For Quick Alerts
    ALLOW NOTIFICATIONS  
    For Daily Alerts

    ಇನ್ನೋವೇಟಿವ್ ಮಲ್ಟಿಫ್ಲೆಕ್ಸ್ ನಲ್ಲಿ ಅಗ್ನಿ ಆಕಸ್ಮಿಕ

    By Staff
    |

    ಬೆಂಗಳೂರು ಮಾರತ್ ಹಳ್ಳಿಯ ಇನ್ನೋವೇಟೀವ್ ಮಲ್ಟಿಫ್ಲೆಕ್ಸ್ ನಲ್ಲಿ ಮಂಗಳವಾರ ರಾತ್ರಿ 2.45ರ ಸುಮಾರಿಗೆ ಅಗ್ನಿ ಆಕಸ್ಮಿಕ ಸಂಭವಿಸಿದೆ.ಚಿತ್ರಮಂದಿರದಲ್ಲಿನ ಪೀಠೋಪಕರಣಗಳು ಅಗ್ನಿಗೆ ಆಹುತಿಯಾಗಿವೆ. ಅಗ್ನಿಶಾಮಕ ಸಿಬ್ಬಂದಿಯ ಪ್ರಕಾರ, ಮಧ್ಯರಾತ್ರಿ ಸುಮಾರು 2.45ರ ಸುಮಾರಿನಲ್ಲಿ ಪ್ರದರ್ಶನ ಕೊಠಡಿಯೊಂದರಲ್ಲಿ ದಟ್ಟ ಹೊಗೆ ಬರುತ್ತಿರುವುದನ್ನು ಕಂಡ ಪ್ರೊಜಕ್ಟರ್ ಆಪರೇಟರ್ ತಕ್ಷಣ ಜಾಗೃತರಾಗಿ ವಿಷಯ ತಿಳಿಸಿದರು ಎಂದರು.

    ಕೂಡಲೆ ಅಗ್ನಿಶಾಮಕ ದಳ ಘಟನಾ ಸ್ಥಳಕ್ಕೆ ಆಗಮಿಸಿ ಬೆಂಕಿಯನ್ನು ನಂದಿಸುವ ಕಾರ್ಯದಲ್ಲಿ ನಿರತವಾಯಿತು. ಇನ್ನೋವೇಟಿವ್ ಮಲ್ಟಿಫಿಕ್ಸ್ ನಲ್ಲಿ ನಾಲ್ಕು ಪ್ರದರ್ಶನ ಕೊಠಡಿಗಳಿವೆ. ಒಂದನೇ ಕೊಠಡಿಯಲ್ಲಿ ಬೆಂಕಿ ಆಕಸ್ಮಿಕ ಸಂಭವಿಸಿದೆ. ಸುಮಾರು 150 ಚದರ ಮೀಟರ್ ಗಳಷ್ಟು ಪ್ರದೇಶ ಹಾನಿಗೊಳಗಾಗಿದೆ ಎಂದು ಘಟನೆಯನ್ನು ಅಗ್ನಿಶಾಮಕ ಅಧಿಕಾರಿಗಳು ವಿವರಿಸಿದರು.

    ಸಮಯಕ್ಕೆ ಸರಿಯಾಗಿ ಅಗ್ನಿಶಾಮಕ ದಳ ಆಗಮಿಸದೇ ಇದ್ದದ್ದೇ ಇಷ್ಟೆಲ್ಲಾ ಅನಾಹುತಕ್ಕೆ ಕಾರಣವಾಯಿತು ಎಂಬುದು ಇನ್ನೋವೇಟಿವ್ ಮಲ್ಟಿಫ್ಲೆಕ್ಸ್ ಅಧಿಕಾರಿಗಳ ಆರೋಪ. ಇತರೆ ಪ್ರದರ್ಶನ ಕೊಠಡಿಗಳಿಗೂ ಬೆಂಕಿ ವಿಸ್ತರಿಸಿತ್ತು. ವಿದ್ಯುತ್, ಹವಾನಿಯಂತ್ರಣ ಉಪಕರಣಗಳು ಸೇರಿದಂತೆ ಪ್ರೊಜೆಕ್ಟರ್ ಸಹ ಭಸ್ಮವಾಗಿವೆ. ಕೊಠಡಿಯ ಮೇಲ್ಛಾವಣೆ ಸಂಪೂರ್ಣ ಹಾಳಾಗಿದೆ.

    ಬೆಂಕಿ ಅನಾಹುತ ಹೇಗೆ ಸಂಭವಿಸಿತು ಎಂಬುದು ಇನ್ನೂ ತಿಳಿದುಬಂದಿಲ್ಲ ಎಂದು ಮಲ್ಟಿಫ್ಲೆಕ್ಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಉಪ ಪೊಲೀಸ್ ಕಮೀಷನರ್ (ಆಗ್ನೇಯ ವಲಯ) ಬಿ ಎನ್ ಎಸ್ ರೆಡ್ಡಿ ಸ್ಥಳಕ್ಕೆ ಆಗಮಿಸಿ ಘಟನಾ ಸ್ಥಳವನ್ನು ಪರಿಶೀಲಿಸಿದರು.

    (ದಟ್ಸ್ ಕನ್ನಡ ಚಿತ್ರವಾರ್ತೆ)

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X