟ್ಯಾನಿಕ್ ಈ ಬಾರಿ ತೆರೆಯ ಮೇಲೆ ಕಾಣಲಿದೆ.
ಜೇಮ್ಸ್ ಕ್ಯಾಮರನ್ ನಿರ್ದೇಶನ ಮಾಡಿದ್ದ ಟೈಟ್ಯಾನಿಕ್ ಸಿನಿಮಾ ಮೊದಲ ಬಾರಿ ಡಿಸೆಂಬರ್ 19, 1997 ರಂದು ಬಿಡುಗಡೆ ಆಗಿತ್ತು. ಲಿಯೋನಾರ್ಡೊ ಡಿ ಕ್ಯಾಪ್ರಿಯೋ ಹಾಗೂ ಕೇಟ್ ವಿನ್ಸ್ಲೆಟ್ ನಟಿಸಿದ್ದ ಈ ಸಿನಿಮಾ ಟೈಟ್ಯಾನಿಕ್ ಹಡುಗು ಮುಳುಗುವ ಕತೆಯನ್ನು ಹೊಂದಿತ್ತು. ಹಡುಗು ಮುಳುಗುವ ಸಾಹಸಮಯ ಕತೆಯೊಳಗೆ ಅದ್ಭುತ ಪ್ರೇಮಕತೆ ಜೊತೆಗೆ ಬಡವ-ಶ್ರೀಮಂತ ವರ್ಗ ಭೇದಗಳನ್ನು ಒಳಗೊಂಡಿತ್ತು.
1997 ರಲ್ಲಿ ಬಿಡುಗಡೆ ಆದಾಗ ಈ ಸಿನಿಮಾ ಹಲವು ದಾಖಲೆಗಳನ್ನು ನಿರ್ಮಿಸಿತ್ತು. ಡಿಜಿಟಲ್ ಅಲ್ಲದ ಆ ಕಾಲದಲ್ಲಿಯೂ ಹಲವು ದೇಶಗಳ, ಸಣ್ಣ-ಪುಟ್ಟ ಪಟ್ಟಣ, ಹಳ್ಳಿಗಳಲ್ಲಿಯೂ ಈ ಸಿನಿಮಾ ಪ್ರದರ್ಶನ ಕಂಡಿದ್ದಿದ್ದು ವಿಶೇಷ. ವಿಶ್ವದಲ್ಲಿ ಅತಿ ಹೆಚ್ಚು ಮಂದಿ ನೋಡಿದ ಸಿನಿಮಾಗಳಲ್ಲಿ ಒಂದು 'ಟೈಟ್ಯಾನಿಕ್'.
ಆಗಿನ ಕಾಲಕ್ಕೆ 400 ಕೋಟಿ ರುಪಾಯಿ ಖರ್ಚು ಮಾಡಿ ನಿರ್ಮಿಸಲಾದ, ವಿಶ್ವದ ಅತ್ಯಂತ ದುಬಾರಿ ಸಿನಿಮಾ ಟೈಟ್ಯಾನಿಕ್ ತನ್ನ ಬಜೆಟ್ನ ಇಪ್ಪತ್ತು ಪಟ್ಟು ಹೆಚ್ಚು ಹಣವನ್ನು ಬಾಕ್ಸ್ ಆಫೀಸ್ನಿಂದ ಗಳಿಸಿತ್ತು. ಆವರೆಗೆ ವಿಶ್ವದಾದ್ಯಂತ ಇದ್ದ ಎಲ್ಲ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಈ ಸಿನಿಮಾ ಒಂದೇ ಹೊಡೆತಕ್ಕೆ ಚಿಂದಿ ಉಡಾಯಿಸಿತ್ತು. ಅಲ್ಲದೆ ಹಲವು ವರ್ಷಗಳ ಕಾಲ ಯಾರೂ ಮುರಿಯಲಾಗದ ದಾಖಲೆಗಳನ್ನು ನಿರ್ಮಿಸಿತು. ಸ್ಟಾರ್ ವಾರ್ಸ್ ಸಿನಿಮಾ ಈ ದಾಖಲೆಯನ್ನು ಮುರಿಯಿತು.
ಸಿನಿಮಾ ಬಿಡುಗಡೆ ಆಗಿ 25 ವರ್ಷಗಳಾದರೂ 'ಟೈಟ್ಯಾನಿಕ್' ನಂಥಹಾ ಸುಂದರ, ಸಾಹಸಮಯ, ಭಾವುಕ ಪ್ರೇಮಕತೆಯನ್ನು ಜನ ಮರೆತಿಲ್ಲ. ಸಿನಿಮಾದ ಕೆಲವು ಐಕಾನಿಕ್ ಡೈಲಾಗ್ಗಳು ಈಗಲೂ ಆಗಾಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಕಾಣ ಸಿಗುತ್ತವೆ. ಇದೀಗ ಸಿನಿಮಾ ಮರು ಬಿಡುಗಡೆ ಆಗುತ್ತಿದ್ದು, ಮರು ಬಿಡುಗಡೆಯಲ್ಲಿಯೂ ಸಿನಿಮಾ ದಾಖಲೆ ನಿರ್ಮಿಸುವ ಸಾಧ್ಯತೆ ಇದೆ.