ಯಲಾ ಕುನ್ನಿ

ಕೋಮಲ್ ನಾಯಕನಾಗಿ ನಟಿಸಿರುವ 'ಯಲಾ ಕುನ್ನಿ' ಸಿನಿಮಾವನ್ನು ಎನ್.ಆರ್.ಪ್ರದೀಪ್ ನಿರ್ದೇಶನ ಮಾಡಿದ್ದಾರೆ. ನಿರ್ದೇಶಕ ಓಂ ಪ್ರಕಾಶ್ ರಾವ್, ಮುಸ್ಸಂಜೆ ಮಹೇಶ್ ಅವರೊಂದಿಗೆ ಕೆಲಸ ಮಾಡಿರುವ ಪ್ರದೀಪ್ ಅವರಿಗೆ ಇದು ಚೊಚ್ಚಲ ಸಿನಿಮಾ.  ಚಿತ್ರದಲ್ಲಿ ಸುಚೇಂದ್ರ ಪ್ರಸಾದ್, ನಿಸರ್ಗ ಅಪ್ಪಣ್ಣ, ಸಾಧು ಕೋಕಿಲ, ಯತಿರಾಜ್ ಜಗ್ಗೇಶ್, ಮಿತ್ರ, ದತ್ತಣ್ಣ, ಮಯೂರ್ ಪಟೇಲ್, ಶಿವರಾಜ್ ಕೆ.ಆರ್ ಪೇಟೆ ಮುಂತಾದವರು ನಟಿಸಿದ್ದಾರೆ. ಧರ್ಮ ವಿಶ್ ಸಂಗೀತ, ಹಾಲೇಶ್ ಎಸ್ ಛಾಯಾಗ್ರಹಣ ಚಿತ್ರಕ್ಕಿದೆ. ಯಲಾ ಕುನ್ನಿ ಸಿನಿಮಾವನ್ನು ಕೋಮಲ್ ಪತ್ನಿ ಅನುಸೂಯ ಹಾಗೂ ಮಹೇಶ್ ಗೌಡ ಅವರು ನಿರ್ಮಿಸಿದ್ದಾರೆ. ವಜ್ರಮುನಿ ಅವರ ಸಿನಿಮಾಗಳನ್ನು ನೋಡಿದವರಿಗೆ 'ಯಲಾ ಕುನ್ನಿ' ಡೈಲಾಗ್ ಹೊಸತೇನಲ್ಲ. ಈಗ ಇದೇ ಶೀರ್ಷಿಕೆ ಇಟ್ಟುಕೊಂಡು ನಟ ಕೋಮಲ್ ಕುಮಾರ್ ರೆಟ್ರೋ ಲುಕ್‌ನಲ್ಲಿ ಸಿನಿಪ್ರಿಯರನ್ನು ರಂಜಿಸಲು ಬರುತ್ತಿದ್ದಾರೆ.  ಈ ಸಿನಿಮಾದ ಟೈಟಲ್ 'ಯಲಾ ಕುನ್ನಿ'. ಆದರೆ, ಮೇರಾ ನಾಮ್ ವಜ್ರಮುನಿ ಸಬ್ ಟೈಟಲ್. ಇದ್ದೊಂದು ಪಕ್ಕಾ ಹಾಸ್ಯಮಯ ಸಿನಿಮಾವಾಗಿದ್ದು, ಒಂದಿಷ್ಟು ಭಾವನಾತ್ಮಕ ಸನ್ನಿವೇಶಗಳನ್ನು ಇಡಲಾಗಿದೆ.   ಬಿಡುಗಡೆ: ಯಲಾ ಕುನ್ನಿ ಸಿನಿಮಾ 2024ರ ಅಕ್ಟೋಬರ್ 25ರಂದು ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಯಿತು.