ಸುಶಾಂತ್ ಸಿಂಗ್ ರೀತಿ ನೇಣು ಹಾಕಿಕೊಂಡು ಸಾಯಬೇಕಾ? ಸಂಜನಾ ಗರಂ

ಹೀಗೆ ಮಾಡ್ತಿದ್ರೆ ನಾನು ನೇಣು ಹಾಕಿಕೊಂಡು......

''ಸ್ಯಾಂಡಲ್ ವುಡ್ ಇಂಡಸ್ಟ್ರಿ ಅಂತಹ ಹೆಸರು ತರಬೇಡಿ. ನಾನು ಇದರಲ್ಲಿ ಭಾಗಿಯಾಗಿಲ್ಲ, ಸುಮ್ಮನೆ ನನ್ನನ್ನು ಏಕೆ ಕೇಳ್ತೀರಾ, ಎಷ್ಟು ಅಂತ ತೊಂದರೆ ಕೊಡ್ತೀರಾ ನನಗೆ, ಒಂದೇ ವಿಚಾರವನ್ನು ಎಷ್ಟೂ ಅಂತ ಮಾತನಾಡೋಣ. ಹೀಗೆ ಮಾಡ್ತಿದ್ರೆ ಸುಶಾಂತ್ ಸಿಂಗ್ ರೀತಿ ನೇಣು ಹಾಕಿಕೊಂಡು ಸಾಯಬೇಕಾ? ಎಂದು ನಟಿ ಸಂಜನಾ ಗರಂ ಆದರು.

ರಾಹುಲ್ ನನಗೆ ಪರಿಚಯ

'ರಾಹುಲ್ ನನಗೆ ಗೊತ್ತಿರುವ ಹುಡುಗ. ಮೂರು ವರ್ಷದಿಂದ ಪರಿಚಯ. ಕಾಮನ್ ಸ್ನೇಹಿತರ ಮೂಲಕ ಪರಿಚಯ ಅಷ್ಟೇ. ಇದುವರೆಗೂ ಸಿಸಿಬಿಯಿಂದ ನನಗೆ ಯಾವುದೇ ನೋಟಿಸ್ ಅಥವಾ ನನ್ನನ್ನು ಸಂಪರ್ಕ ಮಾಡಿಲ್ಲ. ಒಂದು ವೇಳೆ ನನಗೆ ಕರೆದರೂ ಕಾನೂನಿನ ಪ್ರಕಾರ ನಾನು ಭಾಗಿಯಾಗುತ್ತೇನೆ, ಇದರಲ್ಲಿ ಯಾವುದೇ ತಪ್ಪಿಲ್ಲ' ಎಂದು ಸ್ಪಷ್ಟನೆ ನೀಡಿದ್ದಾರೆ.

ನಾನೇನು ಹೊಸ ನಾಯಕಿ ಅಲ್ಲ

ಹೊಸ ನಟಿಯರು ಭಾಗಿಯಾಗಿದ್ದಾರೆ ಎಂದು ಇಂದ್ರಜಿತ್ ಲಂಕೇಶ್ ಹೇಳಿರುವ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಸಂಜನಾ ''ನಾನು ಹೊಸ ನಾಯಕಿ ಅಲ್ಲ, ನಾನು 50 ಸಿನಿಮಾ ಮಾಡಿದ್ದೀನಿ. ನಾನು ಹಳೆ ನಾಯಕಿ. ಪ್ರಭಾಸ್, ಪವನ್ ಕಲ್ಯಾಣ್ ಜೊತೆ ಸಿನಿಮಾ ಮಾಡಿದ್ದೀನಿ. ನನಗೂ ಇದಕ್ಕೂ ಸಂಬಂಧವಿಲ್ಲ. ಈ ಬಗ್ಗೆ ನಾನು ಏಕೆ ಮಾಡಬೇಕು'' ಎಂದು ಪ್ರಶ್ನಿಸಿದ್ದಾರೆ.

ಪ್ರಶಾಂತ್ ಸಂಬರ್ಗಿ ಹೇಳಿಕೆಗೆ ತಿರುಗೇಟು

ಸಂಜನಾ ಬಗ್ಗೆ ಮಾತಾಡಿ ನನ್ನ ಬಾಯಿ ಗಲೀಜು ಮಾಡಿಕೊಳ್ಳಲ್ಲ ಎಂದು ಹೇಳಿದ್ದ ಪ್ರಶಾಂತ್ ಸಂಬರ್ಗಿಗೆ ನಟಿ ಸಂಜನಾ ತಿರುಗೇಟು ನೀಡಿದ್ದಾರೆ. ''ಅವರು ಹೆಸರು ಸಹ ನನಗೆ ಗೊತ್ತಿಲ್ಲ. ಬೀದಿ ನಾಯಿಗೂ ನಾನು ಗೌರವ ಕೊಡ್ತೀನಿ, ಆದರೆ, ಆ ಮನುಷ್ಯನಿಗೆ ಕೊಡಲ್ಲ. ನೀವು ಮಾಧ್ಯಮದವರೇ ಅವನಿಗೆ ಪ್ರಚಾರ ಕೊಡ್ತಿದ್ದೀರಾ'' ಎಂದು ಕಿಡಿಕಾರಿದರು.