ಸ್ಯಾಂಡಲ್ ವುಡ್ ನಲ್ಲಿ ಒಂದು ಮಾತಿದೆ, ಅದೇನೆಂದರೆ ಕ್ರೇಜಿಸ್ಟಾರ್ ರವಿಚಂದ್ರನ್ ಅವರು ಯಾರನ್ನೇ ಬೈದರೂ, ಪ್ರೀತಿಯಿಂದ ಅವರ ಹೆಗಲ ಮೇಲೆ ಕೈಹಾಕಿದರೂ ಅವರ ಅದೃಷ್ಟ ಖುಲಾಯಿಸಿದಂತೆಯೇ ಎಂದು. ಸ್ವತಃ ಈ ಮಾತನ್ನು ರವಿಚಂದ್ರನ್ ಅವರೇ ಅದೆಷ್ಟೋ ಸಲ ಹೇಳಿದ್ದಾರೆ.
ರವಿಮಾಮನ ಕೈಯಲ್ಲಿ ಬೈಸಿಕೊಂಡವರು, ಹೆಗಲ ಮೇಲೆ ಕೈಹಾಕಿಸಿಕೊಂಡವರು ಈಗ ಸ್ಯಾಂಡಲ್ ವುಡ್ ನಲ್ಲಿ ಮಿಂಚುತ್ತಿದ್ದಾರೆ. ಅದೇ ರೀತಿಯ ಒಂದು 'ನಂಬಿಕೆ'ಗೆ ಕನಕಪುರ ಶಾಸಕ, ಹಾಲಿ ಇಂಧನ ಸಚಿವ ಡಿಕೆ ಶಿವಕುಮಾರ್ ಅವರು ಪಾತ್ರವಾಗಲಿದ್ದಾರಾ? [ಸನ್ನಿ ಲಿಯೋನ್ 'ಸೇಸಮ್ಮ' ಫುಲ್ ಐಟಂ ಸಾಂಗ್ ಕೇಳಿ]
ಈ ಫೋಟೋ ನೋಡಿದರೆ ಆ ಸಂದೇಹ ಬಂದೇ ಬರುತ್ತದೆ. ಇತ್ತೀಚೆಗೆ ಪ್ರೇಮ್ ಅಭಿನಯದ ರಕ್ಷಿತಾ ಪ್ರೇಮ್ ನಿರ್ಮಾಣದ 'ಡಿಕೆ' ಚಿತ್ರದ ಟ್ರೇಲರ್ ಹಾಗೂ ಹಾಡುಗಳ ಬಿಡುಗಡೆ ಮಾಡಲಾಯಿತು. ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಬಂದವರು ಸ್ವತಃ ಡಿಕೆ ಶಿವಕುಮಾರ್ ಸಾಹೇಬರು.
ಈ ಚಿತ್ರ ಡಿಕೆಶಿ ಅವರ ಕುರಿತಾದದ್ದೇ?
ಈ ಚಿತ್ರ ಡಿಕೆಶಿ ಅವರ ಕುರಿತಾದದ್ದೇ? ಡಿಕೆ ಅಂದ್ರೆ ಯಾರು? ಚಿತ್ರದಲ್ಲಿ ರಾಜಕಾರಣಿಗಳ ಐತಿಹ್ಯ ಏನಾದರೂ ಇದೆಯೇ? ಎಂಬ ಸಂದೇಹಗಳು ಸ್ಯಾಂಡಲ್ ವುಡ್ ನಲ್ಲಿ ಚಿತ್ರ ಆರಂಭವಾದಂದಿನಿಂದ ಇವೆ. ಆದರೆ ಡಿಕೆಶಿ ಅವರು ಟ್ರೇಲರ್ ಬಿಡುಗಡೆ ಬರುವ ಮೂಲಕ ಆ ಎಲ್ಲಾ ಸಂದೇಹಗಳಿಗೆ ಉತ್ತರ ಸಿಕ್ಕಂತಾಗಿದೆ.
ಡಿಕೆಶಿ ಅವರ ಯೌವನದ ದಿನಗಳೇ ಸ್ಫೂರ್ತಿ
ಡಿಕೆ ಚಿತ್ರದ ನಿರ್ದೇಶಕ ವಿಜಯ್ ಹಂಪಳಿ ಅವರು ಬಿಟ್ಟುಕೊಟ್ಟ ಒಂದೇ ಒಂದು ಗುಟ್ಟೇನೆಂದರೆ, ಈ ಚಿತ್ರದಲ್ಲಿ ಡಿಕೆ ಶಿವಕುಮಾರ್ ಅವರ ಯೌವನದ ದಿನಗಳೇ ಈ ಚಿತ್ರಕ್ಕೆ ಸ್ಫೂರ್ತಿ ಎಂಬುದು.
ಇದು 'ಡಿಕೆಶಿ' ಕಥೆಯಲ್ಲವಂತೆ
ಪ್ರೇಮ್ ತಮ್ಮ ಚಿತ್ರಕ್ಕೆ 'ಡಿಕೆ' ಎಂದು ಹೆಸರಿಟ್ಟು ಪ್ರಕಟಿಸಿದ ಮೇಲೆ ಡಿಕೆಶಿ ಅವರಿಗೆ ಆಪ್ತರಿಂದ ಸಾಕಷ್ಟು ಫೋನ್ ಕರೆಗಳು ಬಂದಂವಂತೆ. ಬಳಿಕ ಪ್ರೇಮ್ ಅವರು ಆ ಚಿತ್ರದ ಬಗ್ಗೆ ಸ್ಪಷ್ಟೀಕರಣ ನೀಡಿದ ಇದು ತಮ್ಮ ಜೀವನಕ್ಕೆ ಸಂಬಂಧಿಸಿದ್ದ ಎಂದು ತಿಳಿದು ಡಿಕೆಶಿ ಸಾಹೇಬರು ನಿರಾಳರಾಗಿದ್ದಾರೆ.
ಡಿಕೆ ಚಿತ್ರ ಯಶಸ್ವಿಯಾಗಲಿ ಎಂದು ಹರಸಿದರು
ಚಿತ್ರದ ಟ್ರೇಲರ್ ಮತ್ತು ಹಾಡನ್ನು ಬಿಡುಗಡೆ ಮಾಡಿದ ಡಿಕೆ ಶಿವಕುಮಾರ್ ಅವರು ಪ್ರೇಮ್ ಅವರ ಈ ಹಿಂದಿನ ಚಿತ್ರಗಳಂತೆ ಇದೂ ಯಶಸ್ವಿಯಾಗಲಿ ಎಂದು ಹರಸಿದರು. ಈ ಹಿಂದಿನ ಎಲ್ಲಾ ಚಿತ್ರಗಳ ದಾಖಲೆ 'ಡಿಕೆ' ಚಿತ್ರ ಮುರಿಯಲಿ ಎಂದು ಹಾರೈಸಿದರು.
ಪ್ರಮುಖ ಆಕರ್ಷಣೆಯಾಗಿದ್ದ ಚೈತ್ರಾ ಚಂದ್ರನಾಥ್
ಈ ಚಿತ್ರದ ನಾಯಕಿ ಚೈತ್ರಾ ಚಂದ್ರನಾಥ್ ಅವರು 'ಡಿಕೆ' ಚಿತ್ರಕ್ಕಾಗಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 'ವಿರಾಟ್' ಚಿತ್ರವನ್ನು ಮಿಸ್ ಮಾಡಿಕೊಂಡಿದ್ದಾರೆ. ಈ ಅಪರೂಪದ ಕಾರ್ಯಕ್ರಮ ಅವರು ಕಪ್ಪು ದಿರಿಸಿನಲ್ಲಿ ಎಲ್ಲರ ಗಮನಸೆಳೆದರು.
