For Quick Alerts
    ALLOW NOTIFICATIONS  
    For Daily Alerts

    ಕನ್ನಡದ ಪ್ರಪ್ರಥಮ 2ಡಿ ಚಿತ್ರ ಚಿಂಟೂ ಸ್ಕೂಲ್!

    By Rajendra
    |

    ಹಾಲಿವುಡ್‌ನಲ್ಲಿ 2ಡಿ, ತ್ರಿಡಿ ಚಿತ್ರಗಳೆಂದರೆ 'ಅವತಾರ್', 'ಹ್ಯಾರಿಪಾಟರ್' ಚಿತ್ರಗಳು ನೆನಪಾಗುತ್ತವೆ. ಆದರೆ ಕನ್ನಡದಲ್ಲಿ ಇದುವರೆಗೂ ಆ ರೀತಿಯ ಚಿತ್ರಗಳನ್ನು ನಿರ್ಮಿಸುವ ಸಾಹಸಕ್ಕೆ ಯಾರೂ ಕೈಹಾಕಿರಲಿಲ್ಲ. ಶೇಷಗಿರಿ ಯಾಲಮೇಲಿ ಆ ಸಾಹಸವನ್ನು ಮಾಡಿ ತೋರಿಸಿದ್ದಾರೆ 'ಚಿಂಟೂ ಸ್ಕೂಲ್' ಚಿತ್ರದ ಮೂಲಕ.

    'ಚಿಂಟೂ ಸ್ಕೂಲ್' ಚಿತ್ರವನ್ನು ರು.3.5 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ. ಶ್ರೀಮಹಾಲಕ್ಷ್ಮಿ ಕಂಬೈನ್ಸ್ ಮತ್ತು ಕಲರ್ಸ್ ಎನ್ ಮೋಷನ್ ಸ್ಟುಡಿಯೋ ಪ್ರೈ.ಲಿ ಜಂಟಿ ನಿರ್ಮಾಣದಲ್ಲಿ ಈ ಚಿತ್ರವನ್ನು ನಿರ್ಮಿಸಲಾಗಿದೆ. ಇತ್ತೀಚೆಗೆ ಈ ಚಿತ್ರದ ಕೆಲವು ಕ್ಲಿಪ್ಪಿಂಗ್ ಹಾಗೂ ಮೂರು ಹಾಡುಗಳನ್ನು ಮಾಧ್ಯಮ ಪ್ರತಿನಿಧಿಗಳಿಗೆ ತೋರಿಸಲಾಯಿತು.

    ಸುಮಾರು 90 ನಿಮಿಷಗಳ ಕಾಲಾವಧಿಯ 'ಚಿಂಟೂ ಸ್ಕೂಲ್' ಚಿತ್ರಕ್ಕಾಗಿ 30 ತಂತ್ರಜ್ಞರು ಶ್ರಮಿಸಿದ್ದಾರೆ. ರಚನೆ, ಪರಿಕಲ್ಪನೆ, ಚಿತ್ರಕತೆ ಹೀಗೆ ಸಮಸ್ತ ಜವಾಬ್ದಾರಿ ಹೊತ್ತವರು ಶೇಷಾದ್ರಿ. ಚಿತ್ರದ ನಿರ್ಮಾಣೇತರ ಕೆಲಸಗಳು ಭರದಿಂದ ಸಾಗುತ್ತಿದ್ದು ಜನವರಿ ಹೊತ್ತಿಗೆ 'ಚಿಂಟೂ ಸ್ಕೂಲ್' ಸಿದ್ಧವಾಗಲಿದೆ. 2011ರ ಬೇಸಿಗೆ ರಜೆಗಳಲ್ಲಿ ಚಿತ್ರ ತೆರೆಕಾಣುವ ಸಾಧ್ಯತೆಗಳಿವೆ.

    ಮನರಂಜನೆ ಹಾಗೂ ಸಂದೇಶಾತ್ಮಕ ಚಿತ್ರ ಇದಾಗಿದ್ದು ಗ್ರಾಮೀಣ ಭಾರತವನ್ನು ದೃಷ್ಟಿಯಲ್ಲಿಟ್ಟುಕೊಂಡು ಚಿತ್ರವನ್ನು ರೂಪಿಸಲಾಗಿದೆ. ಮುಂದೊಂದು ದಿನ 'ಮಾಲ್ಗುಡಿ ಡೇಸ್' ಕತೆಗಳನ್ನೂ ಆನಿಮೇಷನ್‌ನಲ್ಲಿ ತರುವ ಆಲೋಚನೆ ಶೇಷಾದ್ರಿ ಅವರಿಗಿದೆ. 'ಎ ಟೈಗರ್ ಫಾರ್ ಮಾಲ್ಗುಡಿ' ಮತ್ತು 'ಅಜ್ಜಿ ಕತೆ' ಎಂಬ ಎರಡು ಚಿತ್ರಗಳು ಸದ್ಯಕ್ಕೆ ಶೇಷಾದ್ರಿ ಅವರ ತಲೆಯಲ್ಲಿವೆ.

    ರಮೇಶ್ ಅರವಿಂದ್, ಚಿದಾನಂದ, ರಂಜಿತಾ, ಬಿ ಎಂ ವೆಂಕಟೇಶ್, ಅನಿರುದ್ಧ್, ನಿಶಾ ಮುಂತಾದವರು 'ಚಿಂಟೂ ಸ್ಕೂಲ್' ಚಿತ್ರಕ್ಕೆ ತಮ್ಮ ಕಂಠವನ್ನು ದಾನ ಮಾಡಿದ್ದಾರೆ. ಜೆ ಎಂ ಪ್ರಹ್ಲಾದ್ ಮತ್ತು ಎಂ ಎನ್ ವ್ಯಾಸರಾವ್ ಅವರ ಸಾಹಿತ್ಯ, ವಿ ಮನೋಹರ್ ಅವರ ಸಂಗೀತ ಚಿತ್ರಕ್ಕಿದೆ. ಕನ್ನಡದ ಪ್ರಪ್ರಥಮ 2ಡಿ ಚಿತ್ರ ಎಂಬ ಹೆಗ್ಗಳಿಕೆಗೆ 'ಚಿಂಟೂ ಸ್ಕೂಲ್' ಪಾತ್ರವಾಗಿದೆ.

    English summary
    Kannada First 2D Film Chintu School by Seshagiri Yalameli. The movie production costs crossed Rs.3.5 cr. The concept, screenplay, creative thought is by first Animation film director Seshagiri. Chintu School is planed to release in April 2011 for the summer vacation.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X