ದರ್ಶನ್ 'ಸಂಗೊಳ್ಳಿ ರಾಯಣ್ಣ' ಫೋಟೋ ಝಲಕ್!

ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣನಾಗಿ ದರ್ಶನ್

ಸಂಗೊಳ್ಳಿ ರಾಯಣ್ಣನಾಗಿ ದರ್ಶನ್ ಮೊದಲ ಬಾರಿಗೆ ಐತಿಹಾಸಿಕ ಚಿತ್ರದಲ್ಲಿ ನಟಿಸಿದ್ದಾರೆ. ಬರೋಬ್ಬರಿ ರು. 32 ಕೋಟಿ ಖರ್ಚಾಗಿರುವ ಈ ಚಿತ್ರ ಕನ್ನಡದಲ್ಲಿ ನಿರ್ಮಾಣವಾದ ಅತ್ಯಂತ ಅದ್ದೂರಿ ಚಿತ್ರವೆಂಬ ಹೆಗ್ಗಳಿಕೆ ಹೊಂದಿದೆ.

ಮೊದಲ ಬಾರಿಗೆ ಐತಿಹಾಸಿಕ ಪಾತ್ರದಲ್ಲಿ ದರ್ಶನ್

ಇದೇ ಮೊದಲ ಬಾರಿಗೆ ಐತಿಹಾಸಿಕ ಪಾತ್ರದಲ್ಲಿ ಮಿಂಚಿರುವ ದರ್ಶನ್ ಈ ಪಾತ್ರವನ್ನು ತಮ್ಮ ಅಭಿಮಾನಿಗಳು ಹೇಗೆ ಸ್ವೀಕರಿಸಬಹುದು ಎಂಬ ಕುತೂಹಲದಲ್ಲಿದ್ದಾರೆ. ಸ್ವಾತಂತ್ರ್ಯ ಯೋಧ, ದೇಶಭಕ್ತ ಸಂಗೊಳ್ಳಿ ರಾಯಣ್ಣ ಪಾತ್ರ ದರ್ಶನ್ ವೃತ್ತಿಜೀವನದ ಮೈಲಿಗಲ್ಲಾಗಲಿದೆಯೇ?

ಕುದುರೆಯೇರಿ ಕತ್ತಿವರಸೆಗೂ ಸೈ ಎಂದ ದರ್ಶನ್

ಸಂಗೊಳ್ಳಿ ರಾಯಣ್ಣ ಚಿತ್ರದಲ್ಲಿ ದರ್ಶನ್ ಕುದುರೆಯೇರಿ ಭಾರೀ ಸಾಹಸ ಮೆರೆದಿದ್ದಾರೆ. ಈ ಸಂಗೊಳ್ಳಿ ರಾಯಣ್ಣ ಚಿತ್ರವು ನೂರಿನ್ನೂರು ವರ್ಷಗಳ ಹಿಂದಿನ ಕಥೆಯಾಧಾರಿತ ಚಿತ್ರವಾದ್ದರಿಂದ ಸಹಜವಾಗಿಯೇ ದರ್ಶನ್ ಈ ಸಾಹಸಗಳನ್ನು ಕಲಿತು ಮಾಡಿದ್ದಾರೆ.

ಮಲ್ಲಮ್ಮನೊಂದಿಗೆ ನಡೆದ ರಾಯಣ್ಣನ ಮದುವೆ

ಸಂಗೊಳ್ಳಿ ರಾಯಣ್ಣ ಚಿತ್ರದಲ್ಲಿ ಮಲ್ಲಮ್ಮ ಪಾತ್ರಧಾರಿ ನಿಖಿತಾ ತುಕ್ರಲ್ ಅವರೊಂದಿಗೆ ರಾಯಣ್ಣ ಪಾತ್ರಧಾರಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮದುವೆ ನಡೆದಿದೆ. ಕಮರ್ಷಿಯಲ್ ದೃಷ್ಟಿಯಿಂದ ಚಿತ್ರದಲ್ಲಿ ಅಂಶವನ್ನು ಸೇರಿಸಬೇಕಾದ ಅನಿವಾರ್ಯತೆಯಿತ್ತು ಎಂದಿದೆ ಚಿತ್ರತಂಡ.

ಮಲ್ಲಮ್ಮ ಪಾತ್ರದಲ್ಲಿ ಮಿಂಚಿರುವ ನಿಖಿತಾ ನೋಟ!

ಸಂಗೊಳ್ಳಿ ರಾಯಣ್ಣ ಚಿತ್ರದಲ್ಲಿ ಮಲ್ಲಮ್ಮನ ಪಾತ್ರದಲ್ಲಿ ಗಮನಸೆಳೆಯಲಿದ್ದಾರೆ ನಟಿ ನಿಖಿತಾ ತುಕ್ರಲ್. ಈ ಚಿತ್ರದಲ್ಲಿ ನಿಖಿತಾ ನಟನೆ ಅದೆಷ್ಟು ಗಮನಸೆಳೆಯಲಿದೆ ಎಂಬುದೀಗ ಎಲ್ಲರ ಕುತೂಹಲದ ಸಂಗತಿ.

ಕನ್ನಡದ ಬಿಗ್ ಬಜೆಟ್ ಚಿತ್ರದಲ್ಲಿ ಮದುಮಗ ದರ್ಶನ್

ಕನ್ನಡದ ಬಿಗ್ ಬಜೆಟ್ ಚಿತ್ರವೆಂಬ ಹಣೆಪಟ್ಟಿಯೊಂದಿಗೆ ತೆರೆಗೆ ಬರಲಿರುವ ಈ ಚಿತ್ರವನ್ನು ಬೆಳಗಾವಿಯ ರಾಯಣ್ಣ ಮಹಾ ಅಭಿಮಾನಿಯಾಗಿರುವ ನಿರ್ಮಾಪಕ ಆನಂದ್ ಅಪ್ಪುಗೋಳ್ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಹಾಕಿದ ಹಣ ವಾಪಸ್ ಪಡೆದುಕೊಳ್ಳುವ ಬಗ್ಗೆ ತಮಗೆ ಆಸಕ್ತಿಯಲ್ಲ ಎಂದಿದ್ದಾರೆ ಆನಂದ್ ಅಪ್ಪುಗೋಳ್.

ನೀರಿನಲ್ಲಿ ನಿಂತು ಬಡಿದಾಡುತ್ತಿರುವ 'ರಾಯಣ್ಣ' ದರ್ಶನ್

ಐತಿಹಾಸಿಕ 'ಸಂಗೊಳ್ಳಿ ರಾಯಣ್ಣ' ಚಿತ್ರದಲ್ಲಿ ದರ್ಶನ್ ದೇಶಭಕ್ತ ಹಾಗೂ ಸ್ವಾತಂತ್ರ್ಯ ಯೋಧ ರಾಯಣ್ಣನ ಪಾತ್ರಧಾರಿಯಾಗಿ ನೀರಿನಲ್ಲೂ ಕಾಲಿಟ್ಟು ಕಾದಾಡಿದ್ದಾರೆ. ರಾಯಣ್ಣನ ಪಾತ್ರಕ್ಕೆ ಸಂಪೂರ್ಣ ನ್ಯಾಯ ಒದಗಿಸಲು ದರ್ಶನ್ ಸಾಕಷ್ಟು ಶ್ರಮವಹಿಸಿದ್ದಾರೆ.

ಖಡ್ಗದಿಂದ ಮಿಂಚಿನ ಬೆಳಕು ಹರಿಸಿದ ದರ್ಶನ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ತಾವು ಹಿಡಿದಿರುವ ಖಡ್ಗದಿಂದ ಮಿಂಚಿನ ಬೆಳಕನ್ನು ಹರಿಸಿದ್ದಾರೆ. ಸಂಗೊಳ್ಳಿ ರಾಯಣ್ಣರ ಯುದ್ಧ ಕೌಶಲ್ಯ ಹಾಗೂ ಅಸಾಮಾನ್ಯ ಪೌರುಷಕ್ಕೆ ಸಾಕ್ಷಿಯೆಂಬಂತೆ ಮಿಂಚಿನ ಬೆಳಕನ್ನು ಬೀರುತ್ತಿದೆ ದರ್ಶನ್ ಹಿಡಿದಿರುವ ಖಡ್ಗ.

ಕಿತ್ತೂರು ಚೆನ್ನಮ್ಮನಾಗಿ ಹೋರಾಡಿದ ಜಯಪ್ರದಾ

ಐತಿಹಾಸಿಕ 'ಸಂಗೊಳ್ಳಿ ರಾಯಣ್ಣ' ಚಿತ್ರದಲ್ಲಿ ಚೆನ್ನಮ್ಮನಾಗಿ ಅಸಾಮಾನ್ಯ ಹೋರಾಟದ ದೃಶ್ಯಗಳಲ್ಲಿ ಭಾಗವಹಿಸಿ ಗಮನಸೆಳೆಯಲಿದ್ದಾರೆ ಹಿರಿಯ ನಟಿ ಜಯಪ್ರದಾ. ಚಿತ್ರದಲ್ಲಿ ಮಾಡಿರುವ ಚೆನ್ನಮ್ಮನ ಪಾತ್ರ ತಮಗೆ ಭಾರಿ ಖುಷಿ ನೀಡಿದೆ ಎಂದಿದ್ದಾರೆ ನಟಿ ಜಯಪ್ರದಾ.

ದರ್ಶನ್ 'ರಾಯಣ್ಣ'ದ ವಿಶೇಷ ಪಾತ್ರದಲ್ಲಿ ಉಮಾಶ್ರೀ

ಈಗಾಗಲೇ ಸಾಕಷ್ಟು ವಿಭಿನ್ನ ಪಾತ್ರಗಳಲ್ಲಿ ನಟಿಸಿ ರಾಜ್ಯ, ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದಿರುವ ಹಿರಿಯ ನಟಿ ಉಮಾಶ್ರೀ, ದರ್ಶನ್ ನಾಯಕತ್ವದ 'ಸಂಗೊಳ್ಳಿ ರಾಯಣ್ಣ' ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರ ನೋಡಿ ಅದೇನೆಂದು ತಿಳಿಯಿರಿ...