ಆಟಗಾರನ ನೋಡಬೇಕು ಏಕೆ? ಇಲ್ಲಿದೆ ಕಾರಣಗಳು

ದ್ವಾರಕೀಶ್ 49ನೇ 'ಆಟಗಾರ'

ದ್ವಾರಕೀಶ್ ಹೋಮ್ ಬ್ಯಾನರ್ ಅಡಿಯಲ್ಲಿ ಬರುತ್ತಿರುವ 'ಆಟಗಾರ' ಚಿತ್ರತಂಡದ ಸಮಗ್ರ ಮಾಹಿತಿ ಸಂದರ್ಶನ ನಿಮ್ಮ ಫಿಲ್ಮಿಬೀಟಲ್ಲಿ

'ಆಟಗಾರ' ನಾಯಕ ನಟ ಚಿರಂಜೀವಿ ಸರ್ಜಾ

ಆಟಗಾರ' ಪಕ್ಕಾ ಎಂರ್ಟಟೈನರ್ ಹಾಗೂ ಪೈಸಾ ವಸೂಲ್ ಚಿತ್ರ. ಪ್ರೇಕ್ಷಕರನ್ನು ಬೇರೆ ಪ್ರಪಂಚಕ್ಕೆ ಕರೆದೊಯ್ಯುತ್ತದೆ. ನಾನು ಇದೇ ಮೊದಲ ಬಾರಿಗೆ ಒಬ್ಬ ಡ್ರಗ್ ಡೀಲರ್, ಸ್ಲಂ ಹುಡುಗ ಪಕ್ಕಾ ಲೋಕಲ್ ಪಾತ್ರ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ.ಐರ್ಲೆಂಡ್ ನಲ್ಲಿ ರಿಯಾಲಿಟಿ ಶೋ ನಲ್ಲಿ ಭಾಗವಹಿಸಿ ಅಲ್ಲೇನು ನಡೆಯುತ್ತೆ, ಅನ್ನೋದು ಕಥೆ.

'ಆಟಗಾರ'ನ ನಾಯಕಿ ಮೇಘನಾ ರಾಜ್

ನೀವು 'ಆಟಗಾರ' ನೋಡಬೇಕು. ಚಿತ್ರದ ಫಸ್ಟ್ ಹಾಫ್ ನೋಡಿ ಸೆಕೆಂಡ್ ಹಾಫ್ ಏನಾಗುತ್ತೆ ಅನ್ನೋ ಕುತೂಹಲ ನಿಮಗೆ ಇರಬೇಕು. ಇದೊಂದು ಸಸ್ಪೆನ್ಸ್ ಡ್ರಾಮಾ. ಸಮಾಜಕ್ಕೆ ಉತ್ತಮ ಸಂದೇಶದ ಜೊತೆಗೆ ಸ್ಪೂರ್ತಿ ಯನ್ನು ನೀಡುತ್ತದೆ. ಚಿರು ಜೊತೆ ಕೆಲಸ ಮಾಡಿದ್ದು ಖುಷಿ ತಂದಿದೆ. ಚಿತ್ರದಲ್ಲಿ ನನ್ನದು ಸೂಪರ್ ಮಾಡೆಲ್ ರೋಲ್.

ಅಸಲಿ 'ಆಟಗಾರ' ನಿರ್ದೇಶಕ ಚೈತನ್ಯ

'ಆಟಗಾರ' ಪ್ರಸ್ತುತ ಸಮಾಜಕ್ಕೆ ಹಿಡಿದ ಕೈಗನ್ನಡಿ. ಕಂಪ್ಲೀಟ್ ಕಮರ್ಷಿಯಲ್ ಚಿತ್ರ, ನಿರ್ಮಾಪಕ ಯೋಗೀಶ್ ದ್ವಾರಕೀಶ್ ಒಬ್ಬ ಟೀಮ್ ಪ್ಲೇಯರ್, ಅವರಿಗೆ ಒಂದು ಸಿನಿಮಾದ ಕಮರ್ಷಿಯಾಲಿಟಿ ತುಂಬಾ ಚೆನ್ನಾಗಿ ತಿಳಿದಿದೆ. 10 ಜನ ಮುಖ್ಯ ಪಾತ್ರಧಾರಿಗಳು, 5 ಜನ ಪೋಷಕ ಪಾತ್ರಧಾರಿಗಳು, ಅಲ್ಲದೇ 16 ಜನ ಸಪೋರ್ಟಿಂಗ್ ಪಾತ್ರಧಾರಿಗಳು ತಂಡದಲ್ಲಿದ್ದಾರೆ.

ನಟಿ ಅನುಪ್ರಭಾಕರ್

'ಆಟಗಾರ' ಅಂದ್ರೆ ಒಂಥರಾ ಒಳ್ಳೆ ಬಿಸಿಬೇಳೆ ಬಾತ್. ಜೊತೆಗೆ ಚಿತ್ರದಲ್ಲಿ ವಿಭಿನ್ನವಾದ ಮೇಕಿಂಗ್ ಇದೆ. 10 ಜನ ಘಟಾನುಘಟಿಗಳು ಸೌತೆಕಾಯಿ, ಬೀನ್ಸ್, ಆಲೂಗೆಡ್ಡೆ, ಕ್ಯಾರೆಟ್ ಇದ್ದಂತೆ, ಜೊತೆಗೆ ಟೆಕ್ನಿಕಲ್ ಟೀಮ್ ಒಳ್ಳೆ ಉಪ್ಪು, ಹುಳಿ, ಖಾರ ಹಾಕಿ ಮಿಕ್ಸ್ ಮಾಡಿದ್ದಾರೆ. ಹಬ್ಬದ ದಿನ ಬಿಸಿಬೇಳೆ ಬಾತ್ ತಿನ್ನಲು 'ಆಟಗಾರ' ನೋಡಿ.

ನಟಿ ಆರೋಹಿತಾ

ನಟಿ ಆರೋಹಿತಾ ಥಿಯೇಟರ್ ನಿಂದ ಬಂದಿದ್ದು, ಮೊದಲು ಇವರಿಗೆ ಬ್ರೇಕ್ ಕೊಟ್ಟ ಸಿನಿಮಾ ಶರಣ್ ಅಧ್ಯಕ್ಷ. ಚಿತ್ರದಲ್ಲಿ ಆರೋಹಿತಾ ಹಾಸ್ಯ ನಟ ಚಿಕ್ಕಣ್ಣ ಅವರ ಗರ್ಲ್ ಫ್ರೆಂಡ್ ಆಗಿ ಕಾಣಿಸಿಕೊಂಡಿದ್ದರು. 10 ಜನ ಸ್ಟಾರ್ ಗಳೊಂದಿಗೆ ನಟಿಸಿದ್ದು, ತುಂಬಾ ಖುಷಿ ಕೊಟ್ಟಿದೆ. 'ಆಟಗಾರ' ಅಂದ್ರೆ ನಾವು ಆಡೋದು, ನಮ್ಮ ಜೊತೆ ನಿಮ್ಮನ್ನು ಆಟ ಆಡಿಸ್ತೀವಿ, ತಲೆಗೆ ಹುಳ ಬಿಡ್ತೀವಿ

ನಟಿ ಪಾವನಾ ಗೌಡ

'ಆಟಗಾರ'ದಲ್ಲಿ ನನ್ನ ಪಾತ್ರ ಒಂದು ಎನ್ ಜಿ ಓ ಸಂಸ್ಥೆಯಲ್ಲಿ ಕೆಲಸ ಮಾಡ್ತಾ ಇರ್ತೀನಿ. ಕಾಡು ಪ್ರಾಣಿಗಳನ್ನು ಸಂರಕ್ಷಣೆ ಮಾಡೋದು ಒಂಥರಾ ಸಮಾಜ ಸೇವೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ನಂತರ ಐರ್ಲೆಂಡ್ ನಲ್ಲಿ ಏನಾಗುತ್ತೆ ಅದು 'ಆಟಗಾರ'ನ ಅಸಲಿ ಆಟ. 'ಆಟಗಾರ' ಆಡಿಯನ್ಸ್ ಜೊತೆಗೆ ಆಡೋ ಆಟ.