For Quick Alerts
    ALLOW NOTIFICATIONS  
    For Daily Alerts

    ಕಿರುತೆರೆ ನಟ ಅನಿಲ್ ಕಾಮತ್ ಇನ್ನು ನೆನಪು ಮಾತ್ರ

    By Rajendra
    |

    ಕಿರುತೆರೆ ನಟ, ಬಹುಮುಖ ಪ್ರತಿಭಾಶಾಲಿ ಅನಿಲ್ ಕಾಮತ್ ಇಂದು (ಮಾ.4) ಬೆಳಿಗ್ಗೆ 8ಗಂಟೆಗೆ ನಿಧನರಾಗಿದ್ದಾರೆ. ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಚಿಕಿತ್ಸೆಗಾಗಿ ಅವರನ್ನು ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಹಾಡುಗಾರ, ಸಂಗೀತಗಾರ, ನಟನೆ ಎಲ್ಲದರಲ್ಲೂ ಸೈ ಎನಿಸಿಕೊಂಡಿದ್ದ ಅನಿಲ್ ಕಾಮತ್ ಅವರಿಗೆ 42 ವರ್ಷ ವಯಸ್ಸಾಗಿತ್ತು.

    ಭಾವಗೀತೆಗಳಿಗೆ ಸಂಗೀತ ಸಂಯೋಜಿಸುವ ಕಾಯಕದಿಂದ ಆರಂಭವಾದ ಅವರ ಜೀವನ ನಟನೆಯವರೆಗೂ ಹಬ್ಬಿತ್ತು. ಕಿರುತೆರೆ ಧಾರಾವಾಹಿಗಳಾದ ಮನ್ವಂತರ, ಪುಣ್ಯಕೋಟಿ, ಮಳೆಬಿಲ್ಲು, ಗಾಜಿನ ಗೊಂಬೆ ಹೀಗೆ ಹಲವಾರು ದೈನಂದಿನ ಧಾರಾವಾಹಿಯಲ್ಲಿ ಅನಿಲ್ ಕಾಮತ್ ಅಭಿನಯಿಸಿದ್ದರು. ಪ್ರಮುಖ ಪಾತ್ರ ಹರಿದಾಸ್ ನುಗ್ಗೆಕೋಟೆ ಎಂಬ ಪಾತ್ರದಲ್ಲಿ ಸತತ ನಾಲ್ಕು ವರ್ಷಗಳ ಕಾಲ 'ಮಳೆಬಿಲ್ಲು' ಧಾರಾವಾಹಿಯಲ್ಲಿ ಪಾತ್ರದೊಳಗೆ ಹೊಕ್ಕು ಅಭಿನಯಿಸಿದ್ದರು ಅನಿಲ್ ಕಾಮತ್ ಹೆಗ್ಗಳಿಕೆ.

    'ಮಾಯಾಮೃಗ' ಧಾರಾವಾಹಿಯಲ್ಲಿ ಸಣ್ಣಪಾತ್ರದಲ್ಲಿ ನಟಿಸುವ ಮೂಲಕ ನಟನೆಯ ಮಾಧ್ಯಮಕ್ಕೆ ಅಡಿ ಇಟ್ಟಿದ್ದರು. ಸದಾ ಎಲ್ಲರನ್ನೂ ನಗಿಸುತ್ತ ಯಾವಾಗಲೂ ನಗುನಗುತ್ತಾ ಇರಬೇಕು ಎನ್ನುತ್ತಿದ್ದ ಎಲ್ಲರ ನೆಚ್ಚಿನಗೆಳೆಯ ಅನಿಲ್ ಕಾಮತ್ ಇಂದು ಅಗಲಿರುವುದು ನೋವಿನ ಸಂಗತಿ.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X