ರಚಿತಾರಾಮ್ ನಟನೆಯ 'ಭರ್ಜರಿ' ಚಿತ್ರದ 'ಪುಟ್ಟಗೌರಿ' ಹಾಡು ನೋಡಿ

'ಭರ್ಜರಿ' ಸಿನಿಮಾದ ಟೈಟಲ್ ಸಾಂಗ್ ಈ ಹಿಂದೆ ರಿಲೀಸ್ ಆಗಿ ದೊಡ್ಡ ಮಟ್ಟದ ಹಿಟ್ ಆಗಿತ್ತು. ಈಗ ಚಿತ್ರದ ಎರಡನೇ ಹಾಡು ಬಿಡುಗಡೆಯಾಗಿದೆ. ಈ ಹಾಡು ಕೂಡ ಈಗ ಯೂಟ್ಯೂಬ್ ನಲ್ಲಿ ಸಖತ್ ಹಿಟ್ಸ್ ಪಡೆಯುತ್ತಿದೆ.

ಚಿತ್ರದಲ್ಲಿ ರಚಿತಾರಾಮ್ ಪಾತ್ರದ ಹೆಸರು 'ಪುಟ್ಟಗೌರಿ'. ಈ 'ಪುಟ್ಟಗೌರಿ'ಯ ಸ್ಪೆಷಲ್ ಸಾಂಗ್ ಇದಾಗಿದೆ. ಧ್ರುವ ಸರ್ಜಾ ಮತ್ತು ರಚಿತಾ ರಾಮ್ ತುಂಬ ಸ್ಟೈಲಿಶ್ ಆಗಿ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಫಾರಿನ್ ಲೊಕೇಶನ್ ನಲ್ಲಿ ಆಕ್ಷನ್ ಪ್ರಿನ್ಸ್ ಮತ್ತು ಡಿಂಪಲ್ ಕ್ವೀನ್ ಮಿಂಚಿದ್ದಾರೆ. ಹಾಡಿನ ಮೇಕಿಂಗ್ ರಿಚ್ ಆಗಿದೆ. ಈ ಹಾಡು ನೋಡುಗರಿಗೆ 'ಬಹದ್ದೂರ್' ಚಿತ್ರದ 'ಆರಾಮಾಗಿರಿ ಸುಬ್ಬಲಕ್ಷ್ಮಿ..' ಹಾಡನ್ನು ನೆನಪಿಸುತ್ತದೆ.

'ಭರ್ಜರಿ' ಚಿತ್ರಕ್ಕೆ ವಿ.ಹರಿಕೃಷ್ಣ ಸಂಗೀತ ನೀಡಿದ್ದಾರೆ. ನಿರ್ದೇಶಕ ಚೇತನ್ ಕುಮಾರ್ ಅವರೇ ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ವಿಜಯ ಪ್ರಕಾಶ್ ಮತ್ತು ಅನುರಾಧ ಭಟ್ ಧ್ವನಿ ಹಾಡಿನ ಹೈಲೆಟ್ ಆಗಿದೆ. ಸದ್ಯ ರಿಲೀಸ್ ಆಗಿರುವ ಈ ಹಾಡು ಯೂಟ್ಯೂಬ್ ನಲ್ಲಿ ಒಂದೇ ದಿನದಲ್ಲಿ 3 ಲಕ್ಷಕ್ಕೂ ಹೆಚ್ಚು ಹಿಟ್ಸ್ ಪಡೆದಿದೆ. ಅಂದಹಾಗೆ, 'ಭರ್ಜರಿ' ಸಿನಿಮಾ ಇದೇ ತಿಂಗಳು 15ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.