ಉಪ್ಪಿ ಆರಕ್ಷಕ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದ್ಯಾಕೆ?

ಸೂಪರ್ ಸ್ಟಾರ್ ಉಪೇಂದ್ರ ಅಭಿನಯದ 'ಆರಕ್ಷಕ' ಚಿತ್ರ ರಾಜ್ಯದಾದ್ಯಂತ ಜ.26ರಂದು ಬಿಡುಗಡೆಯಾಗುತ್ತಿದೆ. ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಈ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಕೊಟ್ಟಿದೆ. ಕಾರಣ ಚಿತ್ರದಲ್ಲಿನ ಭಯಾನಕ ಕೊಲೆ ದೃಶ್ಯ.

ಒಂದು ವೇಳೆ ಈ ಕೊಲೆ ದೃಶ್ಯ ಚಿತ್ರದಲ್ಲಿಲ್ಲದಿದ್ದರೆ ಚಿತ್ರಕ್ಕೆ 'ಯು' ಸರ್ಟಿಫಿಕೇಟ್ ಸಿಗುತ್ತಿತ್ತು ಎಂದಿದ್ದಾರೆ ನಿರ್ಮಾಪಕ ಕೃಷ್ಣ ಪ್ರಜ್ವಲ್. ಬೆಂಗಳೂರಿನ ಸಾಗರ್ ಚಿತ್ರಮಂದಿರದ ಮುಂದೆ ದೊಡ್ಡ ಬಾಟಲ್‌ ಮಾದರಿಯ ಕಟೌಟ್ ನಿಲ್ಲಿಸುವುದಾಗಿ ನಿರ್ಮಾಪಕರು ಹೇಳಿದ್ದರು. ಆದರೆ ಕಾರಣಾಂತರಗಳಿಂದ ಆ ರೀತಿಯ ವಿಭಿನ್ನ ಪ್ರಚಾರವನ್ನು ಕೈಬಿಟ್ಟಿದ್ದಾರೆ.

ಈ ಚಿತ್ರದಲ್ಲಿ ರಾಗಿಣಿ ದ್ವಿವೇದಿ ಗ್ಲಾಮರಸ್ ಪಾತ್ರದಲ್ಲಿ ಕಾಣಿಸಲಿದ್ದಾರೆ. ಆದಿ ಲೋಕೇಶ್ ಪಾತ್ರವೂ ವಿಭಿನ್ನವಾಗಿದ್ದು ಅವರ ವೃತ್ತಿಜೀವನದಲ್ಲಿ ಈ ಚಿತ್ರ ಮತ್ತೋಂದು ತಿರುವು ನೀಡಲಿದೆ ಎಂದಿದ್ದಾರೆ ಕೃಷ್ಣಪ್ರಜ್ವಲ್. ಅಂಡರ್ ವಾಟರ್ ಹಾಡಂತೂ ಚಿತ್ರದಲ್ಲಿ ಪ್ರಮುಖ ಆಕರ್ಷಣೆಯಾಗಿ ನಿಲ್ಲಲಿದೆ.

ಈ ಚಿತ್ರ 'ಎ' ಚಿತ್ರಕ್ಕಿಂತಲೂ ಅದ್ಭುತ ಯಶಸ್ವಿಯಾಗುತ್ತದೆ. ಆರಕ್ಷಕ ಚಿತ್ರಕಥೆಯೇ ಹೀರೋ ಎಂದಿದ್ದಾರೆ ಉಪೇಂದ್ರ. ಚಿತ್ರದ ಸಂಪೂರ್ಣ ಯಶಸ್ಸು ನಿರ್ದೇಶಕ ಪಿ ವಾಸು ಅವರಿಗೆ ಸಲ್ಲುತ್ತದೆ ಎಂದಿದ್ದಾರೆ ಉಪೇಂದ್ರ. ಗುರುಕಿರಣ್ ಸಂಗೀತ ಚಿತ್ರಕ್ಕಿದ್ದು ಹಂಸಲೇಖ, ಕವಿರಾಜ್ ಹಾಗೂ ಉಪೇಂದ್ರ ಸಾಹಿತ್ಯ ಚಿತ್ರಕ್ಕಿದೆ. (ಏಜೆನ್ಸೀಸ್)