'ಅಮರ್' ಚಿತ್ರದ ತಾನ್ಯ ಪಾತ್ರಕ್ಕೆ ಸ್ಫೂರ್ತಿಯಾಗಿದ್ದು ಕನ್ನಡದ ಈ ನಟಿಯಂತೆ!

ನಟಿ ಮಹಾಲಕ್ಷ್ಮಿ ಜೀವನ

'ಅಮರ್' ಚಿತ್ರದ ತಾನ್ಯ ಪಾತ್ರ ನಟಿ ಮಹಾಲಕ್ಷ್ಮಿ ಅವರ ಜೀವನದಿಂದ ಸ್ಫೂರ್ತಿ ಪಡೆದು ಮಾಡಲಾಗಿದೆಯಂತೆ. ಮಹಾಲಕ್ಷ್ಮಿ ದಕ್ಷಿಣ ಭಾರತದ ಪ್ರಮುಖ ತಾರೆಯಾಗಿದ್ದು, ಕನ್ನಡ, ತಮಿಳು, ತೆಲುಗು, ಮಲೆಯಾಳಂ ನಲ್ಲಿ ನಟಿಸಿದ್ದಾರೆ. ಕನ್ನಡದ 'ಜಯಸಿಂಹ', 'ಹೆಂಡ್ತಿಗೆ ಹೇಳ್ಬೇಡಿ', 'ಪೂಜಾ ಫಲ', 'ತಾಯಿ ಕೊಟ್ಟ ತಾಳಿ' ಚಿತ್ರಗಳ ನಾಯಕಿಯಾಗಿದ್ದಾರೆ.

ತಾನ್ಯ ಹೋಪ್ ಪಾತ್ರ ಏನು?

ನಟಿ ತಾನ್ಯ ಹೋಪ್ ಪಾತ್ರದ ಹೆಸರು ಬಾಬಿ. ಪ್ರೀತಿಸಿದ ಹುಡುಗ ಮೋಸ ಮಾಡಿದ ಎಂದು ತಿಳಿದಾಗ ಆಕೆ ತನ್ನ ಜೀವನವನ್ನು ಬೇರೆ ಕಡೆ ಗಮನ ನೀಡುತ್ತಾಳೆ. ಹಾಗಾಗಿ ಕ್ರೈಸ್ತ ಸನ್ಯಾಸಿನಿ ಆಗಿ ಬದಲಾಗಿ ಜೀವನದಲ್ಲಿ ಹಿಂದೆ ನಡೆದ ಎಲ್ಲ ಘಟನೆಗಳನ್ನು ಮರೆಯಲು ಪ್ರಯತ್ನ ಮಾಡುತ್ತಾಳೆ.

'ಒಲವಿನ' ಬದುಕಿನಲ್ಲಿ ನೊಂದ ನಟಿ ಮಹಾಲಕ್ಷ್ಮಿ 'ಸನ್ಯಾಸಿನಿ' ಆದ ಕಥೆ-ವ್ಯಥೆ

ಪಾತ್ರಕ್ಕೆ ಎರಡು ಶೇಡ್ ಇದೆ

ತಾನ್ಯ ಹೋಪ್ ಪಾತ್ರಕ್ಕೆ ಎರಡು ಶೇಡ್ ಇದೆ. ಮೊದಲ ಬಾಬಿಯಾಗಿ ಸ್ಟೈಲಿಶ್ ಕಾಲೇಜ್ ಹುಡುಗಿಯಾಗಿ ತಾನ್ಯ ಕಾಣಿಸಿಕೊಂಡಿದ್ದಾರೆ. ಬೈಕ್ ರೈಡ್ ಮಾಡುತ್ತ, ಅಮರ್ ಜೊತೆಗೆ ಪ್ರೀತಿಯಲ್ಲಿ ಬೀಳುವ ಈಕೆ, ಮುಂದೆ ಕ್ರೈಸ್ತ ಸನ್ಯಾಸಿನಿ ಆಗುತ್ತಾಳೆ. ಈ ಎರಡು ಶೇಡ್ ನಲ್ಲಿ ತುಂಬ ಚೆನ್ನಾಗಿ ತಾನ್ಯ ಹೋಪ್ ನಟಿಸಿದ್ದಾರೆ.

'ಅಮರ್' ಸಿನಿಮಾ ಹೇಗಿದೆ ?

ನಿರ್ದೇಶಕ ನಾಗಶೇಖರ್ ಲವ್ ಸ್ಟೋರಿ ಮಾಡುವುದರಲ್ಲಿ ಎತ್ತಿದ ಕೈ ಎಂದು ಈಗಾಗಲೇ ತೋರಿಸಿದ್ದಾರೆ. ಅದೇ ರೀತಿ ಇಲ್ಲಿಯೂ ಒಂದು ಸುಂದರ ಪ್ರೇಮಕಥೆಯನ್ನು ಪ್ರೇಕ್ಷಕರಿಗೆ ಹೇಳಿದ್ದಾರೆ. ಅಪ್ಪನಂತೆ ಗತ್ತು ತೋರಿಸುತ್ತ, ಡೈಲಾಗ್, ಫೈಟ್ ಜೊತೆಗೆ ಲವರ್ ಬಾಯ್ ಆಗಿ ಅಭಿ ಆಗಮನ ಆಗಿದೆ. ಅಭಿಷೇಕ್ ಸ್ಟೈಲ್ ನಲ್ಲಿಯೇ ಹೇಳಬೇಕು ಅಂದರೆ, ಇದು 'ಲವ್ ಸ್ಟೋರಿ ತರ ಅಲ್ಲ.. ಲವ್ ಸ್ಟೋರಿನೇ..'