ಜೀವರಾಜ್ ಆಳ್ವ ಪುತ್ರಿ ಜೊತೆ ವಿವೇಕ್ ಮದುವೆ

ಬಾಲಿವುಡ್ ನಟ ವಿವೇಕ್ ಒಬೆರಾಯ್ ಗೆ ಕಂಕಣ ಕೂಡಿಬಂದಿದೆ. ಜೆಡಿ(ಯು) ಮುಖಂಡ ದಿವಂಗತ ಜೀವರಾಜ್ ಆಳ್ವ ಅವರ ಮಗಳ ಕೈಹಿಡಿಯಲಿದ್ದಾರೆ ವಿವೇಕ್. ಜೀವರಾಜ್ ಆಳ್ವ ಅವರ ಪತ್ನಿ ಖ್ಯಾತ ನೃತ್ಯಪಟು ನಂದಿನಿ ಆಳ್ವ ಅವರ ಪುತ್ರಿ ಪ್ರಿಯಾಂಕರನ್ನು ವಿವೇಕ್ ಮದುವೆಯಾಗುತ್ತಿದ್ದಾರೆ. ಈ ಮೂಲಕ ವಿವೇಕ್ ಕರ್ನಾಟಕದ ಅಳಿಯ ಎನಿಸಿಕೊಳ್ಳುತ್ತಿದ್ದಾರೆ.

ಸೆಪ್ಟೆಂಬರ್ ಮೊದಲ ವಾರದಲ್ಲಿ ವಿವೇಕ್ ಮತ್ತು ಪ್ರಿಯಾಂಕಾರ ನಿಶ್ಚಿತಾರ್ಥ ನಡೆಯಲಿದೆ ಎಂದು ಆಳ್ವ ಕುಟುಂಬ ಮೂಲಗಳು ದೃಢಪಡಿಸಿವೆ. ಪ್ರಿಯಾಂಕಾ ಅವರು ಲಂಡನ್ ನಲ್ಲಿ ಶಿಕ್ಷಣ ಪಡೆದಿದ್ದಾರೆ. ಇವರಿಬ್ಬರ ವಿವಾಹವು ಅಕ್ಟೋಬರ್ 29ರಂದು ನೆರವೇರಲಿದೆ.

ಈ ಹಿಂದೆ ವಿವೇಕ್ ತನ್ನ ಗೆಳತಿ ಗುರುಪ್ರೀತ್ ರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ ಅವರ ನಿಶ್ಚಿತಾರ್ಥ ಆರಂಭದಲ್ಲೆ ಮುರಿದು ಬಿದ್ದಿತ್ತು. ಬಾಲಿವುಡ್ ನ ಕೆಲವು ನಟಿಯರ ಜೊತೆ ವಿವೇಕ್ ಹೆಸರು ಕೇಳಿಬಂದಿತ್ತು. ಅವರಲ್ಲಿ ಮುಖ್ಯವಾಗಿ ನೀರು ಬಾಜ್ವ, ಜಾಕ್ವಲೈನ್ ಫರ್ನಾಂಡೀಸ್ ಹಾಗೂ ಐಶ್ವರ್ಯ ರೈ ಸಹ ಇದ್ದರು. ಕಟ್ಟಕಡೆಗೆ ಕನ್ನಡತಿಯ ಕೈಹಿಡಿಯುತ್ತಿದ್ದಾರೆ ವಿವೇಕ್.