ಧನಂಜಯ್ 'ಹೆಡ್‌ಬುಷ್' ಆಟ ಶುರು.. ಪೇಯ್ಡ್ ಪ್ರೀಮಿಯರ್ ಶೋಗಳು ಹೌಸ್‌ಫುಲ್.. ಎಲ್ಲೆಲ್ಲೂ ಡಾನ್ ಜಯರಾಜ್ ಆರ್ಭಟ!

ಪೇಯ್ಡ್ ಪ್ರೀಮಿಯರ್ ಶೋಗಳು ಹೌಸ್‌ಫುಲ್

ಬೆಂಗಳೂರು, ಮೈಸೂರು, ತುಮಕೂರಿನಲ್ಲಿ ಇಂದು(ಅಕ್ಟೋಬರ್ 20) ಸಂಜೆಯಿಂದಲೇ
'ಹೆಡ್‌ಬುಷ್' ಸಿನಿಮಾ ರಿಲೀಸ್ ಆಗ್ತಿದೆ. ಪೇಯ್ಡ್ ಪ್ರೀಮಿಯರ್ ಶೋಗಳ ಅಡ್ವಾನ್ಸ್ ಟಿಕೆಟ್ ಬುಕ್ಕಿಂಗ್ ಶುರುವಾಗಿದ್ದು, ಕೆಲ ಶೋಗಳ ಟಿಕೆಟ್ಸ್ ಸೋಲ್ಡ್‌ಔಟ್ ಆಗೋಗಿದೆ. ಹಾಗಾಗಿ ಪ್ರೀಮಿಯರ್‌ ಶೋಗಳಿಗೆ ಹೌಸ್‌ಫುಲ್‌ ಓಪನಿಂಗ್ ಸಿಗಲಿದೆ. ಬೆಂಗಳೂರಿನಲ್ಲಿ 17, ಮೈಸೂರಿನಲ್ಲಿ 7, ಶಿವಮೊಗ್ಗ, ದಾವಣಗೆರೆ ಹಾಗೂ ತುಮಕೂರಿನಲ್ಲಿ ತಲಾ 2 ಪೇಯ್ಡ್ ಪ್ರೀಮಿಯರ್‌ ಶೋಗಳು ನಡೆಯಲಿದೆ. ಈಗಾಗಲೇ ಬಹುತೇಕ ಶೋಗಳ ಟಿಕೆಟ್ಸ್ ಮಾರಾಟವಾಗಿದೆ.

ಹೊರರಾಜ್ಯಗಳಲ್ಲೂ ಏಕಕಾಲಕ್ಕೆ ಚಿತ್ರ ರಿಲೀಸ್

ಕರ್ನಾಟಕ ಮಾತ್ರವಲ್ಲದೇ ಮುಂಬೈ, ಚೆನ್ನೈ, ಪುಣೆ ಸೇರಿದಂತೆ ಹೊರ ರಾಜ್ಯಗಳಲ್ಲೂ ಏಕಕಾಲಕ್ಕೆ 'ಹೆಡ್‌ಬುಷ್' ಸಿನಿಮಾ ತೆರೆಗೆ ಬರ್ತಿದೆ. ಚಿತ್ರವನ್ನು ಬೇರೆ ಭಾಷೆಗಳಿಗೆ ಡಬ್ ಮಾಡಿಲ್ಲ. ಇಂಗ್ಲೀಷ್ ಸಬ್‌ಟೈಟಲ್ ಜೊತೆಗೆ ಕನ್ನಡದಲ್ಲೇ ಎಲ್ಲಾ ಕಡೆ ರಿಲೀಸ್ ಮಾಡಲಾಗ್ತಿದೆ. ಧನಂಜಯ ಈಗಾಗಲೇ ತೆಲುಗು, ತಮಿಳು ಸಿನಿಮಾಗಳಲ್ಲಿ ನಟಿಸೋಕೆ ಶುರು ಮಾಡಿದ್ದಾರೆ. ಹೊರ ರಾಜ್ಯಗಳಲ್ಲಿ ಇರುವ ಕನ್ನಡಿಗರು ಕೂಡ ಸಿನಿಮಾ ನೋಡಲು ಕಾಯುತ್ತಿದ್ದಾರೆ. ಸದ್ಯ 'ಕಾಂತಾರ' ಸಿನಿಮಾ ಹೊರ ರಾಜ್ಯಗಳಲ್ಲಿ ಸಖತ್ ಸದ್ದು ಮಾಡ್ತಿದ್ದು, ಅದರ ಹಿಂದೆ 'ಹೆಡ್‌ಬುಷ್' ಹಾವಳಿ ಶುರುವಾಗಲಿದೆ.

'ಹೆಡ್‌ಬುಷ್' ರಿಲೀಸ್‌ಗೂ ಮೊದಲೇ ಡಾಲಿ ಸೇಫ್!

ಜೀ ಸಂಸ್ಥೆ 22 ಕೋಟಿ ರೂ.ಗೆ 'ಹೆಡ್‌ಬುಷ್' ಚಿತ್ರದ ಥ್ರಿಯೇಟ್ರಿಕಲ್, ಡಿಜಿಟಲ್ ಹಾಗೂ ಸ್ಯಾಟಲೈಟ್ ರೈಟ್ಸ್ ಖರೀದಿಸಿದೆ. ಬರೀ ಸಿನಿಮಾ ಮೇಕಿಂಗ್ ವಿಷ್ಯುವಲ್ಸ್ ನೋಡಿ ಸಂಸ್ಥೆ ಇಂತಾದೊಂದು ಒಪ್ಪಂದ ಮಾಡಿಕೊಂಡಿದೆ. ಹಾಗಾಗಿ ದೊಡ್ಡಮಟ್ಟದಲ್ಲಿ ಸಿನಿಮಾ ರಿಲೀಸ್ ಪ್ಲ್ಯಾನ್ ನಡೀತಿದೆ. ಇತ್ತೀಚೆಗೆ ದಾವಣಗೆರೆಯಲ್ಲಿ ಬಹಳ ಅದ್ಧೂರಿಯಾಗಿ 'ಹೆಡ್‌ಬುಷ್' ಪ್ರೀ ರಿಲೀಸ್ ಈವೆಂಟ್ ಕೂಡ ನಡೆದಿತ್ತು.

ಭಾರೀ ಕುತೂಹಲ ಕೆರಳಿಸಿರುವ 'ಹೆಡ್‌ಬುಷ್'

ಬೆಂಗಳೂರು ಭೂಗತಲೋಕದ ಬಗ್ಗೆ ಸಾಕಷ್ಟು ಜನ ಮಾತನಾಡುತ್ತಿರುತ್ತಾರೆ. ಡಾನ್ ಜಯರಾಜ್, ಕೊತ್ವಾಲನ ಆರ್ಭಟದ ಬಗ್ಗೆ ಅವರಿವರು ಹೇಳಿರುವುದನ್ನು ಮಾತ್ರ ಕೇಳಿದ್ದೇವೆ. 'ಹೆಡ್‌ಬುಷ್' ಚಿತ್ರದಲ್ಲಿ ಆ ದಿನಗಳನ್ನು ದೃಶ್ಯರೂಪಕ್ಕೆ ಇಳಿಸಲಾಗಿದೆ. ಈಗಾಗಲೇ ಟ್ರೈಲರ್‌ನಲ್ಲಿ ಡಾನ್ ಜಯರಾಜ್‌ ಆಗಿ ಡಾಲಿ ಅಬ್ಬರ ನೋಡಿದ ಸಿನಿ ರಸಿಕರು ಫಿದಾ ಆಗಿದ್ದಾರೆ. ಸದಾ ಸಿಗರೇಟು ಹಿಡಿದು ಚಿಟಿಕೆ ಹೊಡೆಯುವ ಸ್ಟೈಲ್, ಲುಕ್ಕು, ಮ್ಯಾನರಿಸಂ ಗಮನ ಸೆಳೆದಿದೆ. ತೆರೆಮೇಲೆ ಕಂಪ್ಲೀಟ್ ಸಿನಿಮಾ ನೋಡಲು ಸಿನಿರಸಿಕರು ಕಾತರರಾಗಿದ್ದಾರೆ.