ಮುಖಪುಟ

ಸಿನಿ ಸಮಾಚಾರ

ಕನ್ನಡ, ತೆಲುಗು, ತಮಿಳು ಚಿತ್ರರಂಗದ ಸಿನಿಮಾ ತಾರೆ ಡೈಸಿ ಬೋಪಣ್ಣ ಶನಿವಾರ (ಮೇ.28) ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದಾರೆ. ಪ್ರಿಯಾಂಕಾ ಚೋಪ್ರಾ ಅವರ ಮಾಜಿ ಸೆಕ್ರೆಟರಿ ಪ್ರಕಾಶ್ ಜಾಜು ಪುತ್ರ ಅಮಿತ್ ಅವರನ್ನು ಡೈಸಿ ವರಿಸಿದ್ದಾರೆ. ಇವರ ಮದುವೆ ಇಂಡೋರ್‌‍ನಲ್ಲಿ ನೆರೆವೇರಿದೆ.

ಅಮಿತ್ ಅವರು ಸಲಹಾ ಕಂಪನಿಯ ವಂಚನೆ ಮತ್ತು ತನಿಖೆ ವಿಭಾಗದಲ್ಲಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಹಿಂದಿಯಲ್ಲಿ ಅಕ್ಷಯ್ ಕುಮಾರ್ ಜೊತೆ 'ಗರಮ್ ಮಸಾಲಾ' ಚಿತ್ರದಲ್ಲೂ ಡೈಸಿ ಅಭಿನಯಿಸಿದ್ದರು. ತೆಲುಗು, ತಮಿಳು ಹಾಗೂ ಮಲಯಾಳಂ ಚಿತ್ರರಂಗದಲ್ಲಿ ಅಭಿನಯಿಸುವ ಮೂಲಕ ಸೈ ಅನ್ನಿಸಿಕೊಂಡಿದ್ದರು ಡೈಸಿ.

ಕನ್ನಡದಲ್ಲಿ ಕಮಲ ಹಾಸನ್ ಜೊತೆ ರಾಮ ಶಾಮ ಭಾಮ, ಉಪೇಂದ್ರ ಜೊತೆ ಐಶ್ವರ್ಯ, ರಮೇಶ್ ಅರವಿಂದ ಜೊತೆ ಸತ್ಯವಾನ್ ಸಾವಿತ್ರಿ ಸೇರಿದಂತೆ ಭಗವಾನ್, ಬಿಂಬ, ತವರಿನ ಸಿರಿ, ಜಾಕ್ ಪಾಟ್, ಗಾಳಿಪಟ, ಒಲವೇ ಜೀವನ ಲೆಕ್ಕಾಚಾರ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಹೊಸ ಬಾಳಿನ ಹೊಸಿಲಲಿ ನಿಂತಿರುವ ಹೊಸ ಜೋಡಿಗೆ ಶುಭವಾಗಲಿ. (ದಟ್ಸ್‌ಕನ್ನಡ ಸಿನಿವಾರ್ತೆ)