''ಭಿಕ್ಷೆ ಬೇಡಿ ನನ್ನ ಹೆಣ ಎತ್ತಬೇಕು'' ಎಂದಿದ್ದರು ಬುಲೆಟ್ ಪ್ರಕಾಶ್ ತಂದೆ

ತಂದೆ ಹೇಳಿದ್ದ ಮಾತು

''ನಾನು ಸತ್ತರೆ ಬಿಳಿ ಬಟ್ಟೆ ರಸ್ತೆಯಲ್ಲಿ ಹಾಕಿ ಭಿಕ್ಷೆ ಬೇಡಿ ನನ್ನ ಹೆಣ ಎತ್ತಬೇಕು ಎಂದು ನಮ್ಮ ತಂದೆ ಹೇಳಿದ್ದರು. ಯಾಕೆಂದರೆ, ನಾನು ಸಿಕ್ಕಾಪಟ್ಟೆ ತರ್ಲೆ, ಪುಂಡ ಆಗಿದ್ದೆ. ಯಾರ ಮಾತು ಕೇಳುತ್ತಿರಲಿಲ್ಲ. ಈಗ ಎರಡು ರೀತಿಯ ಜೀವನ ನೋಡಿದ್ದೇನೆ. ಗುಡಿಸಲಿನಲ್ಲಿಯೂ ಮಲಗಿದ್ದೆ, ಫೈವ್ ಸ್ಟಾರ್ ಹೋಟೆಲ್ ನಲ್ಲಿಯೂ ಮಲಗಿದ್ದೆ.''

84 ವರ್ಷ ಬದುಕುತ್ತೇನೆ ಎಂದರು ಗುರುಗಳು

''84 ವರ್ಷ 6ತಿಂಗಳು 5 ದಿವಸ ನಿನ್ನ ಆಯಸ್ಸು' ಎಂದು ಒಬ್ಬ ದೊಡ್ಡ ಗುರುಗಳು ಹೇಳಿದ್ದಾರೆ. ಆದರೆ ನನಗೆ ಅಷ್ಟೊಂದು ಆಯಸ್ಸು ಬೇಡ. ಈಗ ನನಗೆ 42 ವರ್ಷ. ನಾನು 55- 60 ವರ್ಷ ಬದುಕಿದರೆ ಸಾಕು. ನಾನು ನೋಡಬೇಕಾಗಿರುವುದು, ಅನುಭವಿಸಬೇಕಾಗಿರುವುದು ಎಲ್ಲ ಆಗಿದೆ.''

ಮಗಳ ಮದುವೆ ಮಾಡಬೇಕು

''ನನ್ನ ಇಬ್ಬರು ಮಕ್ಕಳಿಗೆ ಒಂದು ದಾರಿ ಮಾಡಬೇಕು. ನನ್ನ ಮಗಳಿಗೆ ಮದುವೆ ಮಾಡಬೇಕು. ನನ್ನ ಮಗನಿಗೆ ಮುಂದೆ ಒಳ್ಳೆ ಭವಿಷ್ಯ ನೀಡಬೇಕು. 2018 ಜೂನ್ ಗೆ ನನ್ನ ಎಲ್ಲ ಕಂಟಕ ಮುಗಿದಿದೆ. ಇನ್ನೇನಾದರೂ ಒಳ್ಳೆಯ ದಿನಗಳನ್ನು ನಾನು ನನ್ನ ಕುಟುಂಬ ಅನುಭವಿಬೇಕು.''

ರಾಜಕೀಯದಲ್ಲಿ ಬೆಳೆಯುವ ಆಸೆ ಇದೆ

''ರಾಮಕೃಷ್ಣ ಹೆಗಡೆ ಅವರು ಮುಖ್ಯಮಂತ್ರಿ ಆಗಿರುವ ಸಮಯದಲ್ಲಿಯೇ ನನಗೆ ರಾಜಕೀಯದ ಆಸೆ ಹುಟ್ಟಿತ್ತು. ಆಗ ಕೆಲವು ಕಾರ್ಯಕ್ರಮಗಳಲ್ಲಿ ವೈಕ್ ನಲ್ಲಿ ಅನೌನ್ಸ್ ಮಾಡುತ್ತಿದ್ದೆ. ಈಗ ರಾಜಕೀಯಕ್ಕೆ ಬಂದಿದ್ದೇನೆ. ಒಳ್ಳೆಯ ಸ್ಥಾನದಲ್ಲಿ ಇದ್ದೇನೆ. ರಾಜಕೀಯದಲ್ಲಿ ಬೆಳೆಯುವ ನನಗೆ ಆಸೆ ಇದೆ.''