ಕನ್ನಡಕ್ಕೆ ಬರಲು ಪೂನಂ ಪಾಂಡೆ ಪಡೆದುಕೊಂಡ ಸಂಭಾವನೆ ಎಷ್ಟು?

ನಿರ್ದೇಶಕ ಯುವರಾಜ್ ಮಾತುಗಳು..

"ನಮಗೆ ಹೊಸ ನಟಿಯೊಬ್ಬರ ಅವಶ್ಯಕತೆ ಇತ್ತು. ಅವರು ಕನ್ನಡದಲ್ಲಿ ಯಾವುದೇ ಪೂರ್ಣ ಪ್ರಮಾಣದ ಪಾತ್ರದಲ್ಲಿ ಇದುವರೆಗೆ ಅಭಿನಯಿಸಿಲ್ಲವಾದ್ದರಿಂದ ಇದು ಪೂನಂ ಪಾಂಡೆ ಅವರಿಗೆ ಖಂಡಿತ ಅತ್ಯುತ್ತಮ ಆಯ್ಕೆಯಾಗಿರುತ್ತದೆ" ಎನ್ನುತ್ತಾರೆ ನಿರ್ದೇಶಕ ಯುವರಾಜ್ ಅವರು.[ಮತ್ತೆ ರಂಗದಲ್ಲಿ ಸೊಂಟ ಬಳುಕಿಸಲು ಪೂನಂ ರೆಡಿ]

ಹಾರರ್ ಜೊತೆಗೆ ರೋಮ್ಯಾನ್ಸ್

"ಇದು ಬರೀ ಹಾರರ್ ಸಿನಿಮಾ ಮಾತ್ರವಲ್ಲದೇ, ಇದರಲ್ಲಿ ರೋಮ್ಯಾನ್ಸ್ ದೃಶ್ಯಗಳು ಕೂಡ ಇರುತ್ತದೆ. ಅಂದಹಾಗೆ ನಟಿ ಪೂನಂ ಅವರ ನಟನಾ ಕೌಶಲ್ಯವನ್ನು ಹೊರಗೆಳೆಯಲು ಸವಾಲಾಗುವ ಸಿನಿಮಾ ಇದು" ಎನ್ನುವುದು ನಿರ್ದೇಶಕರ ಅಭಿಪ್ರಾಯ.

ಬೋಲ್ಡ್ ಲುಕ್ ನಲ್ಲಿ ಪೂನಂ

ಪೂನಂ ಪಾಂಡೆ ಅಂದರೆ ಹಾಗೆ ಅವರು ನಟಿಸುವ ಚಿತ್ರದಲ್ಲಿ ಬೋಲ್ಡ್ ನೆಸ್ ಇರಲೇಬೇಕು. ಹಾಗೆ ಈ ಬಾರಿ ಪಡ್ಡೆ ಹೈಕಳ ಆಸೆಗೆ ತಣ್ಣೀರು ಎರಚಲಿಲ್ಲ ಪೂನಂ ಅವರು. ಹೌದು ಈ ಚಿತ್ರದಲ್ಲಿ ಕೂಡ ಪೂನಂ ಅವರು ಸಖತ್ ಹಾಟ್ ಅಂಡ್ ಬೋಲ್ಡ್ ಲುಕ್ ನಲ್ಲಿ ಮಿಂಚಲಿದ್ದಾರೆ.

ಪೂನಂ ಪಡೆದುಕೊಂಡ ಸಂಭಾವನೆ

ಅಂದಹಾಗೆ ನೈನ್ ಸ್ಟಾರ್ ಎಂರ್ಟಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರಕ್ಕಾಗಿ ನಟಿ ಪೂನಂ ಪಾಂಡೆ ಅವರು ಪಡೆದುಕೊಂಡ ಸಂಭಾವನೆ ಎಷ್ಟು ಗೊತ್ತಾ?. ಬರೋಬ್ಬರಿ 1 ಕೋಟಿ ರೂಪಾಯಿ ನೀಡಲಾಗಿದೆ ಎಂದು ಮೂಲಗಳು ಹೇಳುತ್ತಿವೆ.

ನಾಯಕಿ ಆಧಾರಿತ ಸಿನಿಮಾ

ಈ ಹಾರರ್-ಥ್ರಿಲ್ಲರ್ ಸಿನಿಮಾ ಸಂಪೂರ್ಣ ನಾಯಕಿ ಆಧಾರಿತ ಸಿನಿಮಾವಾಗಿದ್ದು, ನಟಿ ಪೂನಂ ಪಾಂಡೆ ಅವರೇ ಇಡೀ ಚಿತ್ರದ ಕೇಂದ್ರ ಬಿಂದು. ಜೊತೆಗೆ ಮೂವರು ನಟರು ಕಾಣಿಸಿಕೊಳ್ಳಲಿದ್ದು, ಸದ್ಯಕ್ಕೆ ಬೆಂಗಳೂರಿನ ಹುಡುಗ ರಾಜೀವ್ ರಾಥೋಡ್ ಅವರು ನಾಯಕನಾಗಿ ಆಯ್ಕೆಯಾಗಿದ್ದಾರೆ. ಇನ್ನುಳಿದ ಪಾತ್ರಗಳ ಹುಡುಕಾಟದಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ.