ರಾಜ್ಯಾದ್ಯಂತ 'ಕ್ರಾಂತಿ' ಪ್ರಚಾರ ಕಹಳೆ: ಸದ್ದಿಲ್ಲದೇ ಹೈದರಬಾದ್‌ನಲ್ಲಿ 'D56' ಶೂಟಿಂಗ್

ರಾಜ್ಯಾದ್ಯಂತ ಪ್ರಚಾರ ಬಂಡಿ ಸುತ್ತಾಟ

ಪ್ಯಾನ್‌ ಇಂಡಿಯಾ ಲೆವೆಲ್‌ನಲ್ಲಿ 5 ಭಾಷೆಗಳಲ್ಲಿ ಸಿನಿಮಾ ತೆರೆಗೆ ಬರ್ತಿದೆ. ಟ್ಯಾಬ್ಲೋ ಮಾದರಿಯಲ್ಲಿ 'ಕ್ರಾಂತಿ' ಬ್ಯಾನರ್‌ಗಳಿಂದ ತುಂಬಿದ ಬಂಡಿಯೊಂದು ರಾಜ್ಯಾದ್ಯಂತ ಸುತ್ತಾಟ ಶುರು ಮಾಡಿದೆ. ಇಂದು ಹೊಸಕೋಟೆ, ರಾಮನಗರಕ್ಕೆ ಈ ಪ್ರಚಾರದ ಬಂಡಿ ಹೋಗುತ್ತಿದೆ. 'ಕ್ರಾಂತಿ' ಸಿನಿಮಾ ಬಗ್ಗೆ ಸಾರಿ ಸಾರಿ ಹೇಳಲಿದೆ. ಇನ್ನು 70 ದಿನಗಳ ಕಾಲ ರಾಜ್ಯದ ಮೂಲೆ ಮೂಲೆಗೆ ಈ ರೀತಿ ಪ್ರಚಾರ ನಡೆಯಲಿದೆ.

ಹೊಸ ಪೋಸ್ಟರ್‌ಗಳ ಬಗ್ಗೆಯೂ ಬೇಸರ

ಬಹುಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ಸಿನಿಮಾ ಇದು. ಅದಕ್ಕೆ ತಕ್ಕಂತೆ ಮೇಕಿಂಗ್, ಪೋಸ್ಟರ್, ಟೀಸರ್- ಟ್ರೈಲರ್ ಕಟ್ ಎಲ್ಲಾ ಇರಬೇಕು. ಆದರೆ ಈ ವಿಚಾರದಲ್ಲಿ 'ಕ್ರಾಂತಿ' ಸಿನಿಮಾ ಅಭಿಮಾನಿಗಳಿಗೆ ನಿರಾಸೆ ಮೂಡಿಸುತ್ತಲೇ ಬರುತ್ತಿದೆ. ಈ ಹಿಂದೆ ಬಂದ ಪೋಸ್ಟರ್‌ಗಳ ಬಗ್ಗೆ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದರು. ನಂತರ ಡಿಸೈನರ್ ಚೇಂಜ್ ಆಗುತ್ತಾರೆ ಎನ್ನಲಾಗಿತ್ತು. ಹಾಗಾಗಿ ಹೊಸ ಪೋಸ್ಟರ್‌ಗಳ ಬಗ್ಗೆ ನಿರೀಕ್ಷೆ ಇತ್ತು. ಆದರೆ ಮತ್ತೊಮ್ಮೆ ನಿರಾಸೆ ಆಗಿದೆ.

ಬೇರೆ ಬೇರೆ ಊರಿನಲ್ಲಿ ಸಾಂಗ್ ರಿಲೀಸ್

ಇನ್ನು ಅಭಿಮಾನಿಗಳ ಸಮ್ಮುಖದಲ್ಲಿ 'ಕ್ರಾಂತಿ' ಸಿನಿಮಾ ಸಾಂಗ್ಸ್ ರಿಲೀಸ್ ಮಾಡುವ ಬಗ್ಗೆ ಚಿತ್ರತಂಡ ಚಿಂತನೆ ನಡೆಸಿದೆ. ಚಿತ್ರದಲ್ಲಿ ಒಟ್ಟು 5 ಹಾಡುಗಳಿದ್ದು ಸ್ವತಃ ವಿ. ಹರಿಕೃಷ್ಣ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ರಾಜ್ಯದ ಬೇರೆ ಬೇರೆ ಊರಿಗೆ ತೆರಳಿ ಅಭಿಮಾನಿಗಳ ಮಧ್ಯೆ ಸಾಂಗ್ ರಿಲೀಸ್ ಮಾಡಲು ಚಿತ್ರತಂಡ ಮುಂದಾಗಿದೆ. ಈ ಬಾರಿ 'ಕ್ರಾಂತಿ' ಪ್ರಚಾರವನ್ನು ಹೊಸ ರೀತಿಯಲ್ಲಿ ಮಾಡಲು ತೀರ್ಮಾನಿಸಲಾಗಿದೆ.

ಹೈದರಾಬಾದ್‌ನಲ್ಲಿ 'D56' ಶೂಟಿಂಗ್

'ಕ್ರಾಂತಿ' ನಂತರ ತರುಣ್ ಸುಧೀರ್ ನಿರ್ದೇಶನದ 'D56' ಚಿತ್ರದಲ್ಲಿ ದರ್ಶನ್ ಬಣ್ಣ ಹಚ್ಚಿದ್ದಾರೆ. ಕೆಲ ದಿನಗಳ ಹಿಂದೆ ರಾಕ್‌ಲೈನ್ ಸ್ಟುಡಿಯೋದಲ್ಲಿ ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಕಂಪ್ಲೀಟ್ ಆಗಿತ್ತು. ಈಗ ಹೈದರಾಬಾದ್‌ನಲ್ಲಿ 2ನೇ ಶೆಡ್ಯೂಲ್ ಶುರುವಾಗಿದೆ. ಮಾಲಾಶ್ರೀ ಪುತ್ರಿ ರಾಧನಾ ರಾಮ್ ಚಿತ್ರದಲ್ಲಿ ದರ್ಶನ್ ಜೋಡಿಯಾಗಿ ನಟಿಸುತ್ತಿದ್ದಾರೆ. ಇನ್ನು ಹೆಸರಿಡದ ಚಿತ್ರವನ್ನು ರಾಕ್‌ಲೈನ್ ವೆಂಕಟೇಶ್ ನಿರ್ಮಾಣ ಮಾಡುತ್ತಿದ್ದಾರೆ.