Don't Miss!
- News Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು?
- Automobiles ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- Technology ಇಂದು 3D ಕರ್ವ್ಡ್ ಡಿಸ್ಪ್ಲೇ ಇರುವ ಈ ಫೋನಿನ ಸೇಲ್!..ಆಫರ್ ಬೆಲೆ ಎಷ್ಟು?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮದ್ವೆಗೂ ಮೊದ್ಲೆ ಎಲ್ಲದಕ್ಕೂ ಹರಿಪ್ರಿಯಾ ಬಳಿ ಪರ್ಮಿಷನ್ ಕೇಳ್ತಿದ್ದಾರಾ ವಸಿಷ್ಠ?
ಇತ್ತೀಚೆಗೆ ನಿಶ್ಚಿತಾರ್ಥ ಮಾಡಿಕೊಂಡ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಜೋಡಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬರ್ತಿದೆ. ಡಾಲಿ ಧನಂಜಯ ಕೂಡ ಆತ್ಮೀಯ ಸ್ನೇಹಿತನಿಗೆ ಶುಭ ಹಾರೈಸಿದ್ದಾರೆ. ಇವರಿಬ್ಬರ ಟ್ವೀಟ್ ಸಂಭಾಷಣೆ ವೈರಲ್ ಆಗಿದೆ.
ನಟ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಗುಟ್ಟಾಗಿ ಉಂಗುರ ಬದಲಿಸಿಕೊಂಡಿದ್ದರು. ಇದೀಗ ನಿಶ್ಚಿತಾರ್ಥ ಸಮಾರಂಭದ ವಿಡಿಯೋ, ಫೋಟೊಗಳನ್ನು ಶೇರ್ ಮಾಡಿರುವ ಜೋಡಿ ಎಲ್ಲರೂ ಹರಸಿ, ಆಶೀರ್ವದಿಸಿ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಇದಕ್ಕೆ ಕಾಮೆಂಟ್ಸ್ ಬಾಕ್ಸ್ನಲ್ಲಿ ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ. ಮುಂದಿನ ವರ್ಷ ಜೋಡಿ ಹಸೆಮಣೆ ಏರಲು ಸಿದ್ಧತೆ ನಡೆಸಿದೆ. ಮತ್ತೊಂದ್ಕಡೆ ಇಬ್ಬರು ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.
ವಸಿಷ್ಠ - ಹರಿಪ್ರಿಯಾ ಪ್ರೀತಿ ವಿಷಯ ನಿಮಗೆ ಮೊದಲೇ ಗೊತ್ತಿತ್ತಾ ಎಂಬ ಪ್ರಶ್ನೆಗೆ ಡಾಲಿ ಕೊಟ್ಟ ಉತ್ತರವಿದು
ವಸಿಷ್ಠ ಸಿಂಹ ಪೋಸ್ಟ್ಗೆ ನಟ ಧನಂಜಯ ಪ್ರತಿಕ್ರಿಯಿಸಿ "ಕಂಗ್ರಾಟ್ಸ್ ದೋಸ್ತ' ನೂರು ಕಾಲ ಚೆನ್ನಾಗಿ ಬಾಳಿ. ಹರಿಪ್ರಿಯಾ ಅವನು ನಮ್ಮ ಕೈಗೆ ಸಿಕ್ತಾ ಇಲ್ಲ, ಅವಾಗವಾಗ ನಮಗು ಸ್ವಲ್ಪ ಬಿಟ್ಟು ಕೊಡಿ" ತಮಾಷೆಯಾಗಿ ಕಾಲೆಳೆದಿದ್ದಾರೆ. ಇದಕ್ಕೆ ಅಭಿಮಾನಿಗಳು ತಮ್ಮ ಸ್ಟೈಲ್ನಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. ಮತ್ತೊಂದು ಟ್ವೀಟ್ನಲ್ಲಿ "ಅವರು ದೀಪ, ನೀನು ಹಾವಳಿ, ನೀವಿಬ್ರು ಸೇರಿದ್ರೆ ದೀಪಾವಳಿ, ಬಾಳು ಬೆಳಕಾಗಲಿ" ಎಂದು ಧನು ಟ್ವೀಟ್ ಮಾಡಿದ್ದಾರೆ.
ಹರಿಪ್ರಿಯಾ ಏನಂತೀರಾ ಎಂದ ವಸಿಷ್ಠ!
ಹರಿಪ್ರಿಯಾ ಅವನು ನಮ್ಮ ಕೈಗೆ ಸಿಕ್ತಾ ಇಲ್ಲ, ಅವಾಗವಾಗ ನಮಗು ಸ್ವಲ್ಪ ಬಿಟ್ಟು ಕೊಡಿ ಎಂದು ಧನಂಜಯ ಫನ್ನಿಯಾಗಿ ಮಾಡಿದ ಟ್ವೀಟ್ಗೆ ಟ್ಯಾಗ್ ಮಾಡಿ ಪ್ರತಿಕ್ರಿಯಿಸಿರುವ ವಸಿಷ್ಠ ಸಿಂಹ "ಹಹಹಾ. ಥ್ಯಾಂಕು ದೋಸ್ತಾ. ಹರಿಪ್ರಿಯಾ ಏನಂತೀರಾ? ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಪೋಸ್ಟ್ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇದನ್ನು ನೋಡಿದ ಅಭಿಮಾನಿಯೊಬ್ಬರು "ಈಗ್ಲೇ ಎಲ್ಲದಕ್ಕೂ ಪರ್ಮಿಷನ್ ಕೇಳೊಕೆ ಶುರು ಮಾಡಿದ್ರಾ?" ಎಂದು ಕಿಚಾಯಿಸಿದ್ದಾರೆ. ಮತ್ತೊಬ್ಬರು "ಓಕೆ ಎನ್ನುತ್ತಾರೆ? ಆದರೆ ಕಂಡೀಷನ್ ಅಪ್ಲೇ ಅಂತಾರೆ ಅನ್ನಿಸುತ್ತೆ" ಎಂದು ಕಾಮೆಂಟ್ ಮಾಡಿದ್ದಾರೆ.
ರಾತ್ರಿ ಹೊತ್ತು ಫೋನ್ ಮಾಡ್ಬೇಡಿ
ಇನ್ನು 'ಎಂದೆಂದಿಗೂ' ಚಿತ್ರದಲ್ಲಿ ಸ್ನೇಹಿತನ ಮದುವೆಯಲ್ಲಿ ಸ್ನೇಹಿತರೆಲ್ಲಾ ಹಾಡಿ ಕುಣಿಯುವ ಸಾಂಗೊಂದಿತ್ತು. ಅದರ ಒಂದು ಬಿಟ್ನಲ್ಲಿ ಡಾಲಿ ಧನಂಜಯ ಕೂಡ ಕಾಣಿಸಿಕೊಂಡಿದ್ದರು. ಸ್ನೇಹಿತ ಮದುವೆ ಆದ್ಮೇಲೆ ಏನೆಲ್ಲಾ ಆಗುತ್ತೆ ಎನ್ನುವುದನ್ನ ತಮಾಷೆಯಾಗಿ ಹೇಳಿದ್ದ ಹಾಡದು. ವಸಿಷ್ಠ ಸಿಂಹ ಮದುವೆಯಾಗುತ್ತಿರುವ ಸಂದರ್ಭಕ್ಕೆ ಆ ಹಾಡಿನಲ್ಲಿ ಧನಂಜಯ ಕಾಣಿಸಿಕೊಂಡಿದ್ದ ಬಿಟ್ನಲ್ಲಿದ್ದ ಸಾಲುಗಳು ಮ್ಯಾಚ್ ಆಗುವಂತಿದೆ. ಅದನ್ನು ಯಾರೋ ಕಟ್ ಮಾಡಿ ಧನಂಜಯಗೆ ಟ್ಯಾಗ್ ಮಾಡಿ ಪೋಸ್ಟ್ ಮಾಡಿದ್ದಾರೆ. ಇದಕ್ಕೆ ಡಾಲಿ ನಗುವ ಎಮೋಜಿ ಹಾಕಿ ದೋಸ್ತ್ ವಸಿಷ್ಠ ಸಿಂಹನ ಟ್ಯಾಗ್ ಮಾಡಿದ್ದಾರೆ.
ನಿಮ್ಮ ಮದುವೆ ಯಾವಾಗ ಎಂದು ಪ್ರಶ್ನೆ
ಇನ್ನು ಡಾಲಿ ಧನಂಜಯ ಮದುವೆ ಬಗ್ಗೆ ಪದೇ ಪದೇ ಚರ್ಚೆ ಆಗುತ್ತಿರುತ್ತದೆ. ಕೆಲ ದಿನಗಳ ಹಿಂದೆ ನಟಿ ಅಮೃತಾ ಅಯ್ಯಂಗಾರ್ ಜೊತೆ ಧನಂಜಯ ಡೇಟಿಂಗ್ ಮಾಡ್ತಿದ್ದಾರೆ. ಇಬ್ಬರು ಮದುವೆ ಆಗುತ್ತಾರೆ ಎನ್ನಲಾಗಿತ್ತು. ನಂತರ ಇದೆಲ್ಲಾ ಸುಳ್ಳು, ನಾವಿಬ್ಬರು ಸ್ನೇಹಿತರು ಎಂದು ಆ ಚರ್ಚೆಗೆ ತೆರೆ ಎಳೆದಿದ್ದರು. ವಸಿಷ್ಠ ಸಿಂಹ- ಹರಿಪ್ರಿಯಾ ಜೋಡಿಗೆ ಧನಂಜಯ ಶುಭ ಹಾರೈಸುತ್ತಿದ್ದಂತೆ "ನಿಮ್ಮ ಮದುವೆ ಯಾವಾಗ ಸರ್" ಎಂದು ಕಾಮೆಂಟ್ ಬಾಕ್ಸ್ನಲ್ಲಿ ಕೆಲವರು ಧನಂಜಯ ಅವರನ್ನು ಕೇಳುತ್ತಿದ್ದಾರೆ.
ಲವ್ ಸ್ಟೋರಿ ರಿವೀಲ್ ಮಾಡಿದ್ದ ಹರಿಪ್ರಿಯಾ
ಹರಿಪ್ರಿಯಾ ಅವರಿಗೆ ನಟ ವಸಿಷ್ಠ ಸಿಂಹ ಕ್ರಿಸ್ಟಲ್ ಹೆಸರಿನ ನಾಯಿಮರಿಯೊಂದನ್ನು ಉಡುಗೊರೆಯಾಗಿ ನೀಡಿದ್ದರು. ಆ ಮೂಲಕ ಇಬ್ಬರ ಸ್ನೇಹ ಪ್ರೀತಿ ಬೆಳೆದು ಈಗ ಇಬ್ಬರು ಹಸೆಮಣೆ ಏರಲು ಮುಂದಾಗಿದ್ದಾರೆ. ತೆಲುಗಿನ 'ಎವರು' ಸಿನಿಮಾ ಕನ್ನಡ ರೀಮೆಕ್ನಲ್ಲಿ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ನಟಿಸುತ್ತಿದ್ದಾರೆ. ಇನ್ನು ಈ ತಾರಾಜೋಡಿಯ ಎಂಗೇಜ್ಮೆಂಟ್ ಫೋಟೊಗಳು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.