'ಪೆಟ್ರೋಮ್ಯಾಕ್ಸ್' ಸೋಲಿಗೆ ನಾನೊಬ್ಬನೇ ಕಾರಣ; ಕ್ಷಮಿಸಿ ಎಂದ ವಿಜಯ ಪ್ರಸಾದ್

ಎಲ್ಲರ ಕ್ಷಮೆ ಕೇಳಿದ ವಿಜಯ ಪ್ರಸಾದ್

'ಪೆಟ್ರೋಮ್ಯಾಕ್ಸ್' ಸಿನಿಮಾ ಸೋಲಿಗೆ ಪ್ರೇಕ್ಷಕರನ್ನಾಗಲಿ, ಚಿತ್ರತಂಡವನ್ನಾಗಲಿ ವಿಜಯ ಪ್ರಸಾದ್ ದೂಷಿಸಿಲ್ಲ. ಬದಲಿಗೆ ನಾನೊಬ್ಬನೇ ಕಾರಣ.. ಕ್ಷಮೆ ಇರಲಿ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.

'ಪೆಟ್ರೋಮ್ಯಾಕ್ಸ್' ಟ್ರೈಲರ್ ವೈರಲ್

ಸತೀಶ್ ಪಿಕ್ಚರ್ ಹೌಸ್, ಸ್ಟುಡಿಯೋ 18 ಹಾಗೂ ಪೆಟ್ರೋಮ್ಯಾಕ್ಸ್ ಪಿಕ್ಚರ್ಸ್ ಬ್ಯಾನರ್‌ನಲ್ಲಿ ಈ ಸಿನಿಮಾ ನಿರ್ಮಾಣವಾಗಿತ್ತು. ಎಂದಿನಂತೆ ವಿಜಯ ಪ್ರಸಾದ್ ತಮಾಷೆಯಾಗಿ ಒಂದು ಸೀರಿಯಸ್ ವಿಚಾರವನ್ನು ಹೇಳುವ ಪ್ರಯತ್ನ ಮಾಡಿದ್ದರು. ಆದರೆ ತಮಾಷೆ ಅತಿಯಾಗಿ ಕೆಲವರಿಗೆ ವಾಕರಿಕೆ ತರಿಸುವಂತಾಗಿದ್ದು ಸುಳ್ಳಲ್ಲ. ಸಿನಿಮಾ ರಿಲೀಸ್‌ಗೂ ಮೊದ್ಲು ಡಬಲ್‌ ಮೀನಿಂಗ್ ಡೈಲಾಗ್ ಟ್ರೈಲರ್‌ಗಳು ಸಖತ್ ಸದ್ದು ಮಾಡಿತ್ತು.

'ಪೆಟ್ರೋಮ್ಯಾಕ್ಸ್' ಸಿನಿಮಾ ಕಥೆ

ಮೂವರು ಹುಡುಗರು. ಒಂದು ಹುಡುಗಿ. ಅಪ್ಪ- ಅಮ್ಮ ಯಾರು ಅಂತ ಗೊತ್ತಿಲ್ಲದೇ ಅನಾಥಶ್ರಮದಲ್ಲಿ ಬೆಳೆದವರು. ಮುಂದೆ ಅನಾಥಾಶ್ರಮ ಬಿಟ್ಟು ನಾಲ್ಕು ಜನ ಹೊಸ ಗೂಡು ಕಟ್ಟಿಕೊಳ್ಳುವುದಕ್ಕೆ ಮುಂದಾಗುತ್ತಾರೆ. ಮೂವರು ಹುಡುಗರು, ಒಂದು ಹುಡುಗಿ ಅಂದರೆ ಯಾರು ಮನೆ ಬಾಡಿಗೆಗೆ ಕೊಡುವುದಿಲ್ಲ. ಈ ಹಾದಿಯಲ್ಲಿ ಅವರಿಗೆ ರಿಯಲ್ ಎಸ್ಟೇಟ್ ಬ್ರೋಕರ್ ಮೀನಾಕ್ಷಿ ಹಾಗೂ ಮಗ, ಸೊಸೆಗೆ ಬೇಡವಾದ ಹಿರಿಯ ಜೀವ ಸುಧಾಮೂರ್ತಿ ಸಿಗುತ್ತಾರೆ. ಮುಂದೆ ಅನಾಥರಾದ ನಾಲ್ವರಿಗೆ ತಾಯಿ ಸಿಗುತ್ತಾಳೆ. ಹೆತ್ತ ಮಗನಿಗೆ ಬೇಡವಾದ ತಾಯಿಗೆ ನಾಲ್ವರು ಮಕ್ಕಳು ಸಿಗುತ್ತಾರೆ.

ಬಿಡುಗಡೆಗೆ ಸಿದ್ಧ ವಿಜಯ ಪ್ರಸಾದ್ 'ತೋತಾಪುರಿ'

ವಿಜಯ ಪ್ರಸಾದ್ ನಿರ್ದೇಶನದ ಮುಂದಿನ ಸಿನಿಮಾ ತೋತಾಪುರಿ ರಿಲೀಸ್‌ಗೆ ರೆಡಿಯಾಗಿದ್ದಾರೆ. ನವರಸ ನಾಯಕ ಜಗ್ಗೇಶ್, ಅದಿತಿ ಪ್ರಭುದೇವಾ, ಡಾಲಿ ಧನಂಜಯ, ಸುಮನ್ ರಂಗನಾಥ್ ನಿರ್ದೇಶನದ ಈ ಸಿನಿಮಾ ಎರಡು ಭಾಗಗಳಾಗಿ ರಿಲೀಸ್ ಆಗಲಿದ್ದು, ಈಗಾಗಲೇ ಈ ಚಿತ್ರದ ಟ್ರೈಲರ್, ಸಾಂಗ್ ಹಿಟ್ ಆಗಿದೆ.