ರಕ್ಷಿತಾ ಪ್ರೇಮ್ ಸಹೋದರ ಚಿತ್ರರಂಗಕ್ಕೆ ಎಂಟ್ರಿ!

ಪ್ರೇಮ್ ಬಳಿ ಅಸಿಸ್ಟಂಟ್

ರಕ್ಷಿತಾ ಪ್ರೇಮ್ ಸಹೋದರ ಅಭಿಷೇಕ್ ತಮ್ಮ ಭಾವ ಪ್ರೇಮ್ ಬಳಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡುತ್ತಿದ್ದಾರಂತೆ. ಈ ಮೂಲಕ ಅಧಿಕೃತವಾಗಿ ಸಿನಿಮಾ ಜಗತ್ತಿಗೆ ರಕ್ಷಿತಾ ಸಹೋದರ ಕಾಲಿಟ್ಟಿದ್ದಾರೆ.

'ವಿಲನ್' ಸೆಟ್ ನಲ್ಲಿ ಅಭಿಷೇಕ್

ಶಿವರಾಜ್ ಕುಮಾರ್ ಮತ್ತು ಸುದೀಪ್ ಅಭಿನಯಿಸುತ್ತಿರುವ 'ದಿ ವಿಲನ್' ಸೆಟ್ ನಲ್ಲಿ ಅಭಿಷೇಕ ರಾವ್ ಕಾಣಿಸಿಕೊಳ್ಳುತ್ತಿದ್ದಾರೆ. ಕ್ಯಾಮೆರಾ, ಆಕ್ಟಿಂಗ್, ಹೀಗೆ ಸಿನಿಮಾ ಮೇಕಿಂಗ್ ಕುರಿತ ವಿಚಾರಗಳನ್ನ ಪ್ರೇಮ್ ಅವರ ಜೊತೆಯಲ್ಲಿದ್ದು ಕಲಿಯುತ್ತಿದ್ದಾರಂತೆ.[ಕುಂದಾನಗರಿಯಲ್ಲಿ ಅಬ್ಬರಿಸುತ್ತಿರುವ ಖತರ್ನಾಕ್ 'ವಿಲನ್']

ಸುದೀಪ್ ಅವರಿಂದ ಸಲಹೆ

'ವಿಲನ್' ಸೆಟ್ ನಲ್ಲಿ ಭಾಗಿಯಾಗಿರುವ ಅಭಿಷೇಕ್ , ಕಿಚ್ಚ ಸುದೀಪ್ ಮತ್ತು ಶಿವರಾಜ್ ಕುಮಾರ್ ಅವರಿಂದ ಸಲಹೆಗಳನ್ನ ಪಡೆಯುತ್ತಿದ್ದಾರಂತೆ. ಇವರಿಬ್ಬರ ಆಕ್ಟಿಂಗ್ ನಿಂದ ಅಭಿಷೇಕ್ ಸಾಕಷ್ಟು ವಿಷಯಗಳನ್ನ ಕಲಿತುಕೊಳ್ಳುತ್ತಿದ್ದಾರೆ.

ವಿದೇಶದಲ್ಲಿ ತರಬೇತಿ ಪಡೆದಿದ್ದಾರೆ

ಶಿಕ್ಷಣದಲ್ಲಿ ರ್ಯಾಂಕ್ ವಿದ್ಯಾರ್ಥಿಯಾಗಿರುವ ಅಭಿಷೇಕ್, ನ್ಯೂಯಾರ್ಕ್ 'ಫಿಲಂ ಇನ್ಸ್ಟಿಟ್ಯೂಟ್ ನ ಲೀ ಸ್ಟ್ರಾಸ್ಬರ್ಗ್' ಥಿಯೇಟರ್ ನ ನಟನ ಶಾಲೆಯಲ್ಲಿ ವ್ಯಾಸಂಗ ಮಾಡಿ ಬಂದಿದ್ದಾರೆ. ರಣಬೀರ್ ಕಪೂರ್, ಆಲ್ ಪಚಿನೋ ಅಂತಹ ನಟರು ಇಲ್ಲಿ ವ್ಯಾಸಂಗ ಮಾಡಿದ್ದರು.

ನಟನೆ ಮೇಲೆ ಆಸಕ್ತಿ ಹೆಚ್ಚಿದೆ

ಅಂದ್ಹಾಗೆ, ಅಭಿಷೇಕ್ ರಾವ್ ಗೆ ನಟನೆಯಲ್ಲಿ ಹೆಚ್ಚು ಆಸಕ್ತಿಯಿದೆಯಂತೆ. ಹೀಗಾಗಿ, ಅದಕ್ಕೆ ಬೇಕಾಗುವ ತಯಾರಿಯನ್ನ ಮಾಡಿಕೊಳ್ಳುವ ನಿಟ್ಟಿನಲ್ಲಿ ತಮ್ಮ ಭಾವನ ಜೊತೆ ಸಮಯ ಕಳೆಯುತ್ತಿದ್ದಾರಂತೆ. ಈ ಮೂಲಕ ನಟನಾಗಿ ಬೆಳ್ಳಿತೆರೆ ಪ್ರವೇಶಿಸಲು ಎಲ್ಲ ರೀತಿಯ ಸಿದ್ದತೆಗಳನ್ನ ರಕ್ಷಿತಾ ಅವರ ಸಹೋದರ ಮಾಡಿಕೊಳ್ಳುತ್ತಿದ್ದಾರೆ.