ಮುರಳಿ ಉಗ್ರಂ 'ದರ್ಶನ'ಕ್ಕೆ ಚಾಲೆಂಜಿಂಗ್ ಸ್ಟಾರ್ ಸಾಥ್

ಉಗ್ರಂ ಬಿಸಿ ಬಿರಿಯಾನಿ ಅಂತಾರೆ ದರ್ಶನ್

ಸಿನಿಮಾವೊಂದಕ್ಕೆ ಬೇಕಾದ ಅಷ್ಟೂ ಮಸಾಲೆಗಳನ್ನ ಇಟ್ಕೊಂಡು ರೆಡಿಮಾಡಿದ ಸಾಂಬಾರಿನ ತರಹ ಇದೆ. ಉಗ್ರಂ ಬಿಸಿ ಬಿಸಿ ಬಿರಿಯಾನಿ. ಹಾಗಂತ ಒಪ್ಪಿಕೊಂಡಿದ್ದಾರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್.

ಉಗ್ರಂನಲ್ಲಿ ಪವರ್ ಇದೆ

ಸಿನಿಮಾದಲ್ಲಿ ಪವರ್ ಇದೆ ಅಂತ ಒಪ್ಪಿಕೊಳ್ಳೋದರ ಜೊತೆಗೆ ಚಿತ್ರವನ್ನ ತಾವೇ ಡಿಸ್ಟ್ರಿಬ್ಯೂಟ್ ಮಾಡ್ತಿದ್ದಾರೆ. ತೂಗುದೀಪ ಡಿಸ್ಟ್ರಿಬ್ಯೂಷನ್ ಸಾಥ್ ಚಿತ್ರಕ್ಕಿರೋದು ಆನೆಬಲ ಬಂದಂತಾಗಿದೆ.

ಉಗ್ರಂ ಒಂದು ರಾಕಿಂಗ್ ಸಿನಿಮಾ

ಚಿತ್ರದ ಬಗ್ಗೆ ರಾಕಿಂಗ್ ಸ್ಟಾರ್ ಯಶ್ ವಾರೆವ್ಹಾ ಅಂದಿದ್ದಾರೆ. ನಾವು ಮಾಡೋ ಸಿನಿಮಾಗಳಗಿಂತ ಹತ್ತು ವರ್ಷ ಮುಂದೆ ಹೋಗಿ ಸಿನಿಮಾ ಮಾಡಿದ ಹಾಗಿದೆ. ಅನ್ನೋ ಮಾತನ್ನಾಡಿದ್ದಾರೆ.

ಫೋರ್ಸ್ ಇದೆ ಅಂತಾರೆ ಕಿಚ್ಚ ಸುದೀಪ್

ಕಿಚ್ಚ ಸುದೀಪ್ ಗೆ ಸಿನಿಮಾದ ಟ್ರೇಲರ್ ನೋಡಿದಾಗ ಸಿನಿಮಾವನ್ನ ಇಷ್ಟಪಟ್ಟು ಮಾಡಿದ್ದಾರೆ ಅನ್ನಿಸಿದೆಯಂತೆ. ಚಿತ್ರದಲ್ಲಿ ಒಂದು ಫೋರ್ಸ್ ಇದೆ ಅಂತ ಕಿಚ್ಚ ಉಗ್ರಂಗೆ ಜೈ ಅಂದಿದ್ದಾರೆ.

ತಮ್ಮ ಗೆಲ್ಲೋ ನಿರೀಕ್ಷೆ

ಶ್ರೀಮುರಳಿ ಅಣ್ಣ ವಿಜಯ್ ರಾಘವೇಂದ್ರ ತಮ್ಮನಿಗೆ ಮೂರು ವರ್ಷಗಳ ನಂತರ ಬ್ರೇಕ್ ಸಿಗುತ್ತೆ ಅನ್ನೋ ವಿಶ್ವಾಸದಲ್ಲಿದ್ದಾರೆ. ಪ್ರತೀ ಫ್ರೇಂಗಳು ಥ್ರಿಲ್ ಕೊಡ್ತವೆ ಅನ್ನೋ ಅಭಿಪ್ರಾಯ ವಿಜಯ್ ರಾಘವೇಂದ್ರರದ್ದು.

ಉಗ್ರಂ ನೋಡೋಕೆ ಕಾದಿದ್ದಾರೆ ಶರಣ್

ಕಾಮಿಡಿ ರ್ಯಾಂಬೋ ಶರಣ್ ಕೂಡ ಮುರಳಿಯ ಉಗ್ರಂ ರೂಪಕ್ಕೆ ಜೈ ಅಂದಿದ್ದಾರೆ. ಉಗ್ರಂ ಸಿನಿಮಾದ ಟ್ರೇಲರ್ ನೋಡೋಕೇ ಇಷ್ಟು ಥ್ರಿಲ್ಲಿಂಗ್ ಆಗಿದೆ. ಇನ್ನು ಸಿನಿಮಾಗಾಗಿ ಕಾಯ್ತಿದ್ದೀನಿ ಅಂತಾರೆ.

ನೀವೂ ಉಗ್ರಂ ಟ್ರೇಲರ್ ನೋಡಿ

ಸ್ಟಾರ್ ಗಳು ಇಷ್ಟೆಲ್ಲಾ ಹೊಗಳೋಕೆ ಸಿನಿಮಾದ ಕುತೂಹಲ ಮೂಡಿಸೋ ಟ್ರೇಲರೇ ಕಾರಣ. ಸೋ ಆ ಟ್ರೇಲರನ್ನ ನೀವೂ ಒಂದ್ಸಾರಿ ನೋಡಿ.