ಜನಾರ್ದನ ರೆಡ್ಡಿ ಪುತ್ರನ ಸಿನಿಮಾ ಕಥೆ ಏನಾಯ್ತು?

ಸಜ್ಜಾಗುತ್ತಿರುವ ರೆಡ್ಡಿ ಪುತ್ರ

ಜನಾರ್ದನ ರೆಡ್ಡಿ ಅವರ ಮಗನನ್ನ ಸಿನಿಮಾದಲ್ಲಿ ಪರಿಚಯಿಸಲು ಎಲ್ಲ ಪೂರ್ವ ತಯಾರಿ ನಡೆಯುತ್ತಿದೆ. ಇದಕ್ಕಾಗಿ ಡ್ಯಾನ್ಸ್, ಫೈಟ್ ಹೀಗೆ ಅಭಿನಯ ಕೂಡ ಕಲಿಯುತ್ತಿದ್ದಾರಂತೆ ರೆಡ್ಡಿ ಪುತ್ರ. ಶಿಕ್ಷಣ ಮುಗಿಸಿ ಬಂದಮೇಲೆ ಅಧಿಕೃತವಾಗಿ ಬೆಳ್ಳಿತೆರೆಗೆ ಬರಲಿದ್ದಾರೆ.

ಜನಾರ್ದನ ರೆಡ್ಡಿ ಮಗನ ಚೊಚ್ಚಲ ಚಿತ್ರಕ್ಕೆ ತೆಲುಗಿನ ಸ್ಟಾರ್ ನಿರ್ದೇಶಕ.!

ಪೊಲಿಟಿಕಲ್ ಸೈನ್ಸ್ ಓದುತ್ತಿರುವುದು ಯಾಕೆ?

ಸಿನಿಮಾ ಮಾಡಬೇಕು ಎಂಬ ಗುರಿ ಇದ್ದರೂ ರಾಜಕೀಯ ಬಿಡಲ್ಲ ಎಂಬುದಕ್ಕೆ ಅವರು ಆಯ್ಕೆ ಮಾಡಿಕೊಂಡಿರುವ ಕೋರ್ಸ್ ಚರ್ಚೆಗೆ ಕಾರಣವಾಗಿದೆ. ಸಿನಿಮಾ ನನ್ನ ಮೊದಲ ಆಧ್ಯತೆ ಎಂದಿರುವ ಕೀರಿಟಿ ರಾಜಕೀಯ ಶಾಸ್ತ್ರದ ಬಗ್ಗೆ ವಿದ್ಯಾಬ್ಯಾಸ ಮಾಡುತ್ತಿದ್ದಾರೆ. ಇಲ್ಲೇ ಗೊತ್ತಾಗುತ್ತೆ ರೆಡ್ಡಿ ಪುತ್ರ ರಾಜಕೀಯಕ್ಕೂ ಬರ್ತಾರೆ ಅಂತ.

ಪೂರಿ ಜಗನ್ನಾಥ್ ಡೈರೆಕ್ಷನ್

ರೆಡ್ಡಿ ಪುತ್ರನ ಸಿನಿಮಾ ನಿರ್ದೇಶನ ಮಾಡಲು ಇಬ್ಬರು ಖ್ಯಾತ ನಿರ್ದೇಶಕರನ್ನ ಸಂಪರ್ಕ ಮಾಡಲಾಗಿದೆಯಂತೆ. ತೆಲುಗಿನ ಸ್ಟಾರ್ ಡೈರೆಕ್ಟರ್ ಪೂರಿ ಜಗನ್ನಾಥ್ ಮತ್ತು ವಿವಿ ವಿನಾಯಕ್ ಅವರ ಹೆಸರು ಈ ಹಿಂದೆ ಕೇಳಿಬಂದಿತ್ತು. ಇವರಿಬ್ಬರಲ್ಲಿ ಒಬ್ಬರು ಕೀರಿಟಿಯನ್ನ ಪರಿಚಯಿಸಲಿದ್ದಾರಂತೆ. ಆದ್ರೆ, ಅಧಿಕೃತವಾಗಿ ಪ್ರಕಟವಾಗಿಲ್ಲ.

ಎರಡು ಭಾಷೆಯಲ್ಲಿ ಸಿನಿಮಾ?

ಸದ್ಯಕ್ಕೆ ಸಿಕ್ಕಿರುವ ಮಾಹಿತಿ ಪ್ರಕಾರ, ರೆಡ್ಡಿ ಮಗನ ಮೊದಲ ಸಿನಿಮಾ ಎರಡು ಭಾಷೆಯಲ್ಲಿ ಬರಲಿದೆಯಂತೆ. ಕನ್ನಡ ಮತ್ತು ತೆಲುಗಿನಲ್ಲಿ ಮಗನನ್ನು ಪರಿಚಯಿಸಲು ಮಾಜಿ ಸಚಿವರು ಪ್ಲಾನ್ ಮಾಡಿದ್ದಾರೆ. ಸದ್ಯ, ವಿದೇಶದಲ್ಲಿ ಓದುತ್ತಿರುವ ಮಗ ಎಜಿಕೇಶನ್ ಮುಗಿಸಿ ವಾಪಸ್ ಬರುವವರೆಗೂ ಇದೆಲ್ಲವೂ ಅಂತೆ-ಕಂತೆಗಳಾಗಿ ಉಳಿಯಲಿದೆ.