ತಮ್ಮನ ಲವ್ ಮ್ಯಾರೇಜ್ ಬಗ್ಗೆ ಏನಂತಾರೆ ಚಿರು ಸರ್ಜಾ?

ಇಡೀ ಕುಟುಂಬ ಸಂತಸದಲ್ಲಿದೆ

''ಮನೆಯಲ್ಲಿ ಇನ್ನೊಂದು ನಿಶ್ಚಿತಾರ್ಥ ನಡೆಯುತ್ತಿದೆ. ನಮ್ಮ ಕುಟುಂಬದಲ್ಲಿ ಇನ್ನೊಬ್ಬ ಹೊಸ ಸದಸ್ಯರು ಬರುತ್ತಿದ್ದಾರೆ. ಇದು ಒಂದು ರೀತಿಯ ಸಂಭ್ರಮ. ಎಲ್ಲರ ಮನೆಯಲ್ಲಿ ಇರುವ ಹಾಗೆ, ನಮ್ಮ ಇಡೀ ಕುಟುಂಬ ಕೂಡ ಈ ಸಮಯದಲ್ಲಿ ಸಂತಸದಲ್ಲಿದೆ.'' - ಚಿರಂಜೀವಿ ಸರ್ಜಾ, ನಟ

ನಮ್ಮ ಮನೆತನಕ್ಕೆ ಹೇಳಿ ಮಾಡಿಸಿದ ಹುಡುಗಿ

''ಇಂತಹ ಒಳ್ಳೆಯ ಹುಡುಗಿ ನಮ್ಮ ಮನೆ ಸೊಸೆ ಆಗುತ್ತಿದ್ದಾರೆ ಎಂದು ಖುಷಿ ಆಗುತ್ತಿದೆ. ನಮ್ಮ ಮನೆತನಕ್ಕೆ ಹೇಳಿ ಮಾಡಿಸಿದ ಹುಡುಗಿ. ತುಂಬ ಜವಾಬ್ದಾರಿ ಇರುವ ಹೆಣ್ಣು. ಖುಷಿಯಾಗಿ ಎಲ್ಲರೂ ಅಭಿಮಾನಿಗಳು ಆರಸಬೇಕು.'' - ಚಿರಂಜೀವಿ ಸರ್ಜಾ, ನಟ

ಧ್ರುವಗೆ ಒಳ್ಳೆಯದಾಗಲಿ

''ನಮ್ಮ ಅಂಕಲ್ ಊರಿನಲ್ಲಿ ಇಲ್ಲ. ಅವರು ಬಂದ ಮೇಲೆ ನಿಶ್ಚಿತಾರ್ಥದ ಬಗ್ಗೆ ಒಂದು ಪ್ರೆಸ್ ಮೀಟ್ ಮಾಡಿ ಉಳಿದ ವಿಷಯಗಳನ್ನು ಹಂಚಿಕೊಳ್ಳುತ್ತೇವೆ. ಧ್ರುವಗೆ ಒಳ್ಳೆಯದಾಗಲಿ. ಲೈವ್ ಈಸ್ ಬ್ಯೂಟಿಫುಲ್ ಅಂತ ಅವನಿಗೆ ಹೇಳುತ್ತಾನೆ.'' - ಚಿರಂಜೀವಿ ಸರ್ಜಾ, ನಟ

ಡಿಸೆಂಬರ್ 9 ರಂದು ನಿಶ್ಚಿತಾರ್ಥ

ಧ್ರುವ ಸರ್ಜಾ ಅವರ ನಿಶ್ಚಿತಾರ್ಥ ಡಿಸೆಂಬರ್ 9 ರಂದು ನಡೆಯಲಿದೆ. ಬೆಂಗಳೂರಿನ ಬನಶಂಕರಿಯಲ್ಲಿರುವ ವೀರಾಂಜನೇಯ ದೇವಸ್ಥಾನದಲ್ಲಿ ಕಾರ್ಯಕ್ರಮಗಳು ಸರಳವಾಗಿ ನಡೆಯಲಿದೆಯಂತೆ. ಎರಡು ಕುಟುಂಬದ ಸದಸ್ಯರು ಹಾಗೂ ಆಪ್ತರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ.

ಪ್ರೇರಣಾ ಬಗ್ಗೆ

ನಟ ಧ್ರುವ ಸರ್ಜಾ ಮದುವೆ ಆಗುತ್ತಿರುವ ಹುಡುಗಿಯ ಹೆಸರು ಪ್ರೇರಣಾ. ಇವರು ಶಂಕರ್ ಮತ್ತು ಸರಿತಾ ಎಂಬ ದಂಪತಿಯ ಪುತ್ರಿ. ಸದ್ಯ ಬೆಂಗಳೂರಿನ ಖಾಸಗಿ ಕಾಲೇಜಿನಲ್ಲಿ ಉಪನ್ಯಾಸಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಪ್ರೇರಣಾ, ಧ್ರುವ ಅವರ ಎದುರು ಮನೆಯ ಹುಡುಗಿ. ಕಳೆದ 14 ವರ್ಷಗಳಿಂದ ಒಬ್ಬರನ್ನೊಬ್ಬರು ಪ್ರೀತಿ ಮಾಡುತ್ತಿದ್ದಾರೆ.