'ರುದ್ರತಾಂಡವ'ವಾಡಿದ ಚಿರಂಜೀವಿ ಸರ್ಜಾ 'ಸಂಹಾರ' ಮಾಡಲು ಬಂದ್ರು.!

ಹೊಸ ಸಿನಿಮಾ

ಚಿರಂಜೀವಿ ಸರ್ಜಾ 'ಸಂಹಾರ' ಮಾಡುತ್ತಿರುವುದು ರೀಲ್ ನಲ್ಲಿ ಮಾತ್ರ. ಚಿರು ಅಭಿನಯದ ಹೊಸ ಸಿನಿಮಾದ ಹೆಸರು 'ಸಂಹಾರ'. ಈ ಸಿನಿಮಾದ ಮುಹೂರ್ತ ನಾಳೆ (ಏಪ್ರಿಲ್29) ಅದ್ಧೂರಿಯಾಗಿ ನಡೆಯಲಿದೆ.

ಫಸ್ಟ್ ಲುಕ್ ರಿಲೀಸ್

'ಸಂಹಾರ' ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಬಿಡುಗಡೆಯಾಗಿದೆ. ಇಲ್ಲಿ ಚಿರು ಸರ್ಜಾ ಎರಡು ಡಿಫರೆಂಟ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವುಗಳ ಪೈಕಿ ಒಂದು ಲುಕ್ ಶಿವನ ರೀತಿ ಇದೆ.

ಆಕ್ಷನ್ ಸಿನಿಮಾ

ಟೈಟಲ್ ಹೇಳುವ ಹಾಗೆ ಇದೊಂದು ಪಕ್ಕಾ ಆಕ್ಷನ್ ಸಿನಿಮಾ. 'ಸಂಹಾರ' ಚಿತ್ರಕ್ಕೆ ರವಿವರ್ಮ ಸಾಹಸ ನಿರ್ದೇಶನ ಮಾಡಲಿದ್ದು, ಮೈನವಿರೇಳಿಸುವ ಅನೇಕ ಸಾಹಸ ದೃಶ್ಯಗಳು ಇರಲಿವೆ.

ಮತ್ತೆ ಒಂದಾದ ಗುರು-ಚಿರು

'ಸಂಹಾರ' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ಗುರು ದೇಶಪಾಂಡೆ. ಈ ಹಿಂದೆ ಚಿರು ಮತ್ತು ಗುರುದೇಶಪಾಂಡೆ ಕಾಂಬಿನೇಷನ್ ನಲ್ಲಿ 'ರುದ್ರತಾಂಡವ' ಸಿನಿಮಾ ತೆರೆಗೆ ಬಂದಿತ್ತು.

ಇಬ್ಬರು ನಾಯಕಿಯರು

'ಸಂಹಾರ' ಸಿನಿಮಾದಲ್ಲಿ ಚಿರುಗೆ ಇಬ್ಬರು ನಾಯಕಿಯರು. ಹರಿಪ್ರಿಯಾ ಮತ್ತು ಕಾವ್ಯಶೆಟ್ಟಿ ಈ ಸಿನಿಮಾದ ನಾಯಕಿಯರಾಗಿ ಆಯ್ಕೆಯಾಗಿದ್ದಾರೆ.

ಉಳಿದಂತೆ ಯಾರಿದ್ದಾರೆ..?

'ಸಂಹಾರ' ಚಿತ್ರದಲ್ಲಿ ಚಿರು ಜೊತೆ ಚಿಕ್ಕಣ್ಣ ಕಾಮಿಡಿ ಕಚಗುಳಿ ಇಡಲಿದ್ದಾರೆ. 'ಉಗ್ರಂ' ಖ್ಯಾತಿಯ ರವಿ ಬಸ್ರೂರ್ ಸಂಗೀತ, ಜೆ.ಎಸ್.ವಾಲಿ ಕ್ಯಾಮರಾ ಕೈಚಳಕ ಸಿನಿಮಾದಲ್ಲಿರಲಿದೆ.