'ಬಾಹುಬಲಿ' ಬೆಂಬಲಿಸಿ ಕನ್ನಡ ಚಿತ್ರಗಳಿಗೆ ತೊಂದರೆ ಕೊಟ್ಟರೆ ಹುಷಾರ್.!

ಕನ್ನಡ ಸಿನಿಮಾಗಳಿಗೆ ತೊಂದರೆ ಕೊಡಬೇಡಿ

ನಿನ್ನೆ (ಏಪ್ರಿಲ್ 26) ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಸಾ.ರಾ.ಗೋವಿಂದು ಸುದ್ದಿಗೋಷ್ಠಿ ನಡೆಸಿದ್ರು. ''ಬಾಹುಬಲಿ-2' ಸಿನಿಮಾ ಬಂದಿದೆ ಎನ್ನುವ ದೃಷ್ಠಿಯಿಂದ ಕನ್ನಡದ ಒಳ್ಳೆಯ ಸಿನಿಮಾಗಳಿಗೆ ತೊಂದರೆ ಕೊಡಬೇಡಿ'' ಅಂತ ಸಾ.ರಾ.ಗೋವಿಂದು ಪ್ರದರ್ಶಕರಿಗೆ ಹೇಳಿದ್ದಾರೆ.[ಚೆನ್ನೈನಲ್ಲಿ ಕೇಳೋರೇ ಇಲ್ಲ.. ಬೆಂಗಳೂರಲ್ಲಿ 'ಬಾಹುಬಲಿ'ಯೇ ಎಲ್ಲಾ.!]

ನಮ್ಮ ಗಮನಕ್ಕೆ ತನ್ನಿ

''ಬಾಹುಬಲಿ-2' ಸಿನಿಮಾಗಾಗಿ ಕನ್ನಡದ ಸಿನಿಮಾಗಳನ್ನ ಕಾರಣವಿಲ್ಲದೆ ಚಿತ್ರಮಂದಿರಗಳಿಂದ ಕಿತ್ತು ಹಾಕಿದ್ರೆ ಅಂತಹ ಸಿನಿಮಾ ತಂಡಗಳು ತಕ್ಷಣವೇ ನಮ್ಮ ಗಮನಕ್ಕೆ ತನ್ನಿ'' - ಸಾ.ರಾ.ಗೋವಿಂದು

ಹುಷಾರ್...

''ಕನ್ನಡ ಸಿನಿಮಾಗಳಿಗೆ ತೊಂದರೆ ಕೊಟ್ಟು, ಕನ್ನಡ ಚಿತ್ರಗಳನ್ನ ಪ್ರದರ್ಶನ ಮಾಡುವುದಕ್ಕೆ ಸಹಕಾರ ಕೊಡದಿದ್ದರೆ ಪ್ರತಿಭಟನೆ ನಡೆಸಲಾಗುವುದು'' - ಸಾ.ರಾ.ಗೋವಿಂದು[ಇಂದು ರಾತ್ರಿಯಿಂದಲೇ ಕರ್ನಾಟಕದಲ್ಲಿ 'ಬಾಹುಬಲಿ-2' ಪ್ರದರ್ಶನ: ಟಿಕೆಟ್ ಬೆಲೆ ಅಬ್ಬಬ್ಬಾ.!]

ಕನ್ನಡದ ಕಾಳಜಿ ಇರಲಿ

''ಊರ್ವಶಿ ಚಿತ್ರಮಂದಿರ ಕರ್ನಾಟಕದಲ್ಲಿ ಇದ್ದು, ಕನ್ನಡದ ಬಗ್ಗೆ ಕಾಳಜಿ ಇಟ್ಟುಕೊಂಡಿಲ್ಲ. ಕನ್ನಡ ಚಿತ್ರಗಳು ಅಂದ್ರೆ ತಾತ್ಸಾರ ಭಾವನೆಯಿಂದ ನೋಡುತ್ತಾರೆ'' - ಸಾ.ರಾ.ಗೋವಿಂದು

ಆತಂಕಕಾರಿ ಬೆಳವಣಿಗೆ

ಕನ್ನಡ ನಾಡಿನಲ್ಲಿ ಕನ್ನಡ ಸಿನಿಮಾಗಳಿಗೆ ಬೆಲೆ ಇಲ್ಲ ಅಂದ್ರೆ ಹೇಗೆ.? ಕನ್ನಡದ ಒಳ್ಳೆಯ ಸಿನಿಮಾಗಳು ಹೀಗೆ ಬಲಿಯಾದ್ರೆ ಮುಂದೆ ಒಳ್ಳೆ ಸಿನಿಮಾಗಳನ್ನ ಮಾಡಬೇಕು ಎಂದುಕೊಂಡವರು ಸಹ ಹಿಂದೇಟು ಹಾಕುತ್ತಾರೆ.