ವಿಶಿಷ್ಟವಾಗಿ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡ ಅಮೂಲ್ಯ ದಂಪತಿ, ಇತರರಿಗೆ ಮಾದರಿ

ಗರ್ಭಿಣಿಯರಿಗೆ ಸೀಮಂತ

ಅಮೂಲ್ಯ ಮತ್ತು ಜದಗೀಶ್ ತಮ್ಮ ವಿವಾಹ ವಾರ್ಷಿಕೋತ್ಸವ ಸಂದರ್ಭ ಸರ್ಕಾರಿ ಆಸ್ಪತ್ರೆಯಲ್ಲಿ ದಾಖಲಾಗಿರುವ ಸುಮಾರು 50 ಗರ್ಬಿಣಿ ಮಹಿಳೆಯರಿಗೆ ಸೀಮಂತ ಮಾಡಿದ್ದಾರೆ. ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ನರ್ಸ್ ಭಾರತಿ ಅವರಿಗೆ ಸನ್ಮಾನ

ಇದು ಮಾತ್ರವಲ್ಲದೆ ನಿನ್ನೆ ದಾದಿಯರ ದಿನವಾದ ಕಾರಣ, ಗರ್ಭಿಣಿ ಆಗಿದ್ದರೂ ಕರ್ತವ್ಯಕ್ಕೆ ಹಾಜರಾಗಿ ಸೇವೆಯಲ್ಲಿ ನಿರತವಾಗಿರುವ ನರ್ಸ್ ಭಾರತಿ ಅವರನ್ನು ಅಮೂಲ್ಯ ಮತ್ತು ಜಗದೀಶ್ ಸನ್ಮಾನಿಸಿದ್ದಾರೆ.

ಗರ್ಭಿಣಿಯರಿಗೆ ಪೋಷಕಾಂಶಯುಕ್ತ ಆಹಾರ

ಈ ತಮ್ಮ ಏರಿಯಾದ ಸುತ್ತ-ಮುತ್ತಲೂ ಇರುವ ಗರ್ಭಿಣಿಯರ ಮಾಹಿತಿ ಪಡೆದು ಅವರಿಗೆ ಪೋಷಕಾಂಶಯುಕ್ತ ಆಹಾರವನ್ನು ಜಗದೀಶ್ ಮತ್ತು ಅಮೂಲ್ಯ ದಂಪತಿ ತಲುಪಿಸುವ ಕಾರ್ಯ ಮಾಡಿದ್ದರು. ಇದು ಶ್ಲಾಘನೆಗೆ ಕಾರಣವಾಗಿತ್ತು.

ಉಚಿತ ಮಾಸ್ಕ್ ವಿತರಣೆ

ಅಮೂಲ್ಯ ದಂಪತಿ ಮಹಿಳೆಯರಿಂದ ಮಾಸ್ಕ್‌ಗಳನ್ನು ಹೊಲೆಸಿ ಅದನ್ನು ಉಚಿತವಾಗಿ ಹಂಚುವ ಕಾರ್ಯ ಮಾಡುತ್ತಿದ್ದಾರೆ. ಇದರ ಜೊತೆಗೆ ತಮ್ಮ ಏರಿಯಾದ ಸುತ್ತ-ಮುತ್ತ ಉಚಿತ ದಿನಸಿ, ಉಚಿತ ಆಹಾರ, ಉಚಿತ ತರಕಾರಿ, ಹಣ್ಣುಗಳ ವಿತರಣೆಯನ್ನೂ ಸಹ ಮಾಡುತ್ತಿದ್ದಾರೆ.