ಡಾಲಿ ಅಂದ್ರೆ ದರ್ಶನ್ ಗೆ ಯಾಕೆ ಅಷ್ಟೊಂದು ಇಷ್ಟ.!

ಯಜಮಾನ ಚಿತ್ರದಲ್ಲಿ ಮಿಠಾಯಿ ಸೂರಿ

ಟಗರು ಚಿತ್ರದಲ್ಲಿ ಡಾಲಿಯಾಗಿದ್ದ ಧನಂಜಯ್, ಯಜಮಾನ ಚಿತ್ರದಲ್ಲಿ ಮಿಠಾಯಿ ಸೂರಿ ಆಗಿ ಮಿಂಚಿದ್ದಾರೆ. ಸದ್ಯ ಟ್ರೈಲರ್ ರಿಲೀಸ್ ಆಗಿದ್ದು ಮಿಠಾಯಿ ಸೂರಿಯ ಹವಾ ಜೋರಾಗಿಯೇ ಇದೆ ಎಂಬ ಸುಳಿವು ಸಿಕ್ಕಿದೆ. ಇಷ್ಟು ದಿನ ಡಾಲಿ ಆಗಿದ್ದ ಧನಂಜಯ್ ಇನ್ಮುಂದೆ ಮಿಠಾಯಿ ಸೂರಿ ಆದ್ರೂ ಅಚ್ಚರಿಯಿಲ್ಲ. ಹೀಗಂತ ಸ್ವತಃ ಧನಂಜಯ್ ಅವರೇ ಟಿವಿ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ದರ್ಶನ್ ಗೂ ಇಷ್ಟ ಡಾಲಿ

ತನ್ನದೇ ಚಿತ್ರದಲ್ಲಿ ಮಿಠಾಯಿ ಸೂರಿ ಪಾತ್ರ ಮಾಡಿರುವ ಧನಂಜಯ್ ಅವರನ್ನ ದರ್ಶನ್ ಪ್ರೀತಿಯಿಂದ ಕರೆಯುವುದು ಡಾಲಿ ಅಂತ. ಧನಂಜಯ್ ಅವರನ್ನ ಎಲ್ಲೇ ಕಂಡ್ರು ಪ್ರೀತಿಯಿಂದ ಮಾತನಾಡಿಸುವ ದರ್ಶನ್, ಡಾಲಿ ಅಂತಾನೇ ಕೂಗ್ತಾರಂತೆ.

'ಯಜಮಾನ' ಸೂಪರ್ ಎಂದ ಡಾಲಿ

ಇನ್ನು ದರ್ಶನ್ ಸಿನಿಮಾ ಬಹುಮುಖ್ಯ ಪಾತ್ರದಲ್ಲಿ ನಟಿಸಿರುವ ಧನಂಜಯ್ 'ಇದು ವಿಲನ್ ಪಾತ್ರವಲ್ಲ ಆದ್ರೆ ಚಿತ್ರಕ್ಕೆ ಪ್ರಮುಖ ಪಾತ್ರ' ಎಂದಿದ್ದಾರೆ. 'ದರ್ಶನ್ ಅವರು ಕೂಡ ಅಷ್ಟೇ ತುಂಬಾ ಚೆನ್ನಾಗಿ ನೋಡಿಕೊಳ್ತಾರೆ, ಊಟಕ್ಕೆ ಕೂತಾಗ ನಾನಿಲ್ಲ ಅಂದ್ರೆ ಯಾರನ್ನಾದರೂ ಕಳುಹಿಸಿ ಡಾಲಿನಾ ಕರೀರಿ ಅಂತ ಹೇಳ್ತಾರೆ' ಎಂದು ಹೇಳಿಕೊಂಡಿದ್ದಾರೆ.

ಯುವರತ್ನ ಚಿತ್ರದಲ್ಲಿ ಡಾಲಿ

'ಯಜಮಾನ' ಮುಗಿಸಿ 'ಪಾಪ್ ಕಾರ್ನ್ ಮಂಕಿ ಟೈಗರ್' ಚಿತ್ರದಲ್ಲಿ ನಾಯಕನಾಗಿ ನಟಿಸುತ್ತಿರುವ ಧನಂಜಯ್ 'ಡಾಲಿ' ಎಂಬ ಹೆಸರಿನಲ್ಲೇ ಹೊಸದೊಂದು ಪ್ರಾಜೆಕ್ಟ್ ಆರಂಭಿಸಿದ್ದಾರೆ. ಇದರ ಜೊತೆಗೆ ದುನಿಯಾ ವಿಜಯ್ ಮತ್ತು ಧ್ರುವ ಸರ್ಜಾ ಚಿತ್ರಗಳಿಂದಲೂ ಆಫರ್ ಇದೆಯಂತೆ.