ಶಂಕರ್ ಚಿತ್ರದಲ್ಲಿ ಮೋಹನ್ ಲಾಲ್, ಪ್ರಭಾಸ್?

ನಿರ್ದೇಶಕ ಶಂಕರ್, ಕಮಲ್ ಹಾಸನ್ ನಾಯಕತ್ವದ ಸಿನಿಮಾ ಮಾಡಲಿದ್ದಾರೆಂಬುದು ಈ ಹಿಂದೆ ಸುದ್ದಿಯಾಗಿದೆ. ಇದೀಗ ಬಿಗ್ ಬಜೆಟ್ ನ ಆ ಚಿತ್ರಕ್ಕೆ ಪ್ರಭಾಸ್ ಹಾಗೂ ಮೋಹನ್ ಲಾಲ್ ಕೂಡ ಸೇರ್ಪಡೆಯಾಗಿದ್ದಾರೆ ಎಂಬ ಸುದ್ದಿ ಬಂದಿದೆ. ಜೊತೆಗೆ ಬಂದ ಇನ್ನೊಂದು ಸುದ್ದಿಯೆಂದರೆ ಕಮಲ್ ಜೊತೆ ಅವರಿಬ್ಬರೂ ತೆರೆ ಹಂಚಿಕೊಳ್ಳುತ್ತಿಲ್ಲ.

ಬದಲಿಗೆ ಆ ಚಿತ್ರ ತಮಿಳು, ಮಲೆಯಾಳಂ ಹಾಗೂ ತೆಲುಗು, ಹೀಗೆ ಮೂರು ಭಾಷೆಗಳಲ್ಲಿ ನಿರ್ಮಾಣವಾಗಲಿದೆ. ಆಯಾ ಬಾಷೆಗಳ ಚಿತ್ರಗಳಲ್ಲಿ ಕ್ರಮವಾಗಿ ಕಮಲ್ ಹಾಸನ್, ಮೋಹನ್ ಲಾಲ್ ಹಾಗೂ ಪ್ರಭಾಸ್ ನಟಿಸಲಿದ್ದಾರೆ. ಆದರೆ ಇವೆಲ್ಲವೂ ನಿರ್ದೇಶಕ ಶಂಕರ್ ಕಡೆಯಿಂದ ನಿರ್ಧಾರವಾಗಬೇಕಿದೆ.

ಈ ಚಿತ್ರಕ್ಕೆ ತೆಗೆದುಕೊಂಡಿರುವ ಕಥೆ ಕೆಲವು ವರ್ಷಗಳ ಹಿಂದೆ ಕಮಲ್ ಹಾಸನ್ ಬರೆದದ್ದು. ಕಥೆ ಭ್ರಷ್ಟಾಚಾರಕ್ಕೆ ಸಂಬಂಧಿಸಿದ್ದು. ಆಸ್ಕರ್ ರವಿಚಂದ್ರನ್ ಈ ಚಿತ್ರವನ್ನು ನಿರ್ಮಿಸಲಿದ್ದು ಹಾಲಿವುಡ್ ಸ್ಟಾರ್ ಜಾಕೀ ಚಾನ್ ಪ್ರಮುಖ ಪಾತ್ರವೊಂದನ್ನು ಪೋಷಿಸಲಿದ್ದಾರೆ ಎನ್ನಲಾಗಿದೆ. ಶಂಕರ್ ಬಾಯಿಂದ ಬಂದ ಮೇಲೆ ಎಲ್ಲವೂ ಪಕ್ಕಾ ಎನ್ನಬಹುದಾಗಿದೆ.