ಬಹುಕಾಲದ ಗೆಳೆಯನೊಂದಿಗೆ ಸಪ್ತಪದಿ ತುಳಿದ 'ವಜ್ರಕಾಯ' ನಟಿ ಶುಭ್ರ ಅಯ್ಯಪ್ಪ: ಮೈಸೂರಿನಲ್ಲಿ ರಿಸೆಪ್ಶನ್

6 ವರ್ಷಗಳಿಂದ ಪ್ರೀತಿಯಲ್ಲಿದ್ದ ಜೋಡಿ

ಶುಭ್ರ ಅಯ್ಯಪ್ಪ ಮತ್ತು ವಿಶಾಲ್ ಶಿವಪ್ಪ ಅವರದ್ದು ಲವ್ ಕಮ್ ಅರೆಂಜ್ಡ್ ಮ್ಯಾರೇಜ್. ಸ್ನೇಹಿತರೊಬ್ಬರ ಮುಖಾಂತರ ಪರಸ್ಪರ ಪರಿಚಯವಾದ ಇವರಿಬ್ಬರು ಕಳೆದ ಆರು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು. ವಿಶಾಲ್ ಶಿವಪ್ಪ ಮೊದಲು ಶುಭ್ರಾಗೆ ಪ್ರಪೋಸ್ ಮಾಡಿದ್ದರಂತೆ. ಇದಾದ ಕೆಲ ದಿನಗಳ ಬಳಿಕ ಒಪ್ಪಿಗೆ ಸೂಚಿಸಿದ್ದರಂತೆ.

ಮದುವೆ ಬಳಿಕ ಸ್ಪೆಷಲ್ ಪೋಸ್ಟ್

ವಿವಾಹದ ನಂತರ ನಟಿ ಶುಭ್ರ ಅಯ್ಯಪ್ಪ ಸೋಷಿಯಲ್ ಮೀಡಿಯಾದಲ್ಲಿ ಸ್ಪೆಷಲ್ ಪೋಸ್ಟ್ ಒಂದನ್ನು ಹಾಕಿದ್ದಾರೆ. 'ದೊಡ್ಡಮನೆ'ಯಲ್ಲಿ ನಾನು ಮತ್ತು ವಿಶಾಲ್ ಆತ್ಮೀಯರ ಸಮ್ಮುಖದಲ್ಲಿ ಮದುವೆಯಾದವು. ಇದು ವಿಶಾಲ್ ಪೂರ್ವಜರಿಗೆ ಸೇರಿದ 150 ವರ್ಷಗಳ ಪುರಾತನ ಮನೆ. ಈ ಮಾಂತ್ರಿಕ ಜಾಗದಲ್ಲಿ ನಮ್ಮ ಹತ್ತಿರದವರೊಂದಿಗೆ ಈ ಶುಭ ಸಂದರ್ಭದ ಪ್ರೀತಿಯನ್ನು ನಾವು ಅನುಭವಿಸಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.

ಮೈಸೂರಿನಲ್ಲಿ ಅದ್ದೂರಿ ಆರತಕ್ಷತೆ

ಕೂರ್ಗ್ ನಲ್ಲಿ ಆಪ್ತರ ಸಮ್ಮುಖದಲ್ಲಿ ಸರಳವಾಗಿ ಮದುವೆಯಾಗಿರುವ ಶುಭ್ರ ಅಯ್ಯಪ್ಪ ಮತ್ತು ವಿಶಾಲ್ ಜೋಡಿ ಜನವರಿ 20 ಮತ್ತು 21ರಂದು ಮೈಸೂರಿನಲ್ಲಿ ಆರತಕ್ಷತೆ ಹಮ್ಮಿಕೊಂಡಿದೆ. ಆರತಕ್ಷತೆ ಕಾರ್ಯಕ್ರಮಕ್ಕೆ ಸ್ಯಾಂಡಲ್‌ವುಡ್‌ ತಾರೆಯರು ಆಗಮಿಸುವ ನಿರೀಕ್ಷೆಯಿದೆ.

ತಾರೆಯರಿಂದ ಶುಭ ಹಾರೈಕೆ

ಶುಭ್ರ ಅಯ್ಯಪ್ಪ ಮತ್ತು ವಿಶಾಲ್ ದಂಪತಿಗೆ ನಟಿ ಶ್ವೇತಾ ಚೆಂಗಪ್ಪ, ನೇಹಾ ಶೆಟ್ಟಿ, ಪ್ರಣೀತಾ ಶುಭಾಷ್, ರಾಗಿಣಿ ಪ್ರಜ್ವಲ್, ನಿರ್ದೇಶಕ ಸಿಂಪಲ್ ಸುನಿ, ಶ್ರುತಿ ಪ್ರಕಾಶ್, ಸಂಯುಕ್ತ ಹೆಗ್ಡೆ, ಕಾವ್ಯ ಶೆಟ್ಟಿ, ನಿರ್ದೇಶಕ ಕೆ.ಎಂ.ಚೈತ್ಯ ಸೇರಿದಂತೆ ಹಲವಾರು ಹಾರೈಸಿದ್ದಾರೆ.