ಕನ್ನಡ ತಾರೆಯರ ಹೊಸ ವರ್ಷದ ರೆಸಲ್ಯೂಷನ್ ಏನು?

ರಾಗಿಣಿ

''ರೆಸಲ್ಯೂಷನ್ ಅಂತೇನಿಲ್ಲ. ಒಳ್ಳೇ ಸಿನಿಮಾಗಳನ್ನ ಮಾಡ್ಬೇಕು. ಅಭಿಮಾನಿಗಳಿಗೆ ಮನರಂಜನೆ ನೀಡ್ಬೇಕು. ಕಳೆದ ವರ್ಷಕ್ಕಿಂತ 2015 ರಲ್ಲಿ ತುಂಬಾ ಹಿಟ್ಸ್ ಕೊಡ್ಬೇಕು ಅಂದುಕೊಂಡಿದ್ದೀನಿ''- ರಾಗಿಣಿ

ರಾಧಿಕಾ ಪಂಡಿತ್

''ನನಗೆ ಸಿನಿಮಾ ಬಿಟ್ಟು ಬೇರೇನೂ ಆಸೆ ಇಲ್ಲ. ಒಳ್ಳೆ ಸಿನಿಮಾಗಳು ಮಾಡಬೇಕು ಅನ್ನೋದೇ ನನ್ನ ರೆಸಲ್ಯೂಷನ್'' - ರಾಧಿಕಾ ಪಂಡಿತ್.

ರಮೇಶ್ ಅರವಿಂದ್

''2014 ನಂಗೆ ತುಂಬಾ ಒಳ್ಳೆಯ ವರ್ಷ. 'ವೀಕೆಂಡ್ ವಿತ್ ರಮೇಶ್' ಹಿಟ್ ಆಯ್ತು. ಆ ತರಹ ಮತ್ತೊಂದು ಶೋ ಮಾಡ್ಬೇಕು. 2015 ರಲ್ಲಿ 'ಉತ್ತಮ ವಿಲನ್' ರಿಲೀಸ್ ಆಗಲಿದೆ. ಮತ್ತಷ್ಟು ಒಳ್ಳೇ ಸಿನಿಮಾಗಳನ್ನ ಮಾಡ್ಬೇಕು. ಪಾಸಿಟೀವ್ ಆಗಿ ಇರಬೇಕು ಅನ್ನೋದೇ ನನ್ನ ರೆಸಲ್ಯೂಷನ್''- ರಮೇಶ್ ಅರವಿಂದ್

ಚಾಂದಿನಿ

''2015 ಕ್ಕೆ ನಾನು ಎರಡು ರೆಸಲ್ಯೂಷನ್ ತೆಗೆದುಕೊಳ್ಳುತ್ತೀನಿ. ಒಂದು ನನ್ನ ವೈಯುಕ್ತಿಕ ಬದುಕಿಗೆ. ಮತ್ತೊಂದು ನನ್ನ ವೃತ್ತಿ ಬದುಕಿಗೆ. ವೈಯುಕ್ತಿಕ ಬದುಕ್ಕಲ್ಲಿ ನಾನು ಬೇರೆಯವರಿಗೆ ಸಹಾಯ ಹಸ್ತ ಚಾಚಿ, ಇತರರ ಮೊಗದಲ್ಲಿ ಹರ್ಷವನ್ನ ತರಿಸಬೇಕು. ವೃತ್ತಿ ಬದುಕ್ಕಲ್ಲಿ ನಾನು ಇನ್ನಷ್ಟು ಡೆಡಿಕೇಟ್ ಆಗ್ಬೇಕು. ಇನ್ನೂ ಹೆಚ್ಚು ಆಕ್ಟೀವ್ ಆಗ್ಬೇಕು. ಹೆಚ್ಚೆಚ್ಚು ಸಿನಿಮಾಗಳಲ್ಲಿ ನಟಿಸಬೇಕು ಅನ್ನುವುದೇ ನನ್ನ ರೆಸಲ್ಯೂಷನ್'' - ಚಾಂದಿನಿ

ಶ್ವೇತಾ ಶ್ರೀವಾತ್ಸವ್

''ಇಲ್ಲಿವರೆಗೂ ವರ್ಷಕ್ಕೆ ಒಂದೇ ಸಿನಿಮಾ ಮಾಡ್ತಿದ್ದೆ. 2015 ರಲ್ಲಿ ಜಾಸ್ತಿ ಸಿನಿಮಾ ಮಾಡ್ಬೇಕು ಅನ್ನೋದೇ ನನ್ನ ರೆಸಲ್ಯೂಷನ್. ಬಿಗ್ ಹಿಟ್ ಕೊಡಬೇಕು ಅನ್ನುವ ಆಸೆ ಇದೆ. ನನ್ನ ನಿರ್ದೇಶನದ ಸಿನಿಮಾಗೂ 2015 ರಲ್ಲಿ ಚಾಲನೆ ಕೊಡಬೇಕು ಅಂದುಕೊಂಡಿದ್ದೀನಿ''- ಶ್ವೇತಾ ಶ್ರೀವಾತ್ಸವ್

ಹರ್ಷಿಕಾ ಪೂಣಚ್ಚ

''ನಾನು ತುಂಬಾ ಫ್ರೈಡ್ ಫುಡ್ ತಿಂತೀನಿ. ಅದನ್ನ 2015 ರಲ್ಲಿ ಕಮ್ಮಿ ಮಾಡಿ. ಸ್ವಲ್ಪ ಡಯೆಟ್ ಮಾಡ್ಬೇಕು ಅಂತಿದ್ದೀನಿ. ಹೀರೋಯಿನ್ ಆದವರು ಡಯೆಟ್ ಮಾಡಲೇಬೇಕು. ಸೋ, 2015 ರಲ್ಲಿ ನಾನು ಸ್ಟ್ರಿಕ್ಟ್ ಆಗಿ ಡಯೆಟ್ ಮಾಡ್ಬೇಕು ಅಂತ ರೆಸಲ್ಯೂಷನ್ ಮಾಡ್ತೀನಿ'' - ಹರ್ಷಿಕಾ ಪೂಣಚ್ಚ

ಸಿಂಧು ಲೋಕನಾಥ್

''ರೆಸಲ್ಯೂಷನ್ ಬಗ್ಗೆ ನನಗೆ ನಂಬಿಕೆ ಇಲ್ಲ. ಬರೀ ಹೊಸ ವರ್ಷದ ದಿನ ಅದನ್ನ ಮಾಡೋದಲ್ಲ. ಪ್ರತಿ ದಿನ ಮಾಡ್ಬೇಕು. ಮಿಸ್ ಮಾಡಬಾರದು. ಅದು ನನ್ನ ಕೈಲಿ ಆಗಲ್ಲ. ಹೀಗಾಗಿ ನಾನು ಯಾವುದೇ ರೆಸಲ್ಯೂಷನ್ ಮಾಡಲ್ಲ''- ಸಿಂಧು ಲೋಕನಾಥ್

ಶುಭಾ ಪೂಂಜಾ

''2015 ರಲ್ಲಿ ಒಂದು ಸೂಪರ್ ಹಿಟ್ ಸಿನಿಮಾ ಕೊಡ್ಬೇಕು ಅನ್ನುವುದೇ ನನ್ನ ರೆಸಲ್ಯೂಷನ್'' - ಶುಭಾ ಪೂಂಜಾ.