ತಮಿಳು ಚಿತ್ರದಲ್ಲಿ ನಟಿ ರಮ್ಯಾಗೆ ಮತ್ತೊಂದು ಛಾನ್ಸ್

ಸೋಮವಾರವಷ್ಟೆ(ನ.29) ಹುಟ್ಟುಹಬ್ಬ ಆಚರಿಸಿಕೊಂಡ ನಟಿ ರಮ್ಯಾಗೆ ಹುಟ್ಟುಹಬ್ಬದ ಉಡುಗೊರೆ ಎಂಬಂತೆ ತಮಿಳು ಚಿತ್ರದಲ್ಲಿ ಮತ್ತೊಂದು ಆಫರ್ ಸಿಕ್ಕಿದೆ. ಈ ಚಿತ್ರವನ್ನು ವಿಜಯ್ ನಿರ್ದೇಶಿಸುತ್ತಿದ್ದು ವಿಕ್ರಮ್ ನಾಯಕ ನಟನಾಗಿ ಅಭಿನಯಿಸಲಿದ್ದಾರೆ. ಈ ಚಿತ್ರ ಇತ್ತೀಚೆಗಷ್ಟೆ ಚೆನ್ನೈನಲ್ಲಿ ಸೆಟ್ಟೇರಿತ್ತು.

ಅನುಷ್ಕಾ ಮತ್ತು ಅಮಲ ಪೌಲ್‌‍ ಮುಖ್ಯಭೂಮಿಕೆಯಲ್ಲಿರುವ ಚಿತ್ರ. ಚಿತ್ರದಲ್ಲಿ ರಮ್ಯಾ ಅವರದು ಗಮನಸೆಳೆಯುವ ಪಾತ್ರವಂತೆ. ಹಾಲಿವುಡ್‍ನ 'I am Sam' ಚಿತ್ರದ ಆಧಾರವಾಗಿ ಇನ್ನೂ ಹೆಸರಿಡದ ಈ ಚಿತ್ರವನ್ನು ತೆರೆಗೆ ತರಲಾಗುತ್ತಿದೆ. ಮಾನಸಿಕ ವಿಕಲಚೇತನನೊಬ್ಬ ತನ್ನ ಮಗನನ್ನು ಪಡೆಯಲು ಮಾಡುವ ಹೋರಾಟವೇ ಚಿತ್ರದ ಕಥಾ ಹಂದರ.

ಅಂತರ್ ಜಾಲದಲ್ಲಿ ಸಿನಿಮಾ ಟಿಕೆಟ್. ಕಾಳಸಂತೆಗೆ ಗುಡ್ ಬೈ!

ಈ ಹಿಂದೆ ಈ ಚಿತ್ರಕ್ಕೆ ದೀವ ಮಗನ್ ಎಂದು ಹೆಸರಿಡಲಾಗಿತ್ತು. ಆದರೆ ಈ ಚಿತ್ರಕ್ಕೆ ಯಾವುದೇ ಹೆಸರನ್ನು ಇಟ್ಟಿಲ್ಲ ಎಂದು ಚಿತ್ರದ ನಿರ್ದೇಶಕ ವಿಜಯ್ ಸ್ಪಷ್ಟಪಡಿಸಿದ್ದಾರೆ. ಶಾ ಅವರ ಛಾಯಾಗ್ರಹಣ, ಜಿ ವಿ ಪ್ರಕಾಶ್ ಅವರ ಸಂಗೀತ ಚಿತ್ರಕ್ಕಿದೆ. ತಮಿಳು ಚಿತ್ರರಂಗದಲ್ಲಿ ರಮ್ಯಾ ಮಿಂಚುತ್ತಿರುವುದು ಆಕೆಯ ಅಭಿಮಾನಿಗಳ ಪಾಲಿಗೆ ಖುಷಿಯ ಸಂಗತಿ.