For Quick Alerts
    ALLOW NOTIFICATIONS  
    For Daily Alerts

    'ಯು-ಟರ್ನ್' ತಗೊಂಡು 25 ಸಾವಿರ ರೂಪಾಯಿ ಬಹುಮಾನ ಗೆಲ್ಲಿ

    By Suneetha
    |

    'ಲೂಸಿಯಾ' ನಿರ್ದೇಶಕ ಪವನ್ ಕುಮಾರ್ ಅವರ 'ಯು-ಟರ್ನ್' ಸಿನಿಮಾ ಎಲ್ಲಾ ಕಡೆ ಸಾಕಷ್ಟು ರೆಸ್ಪಾನ್ಸ್ ಗಳಿಸುತ್ತಿದೆ. ಕನ್ನಡದಲ್ಲಿ ಒಂದು ಅತ್ಯುತ್ತಮ ಸಿನಿಮಾ ನೀಡಿದ್ದಾರೆ ಅಂತ ವಿಮರ್ಶಕರು ಹಾಗೂ ಪ್ರೇಕ್ಷಕರು ಮಾತಾನಾಡಿಕೊಳ್ಳುವಷ್ಟರ ಮಟ್ಟಿಗೆ 'ಯು-ಟರ್ನ್' ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಾ ಮುನ್ನುಗ್ಗುತ್ತಿದೆ.

    ಇದೀಗ ಇಷ್ಟಕ್ಕೆ ಸುಮ್ಮನಾಗದ ನಿರ್ದೇಶಕ ಪವನ್ ಕುಮಾರ್ ಅವರು ಕನ್ನಡ ಸಿನಿ ಪ್ರೇಕ್ಷಕರಿಗೆ ಒಂದು ವಿಭಿನ್ನ ಸ್ಪರ್ಧೆ ಏರ್ಪಡಿಸಿದ್ದಾರೆ. ಈ ಸ್ಪರ್ಧೆಯಲ್ಲಿ ಗೆದ್ದವರಿಗೆ ಒಂದಲ್ಲಾ, ಎರಡಲ್ಲಾ ಭರ್ಜರಿ 25 ಸಾವಿರ ರೂಪಾಯಿ ಬಹುಮಾನ ನೀಡಲಾಗುತ್ತದೆ.[ಯು ಟರ್ನ್: ಸಂದೇಶ ಸಾರುವ ತಿರುವಿನಲ್ಲಿ ಥ್ರಿಲ್ಲಿಂಗ್ ಪ್ರಯಾಣ]

    ಸಾರ್ವಜನಿಕರು ಮಾಡಬೇಕಾದದ್ದು ಇಷ್ಟೇ. ಯೂಟ್ಯೂಬ್ ನಲ್ಲಿರುವ 'Go Take that U-Turn' ಎಂಬ ಇಂಗ್ಲೀಷ್ ನಲ್ಲಿರುವ ಹಾಡನ್ನು ಕನ್ನಡಕ್ಕೆ ತರ್ಜುಮೆ ಮಾಡಿ ಹಾಡಿದರೆ 25 ಸಾವಿರ ರೂಪಾಯಿ ನಗದು ಬಹುಮಾನವನ್ನು ಗೆಲ್ಲಬಹುದು.

    ಬೆಂಗಳೂರಿನ ರ‍್ಯಾಪ್ಪರ್ ಸ್ಮೋಕಿ ಘೋಸ್ಟ್ ಮತ್ತು 'ಯು-ಟರ್ನ್' ಚಿತ್ರದ ನಾಯಕಿ ಶ್ರದ್ಧಾ ಶ್ರೀನಾಥ್ ಅವರು ಇಂಗ್ಲೀಷ್ ಮೂಲ ಹಾಡನ್ನು ಹಾಡಿದ್ದಾರೆ. ಈ ಇಂಗ್ಲೀಷ್ ನಲ್ಲಿರುವ ಹಾಡನ್ನು ಕನ್ನಡದಲ್ಲಿ ಸಾಹಿತ್ಯ ಬರೆದು, ಇಂಗ್ಲೀಷ್ ಹಾಡಿನಲ್ಲಿರುವಂತೆ ಮ್ಯೂಸಿಕ್ ಕಂಪೋಸ್ ಮಾಡಿ ಅದನ್ನು ಹಾಡಿ ರೆಕಾರ್ಡ್ ಮಾಡಿ 'ಯು-ಟರ್ನ್' ಚಿತ್ರದ ಪೋಸ್ಟರ್ ನೊಂದಿಗೆ ಯೂಟ್ಯೂಬ್ ನಲ್ಲಿ ಅಪ್ ಲೋಡ್ ಮಾಡಬೇಕು.[ಪವನ್ ರ 'ಯು-ಟರ್ನ್' ಚಿತ್ರವನ್ನು ವಿಮರ್ಶಕರು ಮೆಚ್ಚಿಕೊಂಡ್ರಾ?]

    ಕನ್ನಡ ಭಾಷೆಗೆ ತರ್ಜುಮೆ ಮಾಡಿರುವ ಯಾರ ಹಾಡು ಯೂಟ್ಯೂಬ್ ನಲ್ಲಿ ಅತ್ಯಂತ ಹೆಚ್ಚು ವೀಕ್ಷಣೆಗೆ ಒಳಪಡುತ್ತದೋ ಆ ಹಾಡನ್ನು ಆಯ್ದು ಸಂಬಂಧಪಟ್ಟವರಿಗೆ 25 ಸಾವಿರ ನಗದು ಬಹುಮಾನ ನೀಡಲಾಗುತ್ತದೆ.

    ಇದೀಗ 25 ಸಾವಿರ ಗೆಲ್ಲುವ ಪ್ರತಿಭಾವಂತ ಸಂಗೀತಗಾರರು ಅದಷ್ಟು ಬೇಗನೇ ಈ ವಿಡಿಯೋ ನೋಡಿ ಇಂಗ್ಲೀಷ್ ನಲ್ಲಿರುವ ಹಾಡನ್ನು ಕನ್ನಡಕ್ಕೆ ಭಾಷಾಂತರ ಮಾಡಿ ಅಪ್ ಲೋಡ್ ಮಾಡಿ. ಹಾಗು uturnthefilm@gmail.com ಇ-ಮೇಲ್ ಗೆ ಕಳುಹಿಸಿ. ಹಾಡಿನ ವಿಡಿಯೋ ಇಲ್ಲಿದೆ ನೋಡಿ...

    English summary
    'Go Take That U TURN' is a hiphop song, composed and sung by Smokey The Ghost. Pawan Kumar directorial Kannada movie 'U Turn' team launch the song Contest and Win Rs 25 thousand.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X