ದರ್ಶನ್ ಹೊಸ ಕಾರಿನ ಬೆಲೆ ಎಷ್ಟು? ದಾಸನ ಐಷಾರಾಮಿ ಕಾರುಗಳ ಲಿಸ್ಟ್ ಇಲ್ಲಿದೆ!

ದರ್ಶನ್ ಮನೆ ಸೇರಿದ ಲ್ಯಾಂಡ್ ರೋವರ್ ಡಿಫೆಂಡರ್!

ನಟ ದರ್ಶನ್ ಸದ್ಯ ಹೊಸದೊಂದು ಕಾರು ಖರೀದಿ ಮಾಡಿದ್ದಾರೆ.ಇದು ಕೂಡ ದುಬಾರಿ ಐಷಾರಾಮಿ ಕಾರುಗಳಲ್ಲಿ ಒಂದು. ದರ್ಶನ್ ಖರೀದಿಸಿರುವ ಹೊಸ ಕಾರಿನ ಹೆಸರು 'ಲ್ಯಾಂಡ್ ರೋವರ್ ಡಿಫೆಂಡರ್'. ಇದು 2022ರ ಮಾಡಲ್. ಈ ಕಾರಿನ ಮೊತ್ತ 1.20 ಕೋಟಿ ರೂ. ಇದುವೇ ದರ್ಶನ್ ಅವರ ಕಾರುಗಳ ಲಿಸ್ಟ್ ಸೇರಿರುವ ಹೊಸ ಕಾರು. ಈ ಕಾರಿನಲ್ಲಿ ದರ್ಶನ್ ರೈಡ್ ಹೋಗಿದ್ದು, ಅ ಫೋಟೊಗಳು ಮತ್ತು ವಿಡಿಯೋ ವೈರಲ್ ಆಗಿವೆ.

'ಜಾಗ್ವಾರ್', ಪೋರ್ಶೆ ಕಾರಿನ ಒಡೆಯ!

ದರ್ಶನ್ ಬಳಿ ನೀಲಿ ಬಣ್ಣದ ಜಾಗ್ವಾರ್ ಕಾರ್ ಇದೆ. ಇದು ಪತ್ನಿ ವಿಜಯಲಕ್ಷ್ಮಿ, ತಮ್ಮ ಪ್ರೀತಿಯ ಪತಿಗೆ ಹುಟ್ಟುಹಬ್ಬದ ಉಡುಗೊರೆಯಾಗಿ ನೀಡಿದ್ದರು. ಇನ್ನು ದುಬಾರಿ ಕಾರುಗಳಲ್ಲಿ ಒಂದಾದ ಪೋರ್ಶೆ ಕಾರು ಕೂಡ ದರ್ಶನ್ ಬಳಿ ಇದೆ. ಈ ಕಾರನ್ನು ನಿರ್ಮಾಪಕ ಸಂದೇಶ ನಾಗರಾಜ್ ದರ್ಶನ್ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ನೀಡಿದ್ದರು.

ಆಡಿ ಕ್ಯೂ 7 ಮಾಲೀಕ ನಟ ದರ್ಶನ್!

ನಟ ದರ್ಶನ್ ಬಳಿ ಎರಡು ಆಡಿ ಕಾರುಗಳಿವೆ. ಕಪ್ಪು ಬಣ್ಣ ಹಾಗೂ ಬಿಳಿ ಬಣ್ಣದ ಆಡಿ ಕಾರ್‌ಗಳು ದಾಸನ ಬಳಿ ಇವೆ. ಒಂದನ್ನು ಪತ್ನಿ ವಿಜಯಲಕ್ಷ್ಮಿ ಬಳಸುತ್ತಿದ್ದರು. ಇನ್ನೊಂದು ದರ್ಶನ್ ಬಳಸುತ್ತಿದ್ದರು. ಇನ್ನು ದರ್ಶನ್ ಅವರ ಮನೆಯಲ್ಲಿ i 20 ಕಾರ್ ಕೂಡ ಇದೆ. ಈ ಕಾರನ್ನು ದರ್ಶನ್ ಅವರ ಮಗ ವಿನೀಶ್ ಮಾತ್ರ ಬಳಸುತ್ತಾರೆ. ಫಾರ್ಚೂನರ್ ಮತ್ತು ಬೆಂಜ್ ಕಾರುಗಳು ಕೂಡ ದರ್ಶನ್ ಬಳಿ ಇವೆ.

ರೇಂಜ್ ರೋವರ್, ಮಿನಿ ಕೂಪರ್ ಕಾರುಗಳಿವೆ!

ಚಾಲೆಂಜಿಂಗ್ ಸ್ಟಾರ್ ದರ್ಶನ ಬಳಿ ರೇಂಜ್ ರೋವರ್ ಕಾರು ಕೂಡ ಇದೆ ಎನ್ನಲಾಗಿದೆ. ಆಯುಧ ಪೂಜೆ ವೇಳೆ ಈ ಕಾರು ಮನೆಯ ಮುಂದೆ ನಿಂತಿತ್ತು. ಇಷ್ಟೆಲ್ಲಾ ಕಾರುಗಳನ್ನು ಹೊಂದಿರುವ ದರ್ಶನ್ ಬಳಿ ದುಬಾರಿ ಮಿನಿ ಕಾರು 'ಮಿನಿಕೂಪರ್' ಕೂಡ ಇದೆ. ಈ ಕಾರಿನಲ್ಲಿ ಕೂಡ ನಟ ದರ್ಶನ್ ಆಗಾಗ ಸುತ್ತಾಡುತ್ತಾ ಇರುತ್ತಾರೆ. ಇನ್ನು ದರ್ಶನ್ 'ಹಮ್ಮರ್' ಕಾರನ್ನು ದುಬೈನಿಂತ ತರಿಸಿದ್ದು, ಅದನ್ನು ಮಾರಿದ್ದಾರೆ ಎನ್ನುಲಾಗಿದೆ.

ದರ್ಶನ್ ಬಳಿ ಲಂಬೋರ್ಗಿನಿ ಕಾರು

ದರ್ಶನ್ ಅವ್ರ ಬಳಿ ಇರುವ ಅತ್ಯಂತ ದುಬಾರಿ ಕಾರು ಎಂದರೆ ಅದು ಲಂಬೋರ್ಗಿನಿ. ಈ ಕಾರನ್ನು ದರ್ಶನ್ 2018ರಲ್ಲಿ ಖರೀದಿ ಮಾಡಿದ್ದಾರೆ. ನಟ ದರ್ಶನ್‌ಗೆ ಕಾರು ಕ್ರೇಜ್ ಇರುವುದರಿಂದ ಮಾರುಕಟ್ಟೆಗೆ ಬರುವ ಹೊಸ ಕಾರುಗಳನ್ನು ಆಗಾಗ ಖರೀದಿ ಮಾಡುತ್ತಾ ಇರುತ್ತಾರೆ. ಆದರೆ ಇಷ್ಟು ಕಾರುಗಳಲ್ಲಿ ಸದ್ಯ ಯಾವ ಕಾರುಗಳು ದರ್ಶನ್ ಬಳಿ ಇವೆ ಎನ್ನುವ ಖಚಿತ ಪಟ್ಟಿ ಇಲ್ಲ.