Don't Miss!
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- News ಲೋಕಸಭಾ ಚುನಾವಣೆ: ಮತದಾನದ ದಿನ Rapidoದಿಂದ ಉಚಿತ ಸೇವೆ, ಯಾರಿಗೆ ಲಭ್ಯ..?
- Finance ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2008ರಲ್ಲಿ ಮಿಂಚಿದ ಕನ್ನಡದ ಪಂಚ ನಟಿಯರು
2008ರ ವರ್ಷದ ಉದ್ದಕ್ಕೂ ಅನೇಕ ಹೊಸ ನಟಿಯರ ಮುಖಗಳು ಕಾಣಿಸಿಕೊಂಡಿವೆ. ಅದರಲ್ಲಿ ಕೆಲ ಗಟ್ಟಿ ಕಾಳುಗಳು ಅಷ್ಟೂ ಇಷ್ಟೂ ಹೆಸರು ಮಾಡಿದರೆ, ಇನ್ನು ಕೆಲವರು ಒಂದೇ ಚಿತ್ರಕ್ಕೆ ನಾಪತ್ತೆಯಾದರು. ಇನ್ನು ಹಲವರು ಎಲ್ಲವೂ ಇದ್ದೂ ಅವಕಾಶಗಳಿಂದ ವಂಚಿತರಾದರು. ಅವಕಾಶ ವಂಚಿತರಲ್ಲಿ ಪ್ರಮುಖ ಹೆಸರುಗಳೆಂದರೆ, ರಾಧಿಕಾ ಪಂಡಿತ, ಶುಭ ಪುಂಜಾ, ನೆನಪಿರಲಿ ವರ್ಷಾ, ಗಾಳಿಪಟದ ಭಾವನಾರಾವ್. ಹಳೆಯ ಮುಖಗಳಾದ ಭಾವನಾ, ಛಾಯಾ ಸಿಂಗ್ ಅವರನ್ನು ಕನ್ನಡ ಚಿತ್ರರಂಗ ಸಮರ್ಥವಾಗಿ ಬಳಸಿಕೊಳ್ಳುವಲ್ಲಿ ವಿಫಲವಾಯಿತು.
2008ರ ವರ್ಷದಲ್ಲಿ ಅಗ್ರಪಟ್ಟವನ್ನು ಪಂಜಾಬಿ ಬೆಡಗಿ, ಮುಂಗಾರುಮಳೆ ನಂದಿನಿ ಅಲಿಯಾಸ್ ಪೂಜಾ ಗಾಂಧಿ ಅಲಂಕರಿಸಿದ್ದಾರೆ. ಪಂಜಾಬಿನವರಾದರೂ ಕೆಲವೆ ದಿನಗಳಲ್ಲಿ ಕನ್ನಡವನ್ನು ಕಲಿತು, ಕರ್ನಾಟಕದಾದ್ಯಂತ ಮನೆಮಾತಾದ ಪೂಜಾ ಈ ವರ್ಷದ ಜನಪ್ರಿಯ ನಟಿಯರಲ್ಲಿ ಪ್ರಥಮ ಸ್ಥಾನ ಗಳಿಸಿದ್ದಾರೆ. ಅವರ ನಟನೆಯ ತಾಜ್ ಮಹಲ್ ಚಿತ್ರ ಈ ವರ್ಷದ ಹಿಟ್ ಚಿತ್ರಗಳಲ್ಲಿ ಒಂದಾಗಿದೆ. ಅಲ್ಲದೆ ಪೂಜಾ ಗಾಂಧಿ ಅವರು ಅಕ್ಸಿಡೆಂಟ್, ಕಾಮಣ್ಣನ ಮಕ್ಕಳು, ನೀ ಟಾಟಾ ನಾ ಬಿರ್ಲಾ, ಬುದ್ಧಿವಂತ ಹಾಗೂ ಮಹರ್ಷಿ ಚಿತ್ರದಲ್ಲಿ ನಟಿಸಿದ್ದಾರೆ.
ಎರಡನೇ ಸ್ಥಾನವನ್ನು ಈ ವರ್ಷದಲ್ಲಿ ಮೂರು ಚಿತ್ರದ ನಾಯಕಿಯಾಗಿರುವ ರಮ್ಯಾ ಪಡೆದುಕೊಂಡಿದ್ದಾರೆ. ಸುದೀಪ್ ನಾಯಕ ಹಾಗೂ ರಮ್ಯಾ ನಾಯಕಿಯಾಗಿ ನಟಿಸಿದ ಮುಸ್ಸಂಜೆ ಮಾತು ಈ ವರ್ಷದ ಹಿಟ್ ಚಿತ್ರವಾಗಿದೆ. ಗೋಲ್ಡನ್ ಸ್ಟಾರ್ ಗಣೇಶ್ ಅವರೊಂದಿಗೆ ಬೊಂಬಾಟ್ ಹಾಗೂ ಅಂತೂ ಇಂತೂ ಪ್ರೀತಿ ಬಂತು ಚಿತ್ರಗಳು ಸಾಧಾರಣವಾಗಿದ್ದವು.
ವಂಶಿ ಚಿತ್ರದ ನಾಯಕಿ ನಿಖಿತಾ ಕನ್ನಡ ಅತ್ಯುತ್ತಮ ನಟಿಯರಲ್ಲಿ ಮೂರನೇ ಸ್ಥಾನ ಗಳಿಸಿದ್ದಾರೆ. ಅವರು ನಟಿಸಿದ್ದು ಒಂದೇ ಚಿತ್ರವಾದರೂ ಜನಮಾನಸದಲ್ಲಿ ಉಳಿಯುವಂತೆ ನಟಿಸಿದ್ದಾರೆ ಎನ್ನುತ್ತದೆ ಗಾಂಧಿನಗರ. ನಾಲ್ಕನೇ ಸ್ಥಾನದಲ್ಲಿ ಮಳೆಯಾಳಿ ಬೆಡಗಿ ಗಜ ಚಿತ್ರದ ನಟಿ ನವ್ಯಾ ನಾಯರ್ ಇದ್ದಾರೆ. ಇದಲ್ಲದೇ ನವ್ಯಾ ನಾಯರ್ ಸಾಹಸ ಸಿಂಹ ವಿಷ್ಣುವರ್ಧನ್ ಅವರ ನಮ್ ಯಜಮಾನ್ರು ಚಿತ್ರದಲ್ಲಿ ಕೂಡ ನಟಿಸಿದ್ದಾರೆ. ಮೆರವಣಿಗೆ ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟ ಅಂದ್ರಿತಾ ರೇ ಐದನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.
(ದಟ್ಸ್ ಕನ್ನಡ ಚಿತ್ರ ವಾರ್ತೆ)
2008ರ
ಉತ್ತಮ
ಕನ್ನಡ
ನಿರ್ದೇಶಕ
ಯಾರು?
ಸ್ಯಾಂಡಲ್ವುಡ್
2008
ಗೋಚಾರಫಲ