ಹರ್ಷಿಕಾ ಪೂಣಚ್ಚ ಹೃದಯ ಕದ್ದ ಚೋರ ಡಸ್ಟರ್

ಬಬ್ಲಿ ತಾರೆ ಹರ್ಷಿಕಾ ಪೂಣಚ್ಚ ಅವರ ಹೃದಯವನ್ನು ಚೋರನೊಬ್ಬ ಕದ್ದಿದ್ದಾನೆ. ಇಂಜಿನಿಯರಿಂಗ್ ಪದವೀಧರೆಯಾಗಿರುವ ಅವರು ಸಾಫ್ಟ್ ವೇರ್ ಕಂಪನಿಯೊಂದರಲ್ಲಿ ಉದ್ಯೋಗ ಮಾಡುತ್ತಾ ಚಲನಚಿತ್ರಗಳಲ್ಲೂ ಬಿಜಿಯಾಗಿರುವುದು ಗೊತ್ತೇ ಇದೆ.

ಇಷ್ಟಕ್ಕೂ ಅವರು ಹೃದಯ ಕದ್ದಿರುವ ಚೋರನ ಹೆಸರು 'ರೆನೋ ಡಸ್ಟರ್'! ಇತ್ತೀಚೆಗೆ ಅವರು ಟಾಪ್ ಎಂಡ್ ಮಾಡೆಲ್ 'ರೆನೋ ಡಸ್ಟರ್' ಕಾರನ್ನು ಕೊಂಡುಕೊಂಡಿದ್ದಾರೆ. ಈ ಕಾರಿನ ಆನ್ ರೋಡ್ ಬೆಲೆ ರು.17 ಲಕ್ಷ. ಮೊದಲು ಕಾರನ್ನು ಟೆಸ್ಟ್ ಡ್ರೈವ್ ಮಾಡಿದೆ. ಕಾರು ಅದ್ಭುತ ಎನ್ನಿಸಿತು. ಕೂಡಲೆ ಬುಕ್ ಮಾಡಿದೆ ಎನ್ನುತ್ತಾರೆ ಹರ್ಷಿಕಾ.

ಹರ್ಷಿಕಾ ಪೂಣಚ್ಚ

ರಮೇಶ್ ಅರವಿಂದ ಜೊತೆಗಿನ 'ಮಂಗನ ಕೈಲಿ ಮಾಣಿಕ್ಯ' (ಈ ಚಿತ್ರಕ್ಕೆ ಮೊದಲು 'ರಸಗುಲ್ಲ' ಎಂದು ಹೆಸರಿಡಲಾಗಿತ್ತು) ಚಿತ್ರದಲ್ಲೂ ಅಭಿನಯಿಸಿದ್ದಾರೆ. ತಂಗಿ ಪಾತ್ರಗಳಲ್ಲಿ ಗುರುತಿಸಿಕೊಂಡಿದ್ದ ಹರ್ಷಿಕಾ ಅವರು ಇನ್ನು ಮುಂದೆ ಗ್ಲಾಮರ್ ಪಾತ್ರಗಳ ಕಡೆಗೂ ಒಲವು ತೋರಿದ್ದಾರೆ. ಹರ್ಷಿಕಾ ಅಭಿನಯದ ಅದ್ವೈತ, ಬಿತ್ರಿ ಹಾಗೂ 'ಅಲೆ' ಚಿತ್ರಗಳು ಬಿಡುಗಡೆಗೆ ಕಾದಿವೆ. (ಏಜೆನ್ಸೀಸ್)