Don't Miss!
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಮಹಾಕಾಳಿ', 'ಗಂಗಾ' ಮಾಲಾಶ್ರೀ ಬಹುಪರಾಕ್
ಒಂದು ಕಾಲದಲ್ಲಿ ಸ್ಯಾಂಡಲ್ ವುಡ್ ನಲ್ಲಿ ಭಾರಿ ಬೇಡಿಕೆಯಿದ್ದ ನಟಿ, ಯಾರು ಅಂದ್ರೆ ಅದು ಮಾಲಾಶ್ರೀ ಅಂತಾನೇ ಹೇಳಬಹುದು. 'ಒಳಗೆ ಸೇರಿದರೆ ಗುಂಡು, ಹುಡುಗಿ ಆಗುವಳು ಗಂಡು' ಅಂತ ಹಾಡಿ ಭಾರಿ ಜನಪ್ರಿಯತೆ ಪಡೆದುಕೊಂಡಿದ್ದ, ನಟಿ ಮಾಲಾಶ್ರೀ ಅವರಿಗಿಂದು ಹುಟ್ಟುಹಬ್ಬದ ಸಂಭ್ರಮ.
'ನಜುಂಡಿ ಕಲ್ಯಾಣ' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ನಟಿ ಮಾಲಾಶ್ರೀ ಅವರು 'ಬೆಳ್ಳಿ ಕಾಲುಂಗರ' ಚಿತ್ರದಲ್ಲಿ ಮನೋಜ್ಞ ಅಭಿನಯ ನೀಡಿ ಪ್ರೇಕ್ಷಕರ ಕಣ್ಣಂಚು ಒದ್ದೆ ಮಾಡಿದ್ದರು. ಅಷ್ಟರಮಟ್ಟಿಗೆ ನಟನೆಯಲ್ಲಿ ಸೈ ಎನಿಸಿಕೊಂಡಿರುವ ಗಂಡುಬೀರಿ ಮಾಲಾಶ್ರೀ ಇಂದು 42ನೇ ಜನುಮದಿನವನ್ನು ಸಂಭ್ರಮದಿಂದ ಆಚರಿಸಿಕೊಳ್ಳುತ್ತಿದ್ದಾರೆ.
1973 ಆಗಸ್ಟ್ 10ರಂದು ತಮಿಳುನಾಡಿನ ಚೆನೈ ನಲ್ಲಿ ಜನಿಸಿದ ಇವರು 1989ರಲ್ಲಿ 'ನಂಜುಂಡಿ ಕಲ್ಯಾಣ' ಚಿತ್ರದಲ್ಲಿ ರಾಜ್ ಕುಡಿ ರಾಘವೇಂದ್ರ ರಾಜ್ ಕುಮಾರ್ ಅವರ ಜೊತೆ 'ನಂಜುಂಡಿ ಕಲ್ಯಾಣ' ಚಿತ್ರದಲ್ಲಿ ನಟಿಸಿ ನಟನಾ ಕ್ಷೇತ್ರದಲ್ಲಿ ಸೈ ಎನಿಸಿಕೊಂಡರು. ['ಮಹಾಕಾಳಿ' ಮಾಲಾಶ್ರೀ ಘರ್ಜನೆ ಬಗ್ಗೆ ವಿಮರ್ಶಕರು ಏನಂತಾರೆ?]
ಗಂಡುಬೀರಿ ಪಾತ್ರಗಳಿಂದ ಹಿಡಿದು ಹೆಂಗರುಳು ಪಾತ್ರ ವಹಿಸುವ ನಟಿ ಮಾಲಾಶ್ರೀ ಅವರು ಸಾಲು-ಸಾಲು ಚಿತ್ರಗಳಲ್ಲಿ ನಟಿಸಿದ್ದಾರೆ.
'ಗಜಪತಿ ಗರ್ವಭಂಗ', 'ಪೊಲೀಸನ ಹೆಂಡ್ತಿ', 'ರಾಣಿ ಮಹಾರಾಣಿ', 'ಹೃದಯ ಹಾಡಿತು', 'ರಾಮಾಚಾರಿ', 'ಗೃಹಪ್ರವೇಶ', 'ಬೆಳ್ಳಿ ಕಾಲುಂಗುರ', 'ಬೆಳ್ಳಿ ಮೋಡಗಳು', 'ಮಾಲಾಶ್ರೀ ಮಾಮಾಶ್ರೀ', 'ಗಡಿಬಿಡಿ ಅಳಿಯ', 'ಚಾಮುಂಡಿ', 'ಶಕ್ತಿ', 'ಕನ್ನಡದ ಕಿರಣ್ ಬೇಡಿ', 'ಎಲೆಕ್ಷನ್', ಮುಂತಾದ ಸಾಲು ಕನ್ನಡ ಚಿತ್ರಗಳಲ್ಲಿ ನಟಿಸಿದ ಹೆಗ್ಗಳಿಕೆ ಇವರದು.
ಮಾತ್ರವಲ್ಲದೇ 1991 ರಲ್ಲಿ ನಡೆದ ಫಿಲಂಫೇರ್ ಆವಾರ್ಡ್ ನಲ್ಲಿ ಅತ್ಯುತ್ತಮ ನಟಿ ಎಂಬ ಪ್ರಶಸ್ತಿ ಹಾಗೂ ಎನ್ ಟಿ ಆರ್ ಪ್ರಶಸ್ತಿಯ ಗರಿಯನ್ನುತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.[ಶುಕ್ರವಾರ ಬಿರಿಯಾನಿ ಬಿಟ್ಟ ಆಕ್ಷನ್ ಕ್ವೀನ್ ಮಾಲಾಶ್ರೀ]
ನಟ ಸುನೀಲ್ ಜೊತೆ ಇವರ ಮದುವೆ ಮಾತುಕತೆ ಕೂಡ ನಡೆದಿದ್ದು, ಆದರೆ ಸುನೀಲ್ ಅವರ ಅಕಾಲಿಕ ಮರಣದಿಂದ ಎಲ್ಲವೂ ನಿಂತು ಹೋಗಿತ್ತು. ನಂತರ ನಿರ್ಮಾಪಕ ರಾಮು ಅವರ ಜೊತೆ ಮದುವೆಯಾಗಿ ಸುಂದರ ದಾಂಪತ್ಯ ಜೀವನ ನಡೆಸುತ್ತಿರುವ ದಂಪತಿಗಳಿಗೆ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.
ಇನ್ನೂ 'ಮಹಾಕಾಳಿ', 'ಗಂಗಾ', ಮತ್ತು 'ಮಾಲಾಶ್ರೀ', ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು, ಸದ್ಯದಲ್ಲೇ ತೆರೆ ಕಾಣಲಿದೆ. ಅದೇನೇ ಇರಲಿ ಒಂದು ಕಾಲದಲ್ಲಿ ಅಭಿನಯದಲ್ಲಿ ಉತ್ತುಂಗಕ್ಕೆ ಏರಿದ್ದ ನಟಿ ಮಾಲಾಶ್ರೀ ಅವರಿಗೆ ನಮ್ಮ ಕಡೆಯಿಂದಲೂ ವಿಶ್ ಯೂ ಹ್ಯಾಪಿ ಬರ್ತ್ ಡೇ.