ಅರಿಶಿಣ ಶಾಸ್ತ್ರದ ಸಂಭ್ರಮದಲ್ಲಿ ನಟಿ ಹರಿಪ್ರಿಯಾ

ಹರಿಪ್ರಿಯಾ ಅರಿಶಿಣ ಶಾಸ್ತ್ರ

ನಟಿ ಹರಿಪ್ರಿಯಾ ಸದ್ಯ ಅರಿಶಿಣ ಶಾಸ್ತ್ರದ ಸಂಭ್ರಮದಲ್ಲಿದ್ದಾರೆ. ಆ ಫೋಟೋಗಳನ್ನು ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಅವರೇ ಹಂಚಿಕೊಂಡಿದ್ದಾರೆ. ''ಈ ಪ್ರೀತಿ ಪಾತ್ರರ ಜೊತೆಗೆ ಅರಿಶಿಣ ಶಾಸ್ತ್ರದ ತಯಾರಿಯಲ್ಲಿದ್ದೇನೆ.'' ಎಂದು ಬರೆದುಕೊಂಡಿರುವ ನೀರ್ ದೊಸೆ ಚಲುವೆ ಅಭಿಮಾನಿಗಳಿಗೆ ಗೂಗ್ಲಿ ಹಾಕಿದ್ದಾರೆ.

ಸಿನಿಮಾದ ಚಿತ್ರೀಕರಣ

ಹರಿಪ್ರಿಯಾ ಅವರ ಈ ಫೋಟೋಗಳು 'ಎಲ್ಲಿದೆ ಇಲ್ಲಿ ತನಕ' ಸಿನಿಮಾದ ಚಿತ್ರೀಕರಣದ ಫೋಟೋಗಳಾಗಿವೆ. ನಟ ಸೃಜನ್ ಲೋಕೇಶ್ ಜೋಡಿಯಾಗಿ ಹರಿಪ್ರಿಯಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಮದುವೆಯ ದೃಶ್ಯವೊಂದು ಬರುತ್ತಿದ್ದು, ಅದರ ಚಿತ್ರೀಕರಣ ಸದ್ಯ ನಡೆಯುತ್ತಿದೆ.

ಸೃಜನ್ ನಿರ್ಮಾಣದ ಚಿತ್ರ

'ಎಲ್ಲಿದೆ ಇಲ್ಲಿ ತನಕ' ನಟ ಸೃಜನ್ ಲೋಕೇಶ್ ನಿರ್ಮಾಣದ ಸಿನಿಮಾವಾಗಿದೆ. ಕಿರುತೆರೆಯಲ್ಲಿಯೂ ಬ್ಯುಸಿ ಇರುವ ಸೃಜನ್ ಹಿರಿತೆರೆಯಲ್ಲಿಯಲ್ಲಿಯೂ ಸಿನಿಮಾ ಮಾಡುತ್ತಿದ್ದಾರೆ. ತೇಜಸ್ವಿ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದು, ಅರ್ಜುನ್ ಜನ್ಯ ಸಂಗೀತ ನೀಡಲಿದ್ದಾರೆ.

ಹರಿಪ್ರಿಯಾ ಕೈನಲ್ಲಿ ಸಾಕಷ್ಟು ಸಿನಿಮಾಗಳು

ಹರಿಪ್ರಿಯಾ ಸದ್ಯ 'ಎಲ್ಲಿದೆ ಇಲ್ಲಿ ತನಕ' ಸಿನಿಮಾದ ಜೊತೆಗೆ ಸಾಕಷ್ಟು ಬೇರೆ ಬೇರೆ ಸಿನಿಮಾ ಮಾಡುತ್ತಿದ್ದಾರೆ. 'ಬೆಲ್ ಬಾಟಂ', 'ಕನ್ನಡ್ ಗೊತ್ತಿಲ್ಲ', 'ಡಾಟರ್ ಆಫ್ ಪಾರ್ವತಮ್ಮ', 'ಸೂಜಿದಾರ', 'ಕಥಾ ಸಂಗಮ' ಸಿನಿಮಾಗಳು ಹರಿಪ್ರಿಯಾ ಅವರ ಮುಂದಿನ ಸಿನಿಮಾಗಳಾಗಿವೆ.