ಐಪಿಎಲ್ ಮ್ಯಾಚ್ ನೋಡುವ ಮುನ್ನಾ ದರ್ಶನ್ ಹೇಳಿರುವ ಈ ಮಾತು ಕೇಳಿ

ಐಪಿಎಲ್ ಪ್ರಾರಂಭವಾಗುತ್ತಿದ್ದಂತೆ ದರ್ಶನ್ ವಿಡಿಯೋ ವೈರಲ್

ಐಪಿಎಲ್ ಪ್ರಾರಂಭವಾಗುತ್ತಿರುವ ಇಂದು ನಟ ದರ್ಶನ್ ಅವರ ಹಳೆಯ ವಿಡಿಯೋ ಒಂದು ವೈರಲ್ ಆಗಿದೆ. ವಿಡಿಯೋದಲ್ಲಿ ದರ್ಶನ್ ಅವರು, ಕ್ರಿಕೆಟ್, ಐಪಿಎಲ್ ಮತ್ತು ಬೆಟ್ಟಿಂಗ್ ಮಹಾಮಾರಿ ಬಗ್ಗೆ ಮಾತನಾಡಿದ್ದಾರೆ.

'ಸಾಲ-ಸೋಲ ಮಾಡಿ ಬೆಟ್ಟಿಂಗ್ ಆಡುತ್ತಾರೆ ಅದು ಸರಿಯಲ್ಲ'

'ಐಪಿಎಲ್ ಪ್ರಾಂಭವಾಗುತ್ತಿದ್ದಂತೆ ಬಹುತೇಕರು ಬೆಟ್ಟಿಂಗ್ ಆಡಲು ಕಾತರರಾಗಿರುತ್ತಾರೆ. ಮ್ಯಾಚ್‌ ನೋಡುವುದಕ್ಕಿಂತಲೂ ಹೆಚ್ಚಾಗಿ ಬೆಟ್ಟಿಂಗ್ ಬಗ್ಗೆ ಅವರಿಗೆ ಗಮನ ಇರುತ್ತದೆ. ಸಾಲ-ಸೋಲ ಮಾಡಿ ಬೆಟ್ಟಿಂಗ್ ಆಡುತ್ತಾರೆ. ಆದರೆ ಈ ರೀತಿ ಮಾಡುವುದು ಬೇಡ' ಎಂದು ಮನವಿ ಮಾಡಿದ್ದಾರೆ ದರ್ಶನ್.

ಯಾರೂ ಜೀವನ ಹಾಳುಮಾಡಿಕೊಳ್ಳಬೇಡಿ: ದರ್ಶನ್

'ದಯವಿಟ್ಟು ಐಪಿಎಲ್ ಅನ್ನು ಒಂದು ಆಟದ ರೀತಿಯಲ್ಲಿ ನೋಡಿ, ಆಟವನ್ನು ಎಂಜಾಯ್ ಮಾಡಿ, ಆಟಗಾರರು ಕಷ್ಟಪಟ್ಟು ಆಡುತ್ತಿರುತ್ತಾರೆ. ಅವರ ಪ್ರತಿಭೆಗೆ ಬೆಂಬಲ ಕೊಡಿ, ಯಾರೂ ನಿಮ್ಮ ಜೀವನವನ್ನು ಹಾಳುಮಾಡಿಕೊಳ್ಳಬೇಡಿ' ಎಂದಿದ್ದಾರೆ ನಟ ದರ್ಶನ್.

Recommended Video

ಇದು ಕನ್ನಡದ ಹೆಣ್ಣು ಮಗಳ ಹೃದಯ | Pranitha | Filmibeat Kannada

ವಿಡಿಯೋ ಹಳೆಯದ್ದು ಸಂದೇಶ ಹಳೆಯದ್ದಲ್ಲ!

ದರ್ಶನ್ ಅವರ ಹಳೆಯ ವಿಡಿಯೋ ಇದು ಆದರೆ ಇಂದು ಐಪಿಎಲ್ ಪ್ರಾರಂಭವಾಗುತ್ತಿರುವ ಕಾರಣ ಈ ವಿಡಿಯೋ ಮತ್ತೆ ವೈರಲ್ ಆಗಿದೆ. ಬೆಟ್ಟಿಂಗ್ ಆಡುವವರು ಇರುವ ವರೆಗೂ 'ಬೆಟ್ಟಿಂಗ್ ಆಡಬೇಡಿ' ಎಂದು ದರ್ಶನ್ ನೀಡಿರುವ ಸಂದೇಶ ಹಳೆಯದಾಗಲು ಸಾಧ್ಯವಿಲ್ಲ.