ಬಿ.ಸಿ.ಪಾಟೀಲ್ ಪತ್ನಿಗೆ ಕೊರೊನಾ: ಕೌರವನಿಗೆ ಕೊರೊನಾ ಭೀತಿ

ಆದರೆ ಈಗ ಪರಿಸ್ಥಿತಿ ಭಿನ್ನವಾಗಿದೆ

ಆದರೆ ಈಗ ಪರಿಸ್ಥಿತಿ ಭಿನ್ನವಾಗಿದ್ದು, ಸ್ವತಃ ಬಿ.ಸಿ.ಪಾಟೀಲ್ ಪತ್ನಿಗೆ ಕೊರೊನಾ ಬಂದಿದೆ. ಅಷ್ಟೇ ಅಲ್ಲದೆ ಪಾಟೀಲ್ ನಿವಾಸದಲ್ಲಿದ್ದ ಐದು ಮಂದಿ ಸಿಬ್ಬಂದಿಗೂ ಕೊರೊನಾ ಪಾಸಿಟಿವ್ ಬಂದಿದೆ. ಹಾಗಾಗಿ ಈ ಬಾರಿ ಕೊರೊನಾ ಸೋಂಕಿನ ದಿಗಿಲು ಪಾಟೀಲ್‌ಗೆ ತುಸು ಹೆಚ್ಚಿಗೆ ಇದೆ.

ಪತ್ನಿ ಮತ್ತು ಅಳಿಯನಿಗೆ ಕೊರೊನಾ

ಪಾಟೀಲ್ ಅವರ ಪತ್ನಿ, ಅಳಿಯ ಸೇರಿ ಇನ್ನುಳಿದ ಸೋಂಕಿತ ಸಿಬ್ಬಂದಿಯನ್ನು ಸಂಬಂಧಿತ ಕೊರೊನಾ ಕೇರ್ ಸೆಂಟರ್‌ಗೆ ಸೇರಿಸಲಾಗಿದೆ ಎಂದು ಬಿ.ಸಿ.ಪಾಟೀಲ್ ಟ್ವೀಟ್‌ನಲ್ಲಿ ಹೇಳಿದ್ದಾರೆ. ಅವರೆಲ್ಲರೂ ಬೇಗ ಗುಣಮುಖವಾಗಲಿ ಎಂದು ಹಾರೈಸಿರೆಂದು ಪಾಟೀಲ್ ಮನವಿ ಮಾಡಿದ್ದಾರೆ.

ಕ್ವಾರಂಟೈನ್ ಆಗಬೇಕಿದೆ

ನಿಯಮಗಳನ್ವಯ ಬಿ.ಸಿ.ಪಾಟೀಲ್ ಅವರು ಕ್ವಾರಂಟೈನ್‌ಗೆ ಒಳಪಡಬೇಕಾಗಿದೆ. ಈಗ ಪಾಸಿಟಿವ್ ಬಂದಿರುವ ಎಲ್ಲರೂ ಹಿರೇಕೆರೂರಿನ ನಿವಾಸದಲ್ಲಿದ್ದರು. ಬಿ.ಸಿ.ಪಾಟೀಲ್‌ ಹಿರೇಕೆರೂರು ನಿವಾಸಕ್ಕೆ ಭೇಟಿ ಕೊಟ್ಟಿದ್ದರೇ ಇಲ್ಲವೆ ಎಂಬ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ.

ನಟನೆಯಿಂದ ದೂರ ಉಳಿದಿರುವ ಬಿ.ಸಿ.ಪಾಟೀಲ್

ನಟರಾಗಿ ನಿಷ್ಕರ್ಷ, ಮಹಾಕ್ಷತ್ರಿಯ, ಕೌರವ, ಜಾಣ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ನಟಿಸಿರುವ ಬಿ.ಸಿ.ಪಾಟೀಲ್. ಇದೀಗ ನಟನೆ ಬಿಟ್ಟು ಪೂರ್ಣವಾಗಿ ರಾಜಕೀಯದಲ್ಲಿ ತೊಡಗಿಸಿಕೊಂಡಿದ್ದಾರೆ. ಪ್ರಸ್ತುತ ಕೃಷಿ ಸಚಿವರಾಗಿರುವ ಅವರು ನಟಿಸಿದ ಕೊನೆಯ ಸಿನಿಮಾ 2017 ರಲ್ಲಿ ಬಿಡುಗಡೆಯಾದ ಕಾಫಿತೋಟ.