ಮಗನ ಮದುವೆ ಮಾಡಿ ಸಂತೋಷ ಪಟ್ಟ ನಟ ದೊಡ್ಡಣ್ಣ

ಕನ್ನಡ ಚಿತ್ರರಂಗದ ಹಿರಿಯ ನಟ ದೊಡ್ಡಣ್ಣ ತಮ್ಮ ಮಗನ ಮದುವೆ ಸಂಭ್ರಮದಲ್ಲಿ ಇದ್ದಾರೆ. ದೊಡ್ಡಣ್ಣ ಪುತ್ರ ಸುಗುರೇಶ ವಿವಾಹ ಇಂದು (ಜನವರಿ 30) ಜರುಗಿದೆ.

ಗದಗದಲ್ಲಿ ಮದುವೆ ಕಾರ್ಯಕ್ರಮ ನಡೆದಿದೆ. ಜ್ಯೋತಿ ಎಂಬುವವರನ್ನು ಸುಗುರೇಶ ವಿವಾಹವಾಗಿದ್ದಾರೆ. ವಧುವಿನ ಊರಿನಲ್ಲಿಯೇ ವಿವಾಹ ಕಾರ್ಯಕ್ರಮ ಮಾಡಲಾಗಿದೆ. ಗದಗದ ಕನ್ನಡ ಸಾಹಿತ್ಯ ಭವನದಲ್ಲಿ ಮದುವೆಯನ್ನು ಆಯೋಜನೆ ಮಾಡಲಾಗಿತ್ತು.

ದೊಡ್ಡಣ್ಣ ಅವರ ಚಿತ್ರರಂಗದ ಕೆಲವು ಗಣ್ಯರು ವಿವಾಹ ಮಹೋತ್ಸವದಲ್ಲಿ ಹಾಜರಾಗಿದ್ದರು. ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್, ನಟಿ, ಮಂಡ್ಯ ಸಂಸದೆ ಸುಮಲತಾ ಅಂಬರೀಶ್, ಕೆಲವು ಮಠಗಳ ಮಠಾಧೀಶರು ನೂತನ ವಧು ವರರಿಗೆ ಆಶೀರ್ವಾದ ಮಾಡಿದರು.

ಚಿತ್ರರಂಗದವರ ಜೊತೆಗೆ, ಸ್ನೇಹಿತರು ಹಾಗೂ ಕುಟುಂಬಸ್ಥರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಮಗನ ಮದುವೆ ಮಾಡಿದ ಖುಷಿಯಲ್ಲಿ ದೊಡ್ಡಣ್ಣ ಹಾಗೂ ಅವರ ಪತ್ನಿ ಇದ್ದಾರೆ.

ತಂದೆ ದೊಡ್ಡ ನಟನಾಗಿದ್ದರೂ, ಸುಗುಣೇಶ್ ಚಿತ್ರರಂಗಕ್ಕೆ ಬಂದಿಲ್ಲ. ತಂದೆಯ ಜೊತೆಗೆ ಯಾವುದೇ ಕಾರ್ಯಕ್ರಮಗಳಲ್ಲಿಯೂ ಅವರು ಹೆಚ್ಚು ಕಾಣಿಸಿಕೊಂಡಿರಲಿಲ್ಲ.