'ಆಪ್ತಮಿತ್ರ-2' ಹೆಸರಿನಲ್ಲೇ ಎರಡು ಸಿನಿಮಾ ಬರ್ತಿದೆ.!

ಪಿ.ವಾಸು ನಿರ್ದೇಶನದಲ್ಲಿ 'ಆಪ್ತಮಿತ್ರ-2'

'ಆಪ್ತಮಿತ್ರ', 'ಆಪ್ತರಕ್ಷಕ' ಸಿನಿಮಾ ನಿರ್ದೇಶನ ಮಾಡಿದ್ದ ಪಿ ವಾಸು ಈಗ ಆಪ್ತಮಿತ್ರ 2 ಸಿನಿಮಾ ಮಾಡ್ತಿದ್ದಾರೆ.

ಇದು 'ನಾಗವಲ್ಲಿ' ಕಥೆ ಅಲ್ಲ

'ಆಪ್ತಮಿತ್ರ' ಎಂದಾಕ್ಷಣ ನಾಗವಲ್ಲಿ ಪಾತ್ರ ಕಣ್ಣ ಮುಂದೆ ಬರುತ್ತೆ. ಹೀಗಾಗಿ, ನೀವು ಅಂದುಕೊಂಡಂತೆ ಪಿ ವಾಸು ನಿರ್ದೇಶನ ಮಾಡಲಿರುವ 'ಆಪ್ತಮಿತ್ರ-2' ಸಿನಿಮಾ ನಾಗವಲ್ಲಿ ಕಥೆಯ ಆಧರಿತವಲ್ಲ.

'ಆಪ್ತಮಿತ್ರ 2' ಅಥವಾ 'ಆಪ್ತಮಿತ್ರರು'

ಇನ್ನು ಮತ್ತೊಂದೆಡೆ ಹೊಸ ನಿರ್ದೇಶಕ ಶಂಕರ್ ಅರುಣ್ ಸಾರಥ್ಯದಲ್ಲಿ 'ಆಪ್ತಮಿತ್ರ-2' ಎಂದು ಸಿನಿಮಾ ಮೂಡಿ ಬರುತ್ತಿದೆ. ಈಗಾಗಲೇ ಈ ಚಿತ್ರದ ಟೈಟಲ್ ಟೀಸರ್ ಮತ್ತು ಟ್ರೈಲರ್ ಕೂಡ ಬಿಡುಗಡೆಯಾಗಿದೆ.

ಟೈಟಲ್ ವಿವಾದ

ಪಿ ವಾಸು ನಿರ್ದೇಶನ ಮಾಡಲಿರುವ ಸಿನಿಮಾಗೆ ಆಪ್ತಮಿತ್ರ ಎಂದು ಹೆಸರಿಟ್ಟಿದ್ದರೇ, ಶಂಕರ್ ಅರುಣ್ ಸಾರಥ್ಯದ ಚಿತ್ರಕ್ಕೂ ಆಪ್ತಮಿತ್ರ 2 ಎಂದು ನಾಮಕರಣ ಮಾಡಲಾಗಿದೆ. ವಿಶೇಷ ಅಂದ್ರೆ, ಶಂಕರ್ ಅರುಣ್ ಅವರ ಆಪ್ತಮಿತ್ರ ಟೈಟಲ್ ನಲ್ಲಿ ಗೊಂದಲ ಇದೆ. ನಾಗವಲ್ಲಿ ವರ್ಸಸ್ ಆಪ್ತಮಿತ್ರ 2 ಎಂದು ಪೋಸ್ಟರ್ ನಲ್ಲಿ ಡಿಸೈನ್ ಮಾಡಿಸಲಾಗಿದೆ. ಮತ್ತೊಂದು ದೃಷ್ಟಿಯಲ್ಲಿ ಆಪ್ತಮಿತ್ರರು ಎಂದು ಕಾಣಿಸುತ್ತಿದೆ. ಇದು ಈಗ ವಿವಾದಕ್ಕೆ ಕಾರಣವಾಗಿದೆ.

ಪಿ ವಾಸು ಸಿನಿಮಾ ರೀಮೇಕ್.!

ಪಿ ವಾಸು ನಿರ್ದೇಶನ ಮಾಡಲಿರುವ 'ಆಪ್ತಮಿತ್ರ-2' ಸಿನಿಮಾ, ತಮಿಳಿನ 'ಅರನ್ ಮನೈ 2' ಚಿತ್ರದ ರೀಮೇಕ್. ಸುಂದರ್ ಸಿ ನಿರ್ದೇಶನದ ಈ ಚಿತ್ರ ಹಾರರ್ ಥ್ರಿಲ್ಲಿಂಗ್ ಸಿನಿಮಾವಾಗಿದ್ದು, ತ್ರಿಷಾ, ಸಿದ್ಧಾರ್ಥ್, ಹನ್ಸಿಕಾ ಮೊಟ್ವನಿ ಸೇರಿದಂತೆ ಹಲವರು ಅಭಿನಯಿಸಿದ್ದರು.

ಹೊಸಬರ ಆಪ್ತಮಿತ್ರದಲ್ಲಿ 'ನಾಗವಲ್ಲಿ' ಕಥೆ.!

ಇನ್ನು ಅರುಣ್ ಶಂಕರ್ ನಿರ್ದೇಶನ ಮಾಡಲಿರುವ ಆಪ್ತಮಿತ್ರ 2 ಸಿನಿಮಾ, ನಾಗವಲ್ಲಿಯನ್ನೇ ಪ್ರಮುಖ ಕಥಾವಸ್ತುವನ್ನಾಗಿಸಿ ಮಾಡುತ್ತಿರುವ ಸಿನಿಮಾ.