'ರಾಬರ್ಟ್'ಗೆ ಐಶ್ವರ್ಯ ರೈ ನಾಯಕಿ : ದರ್ಶನ್ ಏನಂದ್ರು?

ಐಶ್ವರ್ಯ ರೈ ಬರುತ್ತಾರಂತೆ ಸಾರ್

ಚಿತ್ರದ ನಾಯಕಿ ವಿಷಯದ ಬಗ್ಗೆ ಇಂದು ಮಾತನಾಡಿರುವ ದರ್ಶನ್ ''ನಿನ್ನೆ ಕೇಳುತ್ತಾ ಇದ್ವಿ. ಸಿನಿಮಾಗೆ ಐಶ್ವರ್ಯ ರೈ ಬರುತ್ತಾರಂತೆ ಸಾರ್. ಅಯ್ಯೋ ಅಷ್ಟೊಂದು ಎಲ್ಲ ಇಲ್ಲ ಸಾರ್.'' ಎನ್ನುವ ಮೂಲಕ ತಮ್ಮ ರೆಗ್ಯೂಲರ್ ಸ್ಟೈಲ್ ನಲ್ಲಿ ಐಶ್ವರ್ಯ ರೈ ಗಾಸಿಪ್ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಚಿತ್ರದ ನಾಯಕಿಯ ಆಯ್ಕೆ ಆಗಿಲ್ಲ

'ರಾಬರ್ಟ್' ಸಿನಿಮಾಗೆ ಐಶ್ವರ್ಯ ರೈ ಬರ್ತಾರೆ ಎನ್ನುವ ಸುದ್ದಿ ಸ್ವತಃ ಚಿತ್ರತಂಡಕ್ಕೆ ಅಚ್ಚರಿ ಮೂಡಿಸಿದೆ. ಇಂತಹ ಸುದ್ದಿ ದರ್ಶನ್ ಹಾಗೂ ಟೀಮ್ ಗೆ ನಗು ತರಿಸಿದೆ. ಈ ಬಗ್ಗೆ ದರ್ಶನ್ ಮಾತನಾಡಿದ್ದು, ಐಶ್ವರ್ಯ ರೈ ಚಿತ್ರದ ನಾಯಕಿ ಅಲ್ಲ ಎನ್ನುವುದು ಸ್ಪಷ್ಟವಾಗಿದೆ. ಸದ್ಯಕ್ಕೆ ಚಿತ್ರದ ನಾಯಕಿಯ ಆಯ್ಕೆ ಆಗಿಲ್ಲ.

ಯಶ್ ನಂತರ ಗಡ್ಡಧಾರಿ ಆದ ದರ್ಶನ್: ಇದರ ಹಿಂದಿದ್ದಾರೆ ಆ ಡೈರೆಕ್ಟರ್.!

ಇಂದಿನಿಂದ 'ರಾಬರ್ಟ್' ರಾಜ್ಯಬಾರ

ಇಂದಿನಿಂದ (ಸೋಮವಾರ) 'ರಾಬರ್ಟ್' ಸಿನಿಮಾದ ಚಿತ್ರೀಕರಣ ಶುರು ಆಗುತ್ತಿದೆ. ಇಂದು ಬನಶಂಕರಿ ದೇವಲಯದಲ್ಲಿ ಚಿತ್ರತಂಡ ಪೂಜೆ ಮಾಡುವ ಮೂಲಕ ಸಿನಿಮಾದ ಶುಭಾರಂಭವಾಗಿದೆ. ಈ ವೇಳೆ ದರ್ಶನ್ ಸಿನಿಮಾದ ಬಗ್ಗೆಯ ಕೆಲ ಮಾಹಿತಿ ಹಂಚಿಕೊಂಡಿದ್ದಾರೆ. ನಿರ್ದೇಶಕ ತರುಣ್ ಸುಧೀರ್ ಹಾಗೂ ನಿರ್ಮಾಪಕ ಉಮಾಪತಿ ಸಹ ಕಾರ್ಯಕ್ರಮದಲ್ಲಿ ಹಾಜರಾಗಿದ್ದರು.

ಹೊಸ ಲುಕ್, ಬೇರೆ ರೀತಿಯ ಸಿನಿಮಾ

ಸಿನಿಮಾದ ಬಗ್ಗೆ ಮಾತನಾಡಿರುವ ದರ್ಶನ್ ನಾವು ಏನೋ ಮಾಡಿಬಿಡುತ್ತೇವೆ ಎನ್ನುವುದಕ್ಕಿಂತ ಒಂದು ಒಳ್ಳೆಯ ಸಿನಿಮಾ ಮಾಡುತ್ತಿದ್ದೇವೆ ಎಂದಿದ್ದಾರೆ. ಸದ್ಯ ಗಡ್ಡ ಬಿಟ್ಟಿದ್ದು, ಚಿತ್ರದ ಅವರ ಲುಕ್ ಬೇರೆ ರೀತಿ ಇರುತ್ತದೆಯಂತೆ. ಫಸ್ಟ್ ಲುಕ್ ಗಾಗಿ ಅಭಿಮಾನಿಗಳು ಕಾಯುತ್ತಿದ್ದು, ಸದ್ಯದಲ್ಲಿಯೇ ಹೊರಬರಲಿದೆ. ರಾಜಶೇಖರ್ ಹಾಗೂ ಚಂದ್ರಮೌಳಿ ಚಿತ್ರಕ್ಕೆ ಸಂಭಾಷಣೆ ಬರೆಯುತ್ತಿದ್ದಾರೆ.