ಮುಖಪುಟ

ಸಿನಿ ಸಮಾಚಾರ

ಕಿಚ್ಚ ಸುದೀಪ್ ಜೊತೆ ವರದನಾಯಕ ಚಿತ್ರದಲ್ಲಿ ಮಿಂಚಿದ್ದ ತಾರೆ ಸಮೀರಾ ರೆಡ್ಡಿ ಈಗ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಉದ್ಯಮಿ ಅಕ್ಷಯ್ ವರ್ಧೆ ಅವರನ್ನು ಜನವರಿ, 2014ರಲ್ಲಿ ಕೈಹಿಡಿದಿದ್ದರು ಸಮೀರಾ. ಇದೀಗ ಅವರು ಚೊಚ್ಚಲ ಗರ್ಭಿಣಿ.

ಈ ಸುದ್ದಿಯನ್ನು ಸ್ವತಃ ಸಮೀರಾ ಹೇಳಿಲ್ಲವಾದರೂ ಅವರ ಆತ್ಮೀಯರು ಸಮೀರಾ ಗರ್ಭಿಣಿ ಎಂಬ ಸಿಹಿ ಸಮಾಚಾರವನ್ನು ಕೊಟ್ಟಿದ್ದಾರೆ. ಯಾರಿಗೇ ಆಗಲಿ ಚೊಚ್ಚಲ ಹೆರಿಗೆ ಎಂದರೆ ಒಂಚೂರು ಭಯ, ಸಿಕ್ಕಾಪಟ್ಟೆ ಸಂಭ್ರಮ ಇದ್ದೇ ಇರುತ್ತದೆ. [ನಟಿ ಸಮೀರಾ ರೆಡ್ಡಿ ಮದುವೆ ಫೋಟೋಗಳು]

ಸಮೀರಾ ಹಾಗೂ ವರ್ಧೆ ದಂಪತಿಗಳೂ ಅಷ್ಟೇ ತಮ್ಮ ಮಗುವಿನ ಬಗ್ಗೆ ನಾನಾ ಕನಸುಗಳನ್ನು ಕಟ್ಟಿಕೊಂಡಿದ್ದಾರೆ. ಎರಡೂವರೆ ವರ್ಷಗಳಷ್ಟು ಸುದೀರ್ಘ ಡೇಟಿಂಗ್ ಮಾಡಿದ್ದ ಈ ಜೋಡಿ ಕಡೆಗೆ ಬಾಳದೋಣಿಯಲ್ಲಿ ಹಾಯಾಗಿ ಸಾಗುತ್ತಿದ್ದಾರೆ.

ಸಿನಿಮಾಗಳ ಜೊತೆಗೆ ವಿಜಯ್ ಮಲ್ಯ ಅವರ ಕಿಂಗ್ ಫಿಶರ್ ಕ್ಯಾಲೆಂಡರ್ ನಲ್ಲೂ ಮಿಂಚಿದ್ದ ಬೆಡಗಿ ಸಮೀರಾ ರೆಡ್ಡಿ. ಇವರ ಮದುವೆಗೆ ಯಾರು ಬರದಿದ್ದರೂ ವಿಜಯ್ ಮಲ್ಯ ಸಾಹೇಬರು ಮಾತ್ರ ಬಂದು ಹರಸಿ ಹೋಗಿದ್ದರು.

ಕನ್ನಡದ ಒಂದೇ ಒಂದು ಚಿತ್ರ ಬಿಟ್ಟರೆ ಹೆಚ್ಚಾಗಿ ಈ ಬೆಡಗಿ ಮಿಂಚಿದ್ದು ತೆಲುಗು, ಹಿಂದಿ ಹಾಗೂ ತಮಿಳು ಚಿತ್ರಗಳಲ್ಲಿ. ಏನೇ ಇರಲಿ ತಾಯಿಯಾಗುತ್ತಿರುವ ಸಮೀರಾಗೆ ಆರೋಗ್ಯವಂತ ಮಗು ಹುಟ್ಟಲಿ ಎಂದು ಹಾರೈಸೋಣ. (ಏಜೆನ್ಸೀಸ್)