ಕನ್ನಡ ಬೆಳ್ಳಿತೆರೆಯಲ್ಲಿ ಮಿಂಚಿದ ಅಪೂರ್ವ ಜೋಡಿಗಳು

ತಾರಾ ಜೋಡಿ 1

ಯಶ್ - ರಾಧಿಕಾ ಪಂಡಿತ್
ಈ ಇಬ್ಬರೂ ಪ್ರತಿಭಾನ್ವಿತ ತಾರೆಯರನ್ನು ಶಶಾಂಕ್ ಮೊಗ್ಗಿನ ಮನಸು ಚಿತ್ರದ ಮೂಲಕ ಪರಿಚಯಿಸಿದರು. ಇತ್ತೀಚೆಗೆ ಈ ಜೋಡಿ ನಟಿಸಿದ ಡ್ರಾಮಾ ಚಿತ್ರ ಯಶಸ್ವಿ ಪಟ್ಟಿಗೆ ಸೇರಿದ ಚಿತ್ರ. ಈ ಇಬ್ಬರ ಬಗ್ಗೆ ಅದೇನೋ ಗಾಂಧಿನಗರದಲ್ಲಿ 'ಗುಸುಗುಸು' ಮಾತಿ ಚಾಲ್ತಿಯಲ್ಲಿದೆ.

ತಾರಾ ಜೋಡಿ 2

ದಿಗಂತ್ - ಐಂದ್ರಿತಾ ರೇ

ಮನಸಾರೆ ಮತ್ತು ಪಾರಿಜಾತ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದ ಈ ಜೋಡಿಯ ಮಧ್ಯೆ ಕುಚ್ ಕುಚ್ ಹೇ ಎನ್ನುವ ಮಾತಿದೆ. ನಾನು ಐಂದ್ರಿತಾ ಜೊತೆ ಡೇಟಿಂಗ್ ನಡೆಸುತ್ತಿದ್ದೇನೆ ಮತ್ತು 2015 ರಲ್ಲಿ ನಾವಿಬ್ಬರೂ ಮದುವೆಯಾಗಲಿದ್ದೇವೆ ಎಂದು ದಿಗಂತ್ ಈ ಹಿಂದೆ ಹೇಳಿಕೆ ನೀಡಿದ್ದರು.

ತಾರಾ ಜೋಡಿ 3

ಗಣೇಶ್ - ಅಮೂಲ್ಯ

ಈ ಜೋಡಿಯ ಚೆಲುವಿನ ಚಿತ್ತಾರ ಚಿತ್ರ ಹಿಗ್ಗಾಮುಗ್ಗಾ ಹಿಟ್ ಆದ ನಂತರ ಶ್ರಾವಣಿ ಸುಬ್ರಮಣ್ಯ ಎನ್ನುವ ಚಿತ್ರದಲ್ಲಿ ಇಬ್ಬರೂ ಮತ್ತೆ ಜೊತೆಯಾಗಿ ನಟಿಸುತ್ತಿದ್ದಾರೆ.

ತಾರಾ ಜೋಡಿ 4

ಪುನೀತ್ ರಾಜಕುಮಾರ್ - ಪಾರ್ವತಿ ಮೆನನ್

ಮಿಲನ ಚಿತ್ರದಲ್ಲಿ ಜೊತೆಯಾಗಿ ನಟಿಸಿದ ಈ ಜೋಡಿ ಪೃಥ್ವಿ ಚಿತ್ರದಲ್ಲೂ ನಟಿಸಿದ್ದರು. ಎರಡೂ ಚಿತ್ರ ಸೂಪರ್ ಹಿಟ್ ಆಗಿದ್ದವು.

ತಾರಾ ಜೋಡಿ 5

ದರ್ಶನ್ - ರಕ್ಷಿತಾ

ಒಂದು ಕಾಲದಲ್ಲಿ ಕನ್ನಡ ಚಿತ್ರರಂಗದ ಹಾಟ್ ಜೋಡಿಯೆಂದೇ ಖ್ಯಾತಿಯಾಗಿತ್ತು. ಒಂ ಪ್ರಕಾಶ್ ನಿರ್ದೇಶನ ಮತ್ತು ದರ್ಶನ್ ಹೀರೋ ಆಗಿರುವ ಹೆಚ್ಚಿನ ಚಿತ್ರಕ್ಕೆ ರಕ್ಷಿತಾ ನಾಯಕಿಯಾಗಿದ್ದರು. ಈ ಜೋಡಿ ಹಲವು ವರ್ಷಗಳ ಕಾಲ ಸುಂಟರಗಾಳಿಯನ್ನೇ ಬೀಸಿತ್ತು.

ತಾರಾ ಜೋಡಿ 6

ಸುದೀಪ್ - ರಾಗಿಣಿ ದ್ವಿವೇದಿ

ವೀರಮದಕರಿ ಮತ್ತು ಕೆಂಪೇಗೌಡ ಚಿತ್ರದಲ್ಲಿ ಜೊತೆಯಾಗಿ ನಟಿಸಿದ್ದರು. ಎರಡೂ ಚಿತ್ರ ಕ್ಲಿಕ್ ಆಗಿದ್ದವು.

ತಾರಾ ಜೋಡಿ 7

ಶಂಕರನಾಗ್ - ಗಾಯತ್ರಿ

ಜೊತೆಯಾಗಿ ನಟಿಸಿದ ಆಟೋರಾಜ ಚಿತ್ರ ಇಬ್ಬರಿಗೂ ಒಳ್ಳೆ ಹೆಸರನ್ನು ತಂದುಕೊಟ್ಟಿತ್ತು. ನಲಿವಾ ಗುಲಾಬಿ ಹೂವೇ.. ಎನ್ನುವ ಹಾಡು ಇಂದಿಗೂ ಸೂಪರ್ ಹಿಟ್ ಹಾಡು.

ತಾರಾ ಜೋಡಿ 8

ಶ್ರೀನಾಥ್ - ಮಂಜುಳಾ

ಎಪ್ಪತ್ತರ ದಶಕದಲ್ಲಿ ಕನ್ನಡ ಚಿತ್ರರಂಗದ ಯಶಸ್ವಿ ಜೋಡಿ. ಮೂರುವರೆ ವಜ್ರಗಳು, ನಿನಗಾಗಿ ನಾನು, ಪುಟಾಣಿ ಏಜೆಂಟ್, ಪಾಯಿಂಟ್ ಪರಿಮಳ ಯಶಸ್ವಿ ಚಿತ್ರಗಳು.

ತಾರಾ ಜೋಡಿ 9

ಅನಂತನಾಗ್ - ಲಕ್ಷ್ಮಿ

ಎಪ್ಪತ್ತು, ಎಂಬತ್ತರ ದಶಕದ ಅತ್ಯಂತ ಯಶಸ್ವಿ ಜೋಡಿ ಅನಂತನಾಗ್ ಮತ್ತು ಲಕ್ಷ್ಮಿ. ನಾ ನಿನ್ನ ಬಿಡಲಾರೆ, ಬೆಂಕಿಯಬಲೆ, ಇಬ್ಬನಿ ಕರಗಿತು ಮುಂತಾದ ಚಿತ್ರಗಳು ಭಾರೀ ಜನಪ್ರಿಯತೆ ಗಳಿಸಿತ್ತು.

ತಾರಾ ಜೋಡಿ 10

ಡಾ. ಅಂಬರೀಶ್ - ಅಂಬಿಕಾ

ಸ್ನೇಹ ಸೇಡು, ನ್ಯಾಯ ನೀತಿ ಧರ್ಮ, ಭರ್ಜರಿ ಬೇಟೆ, ಚಕ್ರವ್ಯೂಹ, ಮಮತೆಯ ಮಡಿಲು, ಬೇಟೆ ಮುಂತಾದ ಯಶಸ್ವಿ ಚಿತ್ರಗಳನ್ನು ನೀಡಿದ ತಾರಾ ಜೋಡಿ.

ತಾರಾ ಜೋಡಿ 11

ಡಾ, ವಿಷ್ಣುವರ್ಧನ್ - ಸುಹಾಸಿನಿ

ಬಂಧನ ಚಿತ್ರದ ನಂತರ ಈ ಜೋಡಿ ಭಾರೀ ಜನಪ್ರಿಯತೆ ಗಳಿಸಿತ್ತು. ಇಬ್ಬರು ನಟಿಸಿದ್ದ ಇತರ ಚಿತ್ರಗಳೆಂದರೆ ಮುತ್ತಿನಹಾರ, ಮಾತಾಡ್ ಮಾತಾಡ್ ಮಲ್ಲಿಗೆ, ಸ್ಕೂಲ್ ಮಾಸ್ಟರ್.

ತಾರಾ ಜೋಡಿ 12

ಡಾ. ರಾಜಕುಮಾರ್ - ಭಾರತಿ

ಕನ್ನಡ ಚಿತ್ರರಂಗ ಕಂಡ ಅತ್ಯಂತ ಯಶಸ್ವಿ ಜೋಡಿ, ಬಂಗಾರದ ಮನುಷ್ಯ, ಬಂಗಾರದ ಪಂಜರ ಹೀಗೆ ಸಾಗುವ ಈ ಜೋಡಿಯ ಚಿತ್ರಗಳು ಅಭೂತಪೂರ್ವ ಯುಶಸ್ಸು ಸಾಧಿಸಿತ್ತು.