ಶಾಲಾ ಮಕ್ಕಳಿಗೆ 'ವಿಕ್ರಾಂತ್ ರೋಣ' ಪೈರಸಿ ಸಿನಿಮಾ ತೋರಿಸಿದ ವಾರ್ಡನ್; ಚಿತ್ರತಂಡ ಆಕ್ರೋಶ

ಶಾಲೆಯಲ್ಲಿ 'ವಿಕ್ರಾಂತ್ ರೋಣ' ಪೈರಸಿ ಸಿನಿಮಾ

ಮುಳಬಾಗಿಲಿನ ಮೂರಾರ್ಜಿ ಸ್ಕೂಲ್ ಕುತಂಡ್ಲಹಳ್ಳಿಯಲ್ಲಿ ಈ ಕೃತ್ಯ ನಡೆದಿರುವುದಾಗಿ ಹೇಳಲಾಗುತ್ತಿದೆ. ಅದಕ್ಕೆ ಸಂಬಂಧಿಸಿದ ಫೋಟೊಗಳು, ವಿಡಿಯೋಗಳು ಹರಿದಾಡ್ತಿದೆ. ಮಕ್ಕಳಿಗೆ ಪೈರಸಿಯಲ್ಲಿ 'ವಿಕ್ರಾಂತ್ ರೋಣ' ಸಿನಿಮಾ ತೋರಿಸಿದ್ದಕ್ಕೆ ಆಕ್ರೋಶ ವ್ಯಕ್ತವಾಗ್ತಿದ್ದು, ಕಾರಣರಾದವರಿಗೆ ಬುದ್ಧಿ ಕಲಿಸುವುದಾಗಿ ಸುದೀಪ್ ಅಭಿಮಾನಿಗಳು ಹೇಳುತ್ತಿದ್ದಾರೆ.

3 ದಿನದ ಕಲೆಕ್ಷನ್ 80 ಕೋಟಿ

ಗುರುವಾರವೇ ರಿಲೀಸ್ ಆಗಿರೋ 'ವಿಕ್ರಾಂತ್ ರೋಣ' ಚಿತ್ರಕ್ಕೆ ದೊಡ್ಡ ವೀಕೆಂಡ್ ಕಲೆಕ್ಷನ್ ಪ್ಲಸ್ ಆಗಲಿದೆ. ಮೊದಲ 3 ದಿನಕ್ಕೆ 80 ಕೋಟಿ. ರೂಗೂ ಅಧಿಕ ಕಲೆಕ್ಷನ್ ಮಾಡಿ ರೋಣ ಮುನ್ನುಗ್ಗುತ್ತಿದ್ದಾನೆ. ಇವತ್ತು ಭಾನುವಾರ ದೊಡ್ಡಮಟ್ಟದ ಕಲೆಕ್ಷನ್ ನಿರೀಕ್ಷೆ ಮಾಡಲಾಗುತ್ತಿದೆ.

'ವಿಕ್ರಾಂತ್ ರೋಣ' ಚಿತ್ರಕ್ಕೆ ಮೌಳಿ ಬಹುಪರಾಕ್

'ವಿಕ್ರಾಂತ್ ರೋಣ' ಸಿನಿಮಾ ನೋಡಿ ಟ್ವೀಟ್ ಮಾಡಿರುವ ನಿರ್ದೇಶಕ ರಾಜಮೌಳಿ "ಸಿನಿಮಾ ಯಶಸ್ಸು ಕಂಡಿದ್ದಕ್ಕೆ ಅಭಿನಂದನೆಗಳು. ಇಂತಹ ಎಳೆಯನ್ನು ಸಿನಿಮಾ ಮಾಡುವುದಕ್ಕೆ ಧೈರ್ಯ ಹಾಗೂ ನಂಬಿಕೆ ಎರಡೂ ಬೇಕು. ನೀವು ಅದನ್ನು ಮಾಡಿದ್ರಿ, ಅದಕ್ಕೆ ಬೆಲೆ ಸಿಕ್ಕಿದೆ. ಸಿನಿಮಾದ ಪ್ರೀ ಕ್ಲೈಮ್ಯಾಕ್ಸ್ ಹೃದಯವಿದ್ದಂತೆ. ಅದು ಬರುತ್ತೆ ಎಂದು ನಾವು ಅಂದುಕೊಂಡಿರಲಿಲ್ಲ. ಆದರೂ ಅದು ಅದ್ಭುತವಾಗಿದೆ. ಭಾಸ್ಕರ್ ಪಾತ್ರದ ಬಗ್ಗೆ ವಿಶೇಷವಾಗಿ ಹೇಳಲೇಬೇಕು" ಎಂದು ರಾಜಮೌಳಿ ಬರೆದುಕೊಂಡಿದ್ದಾರೆ.

ಫಸ್ಟ್‌ ವೀಕೆಂಡ್‌ನಲ್ಲಿ 100 ಕೋಟಿ ರೂ. ಗಳಿಕೆ

ಗುರುವಾರ, ಶುಕ್ರವಾರ, ಶನಿವಾರ ಸೇರಿ 80 ಕೋಟಿ ಗಳಿಸಿರೋ ಸಿನಿಮಾ ಫಸ್ಟ್‌ ವೀಕೆಂಡ್‌ನಲ್ಲಿ 100 ಕೋಟಿ ರೂ. ಗಳಿಕೆ ಕಂಡಿರುವ ಸುಳಿವು ಸಿಗುತ್ತಿದೆ. ಹಿಂದಿ ಬೆಲ್ಟ್ ಹಾಗೂ ಆಂಧ್ರ, ತೆಲಂಗಾಣದಲ್ಲಿ 'ಕೆಜಿಎಫ್‌- 2' ನಂತರ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಅನ್ನುವ ಹೆಗ್ಗಳಿಕೆಗೆ 'ವಿಕ್ರಾಂತ್ ರೋಣ' ಪಾತ್ರವಾಗಿದೆ.