ಇತಿಹಾಸದಲ್ಲೇ ಮೊದಲು: ವಿನ್ನರ್ ಇಲ್ಲದೆ ಮುಗಿದ ಬಿಗ್‌ ಬಾಸ್

ಫಿನಾಲೆಯನ್ನೇ ತಲುಪಲಿಲ್ಲ ಬಿಗ್‌ ಬಾಸ್‌

ಚೆನ್ನಾಗಿ ನಡೆಯುತ್ತಿದ್ದ ಬಿಗ್ ಬಾಸ್ 2, ಫಿನಾಲೆಗೆ ಇನ್ನು ನಾಲ್ಕು ವಾರ ಇದ್ದಾಗ ಏಕಾಏಕಿ ರದ್ದಾಗಿದೆ. ಇನ್ನು ನಾಲ್ಕು ವಾರ ಕಳೆದಿದ್ದರೆ ವಿನ್ನರ್ ಯಾರೆಂಬುದು ಗೊತ್ತಾಗುತ್ತಿತ್ತು. ಆದರೆ ಆ ಒಳಗಾಗಿ ಕಾರ್ಯಕ್ರಮವೇ ರದ್ದಾಗಿದೆ. ಸ್ಪರ್ಧಾಳುಗಳನ್ನು ಹೊರಗೆ ಕರೆದುಕೊಂಡು ಬರಲಾಗಿದೆ.

ಬಿಗ್ ಬಾಸ್ ಅನ್ನು ರದ್ದು ಮಾಡಿದ ಚಾನೆಲ್

ಕೊರೊನಾ ಭೀತಿಯಿಂದಾಗಿ ಚೆನ್ನಾಗಿ ಪ್ರೇಕ್ಷಕರನ್ನು ರಂಜಿಸುತ್ತಿದ್ದ ಬಿಗ್ ಬಾಸ್ 2 ಅನ್ನು ಚಾನೆಲ್ ರದ್ದುಗೊಳಿಸಿದೆ. ರಾಜ್ಯವೇ ಕೊರೊನಾ ಭೀತಿಯಲ್ಲಿರುವಾಗ ಕಾರ್ಯಕ್ರಮ ನಡೆಸುವುದು ಸೂಕ್ತವಲ್ಲ ಹಾಗೂ ಚಿತ್ರೀಕರಣವನ್ನು ಬಂದ್ ಮಾಡುವ ನಿರ್ಧಾರವನ್ನು ಸಿನಿಮಾ ರಂಗವು ತೆಗೆದುಕೊಂಡಿರುವ ಕಾರಣ ರಿಯಾಲಿಟಿ ಶೋ ಬಂದ್ ಮಾಡಲಾಗಿದೆ.

ಕೊರೊನಾ ಭೀತಿ ನಡುವೆಯೇ ಬಿಗ್‌ಬಾಸ್ ಸ್ಪರ್ಧಿಗೆ ಭರ್ಜರಿ ಸ್ವಾಗತ: ಬುಕ್ ಆಯ್ತು ಕೇಸ್

ಮನೆಯ ಒಳಕ್ಕೆ ಹೋಗಲಿದ್ದಾರೆ ಮೋಹನ್ ಲಾಲ್

ಈಗಾಗಲೇ ಹೊರ ಬಿದ್ದಿರುವ ಪ್ರೋಮೋ ಗಳ ಪ್ರಕಾರ, ಮೋಹನ್ ಲಾಲ್ ಶುಕ್ರವಾರದ ಎಪಿಸೋಡ್‌ನಲ್ಲಿ ಬಿಗ್ ಬಾಸ್ ಮನೆಯ ಒಳಕ್ಕೆ ಹೋಗಿ. ಸ್ಪರ್ಧಿಗಳಿಗೆ ಕೊರೊನಾ ವೈರಸ್ ಬಗ್ಗೆ ತಿಳಿಸಿ, ವಿಶ್ವದಾದ್ಯಂತ ಉಂಟಾಗಿರುವ ತುರ್ತು ಸ್ಥಿತಿಯ ಬಗ್ಗೆ ತಿಳಿಸಿ ಅವರನ್ನೆಲ್ಲಾ ಹೊರಗೆ ಕರೆದುಕೊಂಡು ಬರಲಿದ್ದಾರೆ.

ಎಂಟು ಮಂದಿ ಆರೋಗ್ಯ ಸಮಸ್ಯೆ ನೀಡಿ ಹೊರಬಂದಿದ್ದರು

ಮಲೆಯಾಳಂ ಬಿಗ್ ಬಾಸ್ 2 ನಲ್ಲಿ ಎಂಟು ಮಂದಿ ಸ್ಪರ್ಧಾಳುಗಳು ಆರೋಗ್ಯ ಸಮಸ್ಯೆ ನೀಡಿ ಸ್ಪರ್ಧೆಯಿಂದ ಹೊರಕ್ಕೆ ಬಂದಿದ್ದರು. ಆದರೆ ಆರು ಮಂದಿ ಮಾತ್ರವೇ ವಾಪಸ್ ಬಂದರು ಇಬ್ಬರು ವಾಪಸ್ ಬರಲಿಲ್ಲ. ಇದು ಸಹ ದಾಖಲೆಯೇ.