ಪ್ರೇಮಿಗಳ ದಿನಕ್ಕೆ ದರ್ಶನ್ ಹಾಗೂ ಹುಚ್ಚ ವೆಂಕಟ್ ಸಂದೇಶ

ಪ್ರೇಮಿಗಳ ದಿನಕ್ಕೆ ದರ್ಶನ್ ಕೊಟ್ಟ ಉಡುಗೊರೆ

ಇನ್ನೆರಡು ದಿನಗಳು ಕಳೆದರೆ ಎಲ್ಲೆಡೆ ಪ್ರೇಮಿಗಳ ದಿನಾಚರಣೆಯನ್ನ ಆಚರಣೆ ಮಾಡುತ್ತಾರೆ. ಇದೇ ಸಂದರ್ಭದಲ್ಲಿ ನಟ ದರ್ಶನ್ ಅಭಿಮಾನಿಗಳಿಗಾಗಿ ಓ ಪ್ರೇಮವೇ ಸಿನಿಮಾದ ಟ್ರೇಲರ್ ಬಿಡುಗಡೆ ಮಾಡಿಕೊಟ್ಟಿದ್ದಾರೆ. ಉತ್ತಮ ಸಂದೇಶವಿರುವ ಸಿನಿಮಾಗೆ ಪ್ರೋತ್ಸಾಹ ನೀಡಿ ಎಂದಿದ್ದಾರೆ.

ವಿಶೇಷ ಪಾತ್ರದಲ್ಲಿ ಹುಚ್ಚ ವೆಂಕಟ್

ಫೈರಿಂಗ್ ಸ್ಟಾರ್ ಹುಚ್ಚ ವೆಂಕಟ್ ಕೆಲವು ದಿನಗಳಿಂದ ಸಖತ್ ಸೈಲೆಂಟ್ ಆಗಿದ್ದರು. ಆದರೆ ಓ ಪ್ರೇಮವೇ ಸಿನಿಮಾ ಮೂಲಕ ಮತ್ತೆ ತೆರೆ ಮೇಲೆ ಕಾಣಿಸಿಕೊಂಡಿದ್ದಾರೆ.

ಮನಸ್ಸಿನಿಂದ ಪ್ರೀತಿ ಮಾಡಿ ಎಂದ ವೆಂಕಟ್

ಓ ಪ್ರೇಮವೇ ಸಿನಿಮಾದಲ್ಲಿ ಗೆಸ್ಟ್ ಅಪೀರಿಯನ್ಸ್ ನಲ್ಲಿ ಕಾಣಿಸಿಕೊಂಡಿರುವ ಹುಚ್ಚ ವೆಂಕಟ್ 'ಸೈಕಲ್ ಇರುವವನ ಬಳಿಯೂ ಹೃದಯ ಇರುತ್ತೆ. ಪ್ರೀತಿಯಲ್ಲಿ ಯಾವತ್ತು ಗೊಂದಲ ಇರಬಾರದು' ಎಂದು ಡೈಲಾಗ್ ಹೇಳಿದ್ದಾರೆ.

ಹಳೆ ಶೀರ್ಷಿಕೆ ಜೊತೆ ಹೊಸ ತಂಡ

ಓ ಪ್ರೇಮವೇ ನವ ನಿರ್ದೇಶಕ ಮನೋಜ್ ನಿರ್ದೇಶನದ ಸಿನಿಮಾ. ಚಿತ್ರದಲ್ಲಿ ನಿಕ್ಕಿ ಗರ್ಲಾನಿ ಹಾಗೂ ಅಪೂರ್ವ, ಹುಚ್ಚ ವೆಂಕಟ್ ಇನ್ನೂ ಅನೇಕರು ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.