'NTR' ಬಯೋಪಿಕ್ ನಲ್ಲಿ ಇರುತ್ತಾ ರಾಜ್ ಕುಮಾರ್ ಪಾತ್ರ?

ರಾಜ್ ಕುಮಾರ್ ಪಾತ್ರ ಇಲ್ಲ

ಎನ್ ಟಿ ರಾಮರಾವ್ ಅವರ ಜೀವನಾಧಾರಿತ ಸಿನಿಮಾ 'ಎನ್ ಟಿ ಆರ್' ಚಿತ್ರದಲ್ಲಿ ರಾಜ್ ಕುಮಾರ್ ಅವರ ಪಾತ್ರ ಇಲ್ಲವಂತೆ. ಈ ವಿಷಯವನ್ನು ಸ್ವತಃ ಚಿತ್ರದ ನಾಯಕ ಬಾಲಕೃಷ್ಣ ಸ್ಪಷ್ಟ ಪಡಿಸಿದ್ದಾರೆ. ನಿನ್ನೆ ಬೆಂಗಳೂರಿನಲ್ಲಿ ಚಿತ್ರದ ಪ್ರೆಸ್ ಮೀಟ್ ನಡೆದಿದ್ದು, ಬಾಲಯ್ಯ ಚಿತ್ರದ ವಿವರ ನೀಡಿದರು.

ಯಾಕಿಲ್ಲ ಎನ್ನುವುದಕ್ಕಿಲ್ಲ ಉತ್ತರ

ರಾಜ್ ಕುಮಾರ್ ಕುಟುಂಬ ಹಾಗೂ ಎನ್ ಟಿ ಆರ್ ಕುಟುಂಬ ಒಳ್ಳೆಯ ಗೆಳೆತನ ಹೊಂದಿದೆ. ಹೀಗಿದ್ದರು, ರಾಜ್ ಪಾತ್ರ ಚಿತ್ರದಲ್ಲಿ ಯಾಕಿಲ್ಲ ಎನ್ನುವ ಪ್ರಶ್ನೆ ಮೂಡುತ್ತದೆ. ಆದರೆ, ಇದಕ್ಕೆ ಸದ್ಯಕ್ಕೆ ಉತ್ತರವಿಲ್ಲ. ಎನ್ ಟಿ ಆರ್ ಸಿನಿಮಾ ಎರಡು ಪಾರ್ಟ್ ಗಳಲ್ಲಿ ಬರುತ್ತಿದ್ದು, ಎರಡರಲ್ಲಿಯೂ ರಾಜ್ ಪಾತ್ರ ಇರುವುದಿಲ್ಲ.

ರಾಜ್ ಬಯೋಪಿಕ್ ನೋಡುವಾಸೆ

ನಿನ್ನೆಯ ಕಾರ್ಯಕ್ರಮದಲ್ಲಿ ಮಾತನಾಡಿದ ಬಾಲಕೃಷ್ಣ ತಮ್ಮ ತಂದೆ ಎನ್ ಟಿ ಆರ್ ಅವರ ಜೀವನಾಧಾರಿತ ಸಿನಿಮಾದ ರೀತಿ ರಾಜ್ ಕುಮಾರ್ ಅವರ ಬಯೋಪಿಕ್ ನೋಡುವ ಆಸೆ ಇದೆ ಎಂದರು. ವೇದಿಕೆ ಮೇಲೆ ಇದ್ದ ಪುನೀತ್ ಗೆ ಸಿನಿಮಾ ಮಾಡಿ ಎಂದು ಪ್ರೀತಿಯ ಮನವಿ ಮಾಡಿದರು.

ನಾಳೆ ಸಿನಿಮಾ ಬಿಡುಗಡೆ

'ಎನ್ ಟಿ ಆರ್' ಚಿತ್ರದ ಮೊದಲ ಭಾಗ 'ಕಥಾನಾಯಕುಡು' ನಾಳೆ ಬಿಡುಗಡೆಯಾಗುತ್ತಿದೆ. ಎನ್ ಟಿ ಆರ್ ಪಾತ್ರದಲ್ಲಿ ಅವರ ಮಗ ನಟ ಬಾಲಕೃಷ್ಣ ನಟಿಸಿದ್ದಾರೆ. ಎನ್ ಟಿ ಆರ್ ಪತ್ನಿಯಾಗಿ ವಿದ್ಯಾ ಬಾಲನ್ ಕಾಣಿಸಿಕೊಂಡಿದ್ದಾರೆ. ಕ್ರಿಶ್ ಚಿತ್ರದ ನಿರ್ದೇಶನ ಮಾಡಿದ್ದು, ಎಂ ಎಂ ಕೀರವಾಣಿ ಸಂಗೀತ ನೀಡಿದ್ದಾರೆ.